Það varðaði bara svona

Ég tek ofan fyrir Sigmari Guðmundssyni þegar hann í Kastljósi kvöldsin reyndi að fá Geir til að svara og gekk hart fram í því.

Það er amk. ekki við hann að sakast þó upplýsingarnar sem fengjust hafi verið langt í frá fullnægjandi.

Strákurinn stóð sig með prýði.

Það fór um mig hrollur þegar Geir sagði að ekki stæði til að skipta út stjórn Seðlabankans.

Ekki að ræða það.

Geir ætlar heldur ekki að láta kjósa á næstunni.

Ekki að þeir Sjálfstæðismenn séu hræddir við kosningar - ónei, ástandið er bara þannig.

Bankarnir stækkuðu bara sí svona og enginn er ábyrgur.

Það varðaði bara svona eins og börnin segja.

Takk Sigmar - þú gerðir þitt besta og vel það.

ARG

KASTLJÓS KVÖLDSINS

Við munum ekki láta kúga okkur

Athugasemdir

[Kreppumaður, 22.10.2008 kl. 20:59]

Sko Jenný á krepputímum forheimskast fólk svo ef kosið yrði núna fengi Framsókn 55%.  Nema að það sé það sem þú vilt?

[Heiða B. Heiðars, 22.10.2008 kl. 21:07]

Kosningar eru ekki það sem við þurfum á að halda Jenný. Alveg sama hvað okkur þyrstir í breytingar þá er það ekki málið núna.....Stjórnarkreppa oná allta annað yrði skelfing

[Anna Benkovic Mikaelsdóttir, 22.10.2008 kl. 21:10]

http://www.vb.is/frett/1/48800/islendingar-hafa-ekki-bedid-nordmenn-um-adstod

Var að hrorfa á Kastljos ...og nú er minn seinasti neisti fyrir Geir Harde farinn...sorry HARDe?...þú ert meira að hugsa um landráðamann (Davíð) heldur en þína eigin ÞJÓÐ!

[Anna Benkovic Mikaelsdóttir, 22.10.2008 kl. 21:12]

Heiða, við þurfum nú UTANÞINGSSTJÓRN, skipaða sérfræðingum!

[María Kristjánsdóttir, 22.10.2008 kl. 21:13]

Það sennilega búið að koma fram en nú eru unglarnir farnir að segja "horda" (dregið af Haarde) í staðinn fyrir að bíða.

[María Kristjánsdóttir, 22.10.2008 kl. 21:13]

unglingarnir átti það að vera

[KK (IP-tala skráð) 22.10.2008 kl. 21:22]

Að kjósa núna...

Ertu ekki að grínast...?

Fólk er að tala um að ríkisstjórnin sé svifasein, bætum kosningabaráttu við á scedulið hjá þeim...

Það er alveg rétt, þjóðin kaus þetta fólk til 4 ára þingsetu.

Hver gæti hugsanlega mögulega staðið sig betur en Geir ?

Ekki segja Framsókn eða VG, báðir flokkar eru "fjósafýla"...

[Hildigunnur Rúnarsdóttir, 22.10.2008 kl. 21:31]

Kreppumaður, ekki samkvæmt óformlegri könnun hjá Púkanum, þar fær framsókn innan við 4% og semsagt ekki mann inn. Svo forheimskuð erum við ekki...

[Brjánn Guðjónsson, 22.10.2008 kl. 21:33]

ég tek algerlega undir með Önnu. utanþingsstjórn skipaða fólki sem kann til verka. ég er á þeirri skoðun að breyta þurfi reglum um kosningar, þing og ríkisstjórn.

ég skrifaði smá hugleiðingu um það.

[Hulla Dan, 22.10.2008 kl. 21:43]

Arggggg

En  til þín engu að síður.

[Friðrik Þór Guðmundsson, 22.10.2008 kl. 21:43]

Sigmar stóð sig afar vel í þessu viðtali, spurði krítískra spurninga sem eru á allra vörum og hann fylgdi þeim vel eftir. Vel meðvitaður um að nú séu uppi örlagadagar og IMF og Bretar beinlínis að fjárkúga Ísland.

Geir sagði meira í þessu viðtali en samanlagt í mörgum viðtölum síðustu vikurnar.

[Kreppumaður, 22.10.2008 kl. 21:47]

Heill foringja vorum Guðna, hann lifi, hann lifi, húrra, húrra, húrra...

[Jenný Anna Baldursdóttir, 22.10.2008 kl. 21:57]

Sagði ég einhvers staðar að ég vildi kosningar?

I don´t think so.

Ég er að éta upp eftir manninum.  Mér finnst nefnilega að hann ætti að skoða það sem möguleika strax eftir að búið er að koma þessu á koppinn.

[Nína S (IP-tala skráð) 22.10.2008 kl. 22:08]

Auðvitað segir Geir ekkert í þá veru hvort Davíð og hinir seðlabankastjórarnir eru að fara eða ekki. Hver veit hvað þeir vinirnir hafa talað sig saman um í skjóli nætur? Kannski er búið að ákveða brottför þeirra án þess að við höfum hugmynd um, þannig að þeir geti farið með reisn. Hver veit? Við þjóðin fáum bara pínkulitla fréttabrauðmola til að hafa okkur góð á meðan verið er að ákveða allt fyrir okkur. Okkur er sagt að fara inn í herbergið okkar á meðan "fullorðna fólkið" er að tala saman. Auk þess legg ég til að Framsóknarflokkurinn verði lagður niður.

[Martha Elena Laxdal (IP-tala skráð) 22.10.2008 kl. 22:13]

Auðvitað þarf að skipta um sett þarna "uppi". Ég segi nú bara eins og ónefnd elítustjarna í fréttablaðaskítkasti út í aðra elítustjörnu: "Það er ótrúlegt hvað þunna loftið þarna uppi gerir fólk vitlaust!" Súrefnisgrímur á liðið barasta.

Og Anna: "horda" er æði

Og hvað voru ráðamenn að gera svona merkilegt (í eiginhagsmunaskyni sjálfsagt) á meðan bankarnir stækkuðu eins og stjórnlaus ofæta á alla kanta? ég bara spyr ...

Æ, minn hálfmenntaði kommon-sens haus bara skilur ekkert í þessu öllu saman ..........

[Sigrún Jónsdóttir, 22.10.2008 kl. 22:54]

Sigmar stóð sig mjög vel.  Svo bættist enn einn prófessorinn í hóp gagnrýnenda og talaði um kolranga stefnu seðlabankans síðustu ár í 10 fréttum RÚV.

[Magnús Geir Guðmundsson, 22.10.2008 kl. 23:37]

Jamm, eitthvað eru menn nú hressari með strákin Simma núna en þeir voru um daginn með DO!

[Sigurður Þórðarson, 22.10.2008 kl. 23:53]

Auðvitað á á að efna til kosninga. Það er alls ekki rétt að setja samasemmerki milli kosninga og stjórnarkreppu. En við erum líka með ákveðna lausn við stjórnarkreppu ef svo ólíklega vildi til að hún kæmi upp.

[Hólmdís Hjartardóttir, 23.10.2008 kl. 01:25]

Sigmar var frábær....hinn ekki

[Jóna Kolbrún Garðarsdóttir, 23.10.2008 kl. 01:33]

Geir Haarði er snillingur í því að svara ekki spurningum, eða að svara þeim út í hróa hött.  Okkur almenningi kemur þessi kreppa ekki við, nema að því leiti að við megum borga brúsann. 

[Birgitta Jónsdóttir, 23.10.2008 kl. 07:58]

Sigmar stóð sig afar vel, hann lét ekki slá sig út af laginu og spurði um það sem brennur á þjóðinni. Ég veit ekki um ykkur en ég get ekki hugsað mér að bíða í þrjú ár eftir að fá að kjósa, finnst nauðsynlegt að fá að kjósa eftir ca tvo mánuði - ef við gerum ekki neitt núna, þá erum við að samþykkja það sem er að gerast - svo einfalt er það.