Erum við aumingjar við Íslendingar?

Erum við aumingjar við Íslendingar?

Svei mér þá ef ég veit hvað ég á að halda eftir atburði undanfarnar vikur.  Atburðina sem hafa valdið gífurlegu tjóni í lífi hins almenna borgara á Íslandi, gert okkur öll að ómerkingum um víða veröld svo ég bara tæpi á því helsta.

Aðildarríki Atlandshafsbandalagsins samþykktu s.l. sumar áætlun um loftrýmisgæslu yfir Íslandi.

Bretar eiga að sinna þessari gæslu í desember n.k.

"Bjarni Benediktsson, formaður utanríkismálanefndar, sagði í samtali við Morgunblaðið að málið hefði ekki komið inn á borð nefndarinnar. Hann átti ekki von á öðru en staðið yrði við samkomulagið enda lægi NATÓ-skuldbinding á bak við það."

Hvers lags þýlyndi er þetta eiginlega?  Er samkomulag við NATO æðra en sjálfsmynd þjóðarinnar?

Halló, Bretar hafa sett á okkur hryðjuverkalög.  Þeir hafa orðið valdir að óbætanlegum skaða og nú eiga þeir að sjá um að vernda Ísland?

Ef þetta er ekki að kyssa á vöndinn þá heiti ég Gordon Brown.

Ég vil ekki sjá að Bretar séu hér með nútíma alvæpni á landinu á meðan við erum í þeirra augum ótýndir hryðjuverkamenn. 

Nú fer ég fram á að þessi samþykkt NATO verði endurskoðuð í ljósi breyttra aðstæðna.

En ég játa að ég hef litla sem enga trú á að það verði gert.

Af því að við erum með sjálfsmynd á við ræsisrottu þessa dagana og þá er ég að tala um stjórnvöld en ekki almenning.

URRRRRRRR

P.s. Þeir sem ekki sáu upprifjuninni á íslensku útrásinni í Kastljósi í gær geta séð það hér.  Ég hef einmitt verið að bíða eftir svona klippi.  Ég vissi ekki hvort ég ætti að gráta eða garga úr hlátri.  En þú?  Kastljósklippið.

Bretar sjá um varnirnar

Athugasemdir

[Hrönn Sigurðardóttir, 17.10.2008 kl. 08:40]

Mér varð nú bara óglatt!! Ef þessi ofurlaun eru árángurstengd, ætti þá ekki þetta fólk að borga til baka núna?

[Tína, 17.10.2008 kl. 08:41]

Tek heilshugar undir með þér Jenný mín og líka Hrönn.

Eigðu góða helgi ljúfust og höldum fast í voninni og vissunni um betri tíð.

[Marinó Már Marinósson, 17.10.2008 kl. 09:09]

Hjartanlega sammála þér.      Hvað er eiginlega að þessum stjórnmálamönnum okkar? 

[Linda María (IP-tala skráð) 17.10.2008 kl. 10:17]

Hvernig eigum við að geta treyst Bretum fyrir öryggi okkar hryðjuverkamannanna á meðan þeir heyja stríð gegn hryðjuverkum í Írak?

Nú fer ég suður undir vegg að skæla!

En ef við fjölmennum ekki á Austurvelli á morgun eigum við ekki betra skilið! Nú er tækifæri fyrir venjulegt fólk að láta til sín taka! Flest mótmæli á Íslandi hafa verið hunsuð á þeirri forsendu að þátttakendur hafi ekki verið klæddir skv. nýjustu tísku.

[Steingerður Steinarsdóttir, 17.10.2008 kl. 10:32]

Frábær pistill Jenný mín. Ég er svo hjartanlega sammála.

[Fanney Gunnlaugsdóttir (IP-tala skráð) 17.10.2008 kl. 10:36]

 Verð bara ..... ég verð bara ............. Þeir sem halda að þeir eigi ekki sök að þessu eða nutu ekki góðs af góðviðrinu, eru haldnir óráði. Og kannski ekkert skrítið þar sem við nú verðum að fara huldu höfði út um allann heim.

 Rekum fólk fyrir framhyggju og framför í landinu.... og þá sérstaklega skal reka  Forsetann og frúnna fínu , (þau vinna fyrir okkur) eins og sést á samantekninni, var hann fremstur í fararbroddi.  Af með hausinn fyrir að taka þátt í svona vitleysu. Bara réttlátt þar sem við ( littli maðurinn ) fengum ekki að taka þátt.

Ein setning stendur mér efst í huga, þegar við grátum : þeir eru að tala illa um okkur !!!   GOTT Á OKKUR. Við gleyptum við þessu öllu og sögðum  óspart.....við erum bestust í heimi. 

Stöndum saman, lærum saman að hemja okkur í framtíðinni og hætta þessu  heimsmælikvarða rugli og að halda að við getum unnið vald eða stöðu í umheiminum.   Í dag eru Allir íslendingar með rjómaköku í andlitinu, ekki bara stjórnmálamenn. 

 EN skítt með bretann og alla sem vilja búllía okkur. Lærum að því að ekkert gott kemur af því að tala ílla um aðrar þjóðir og staðhæfa um fólk í þessum löndum.  Okkur er mjög illa við þessa þróun sem er í gangi núna um okkur. Ljótu íslendingarnir að hrylla heiminn. 

Höfum við breyst sem þjóð. Erum við hætt að vera þessa littla þjóð sem látum gott af okkur leiða ??? Ætlum við að hætta að láta heyra í okkur.  Standa upp, dusta rykið og halda óhrædd áfram. Bara sleppa kokhreystinni, þá gengur okkur allt í haginn.

[Greta Björg Úlfsdóttir, 17.10.2008 kl. 10:43]

Sammála Fanneyju.

Sleppum montinu. Verum góð.

Vonandi finnum við einhvern(ja alemennilega til að verða forseti næst. Ekki pólitíkus.

[Greta Björg Úlfsdóttir, 17.10.2008 kl. 10:44]

einhvern/ja = einhvern, einhverja

[Guðmundur Ásgeirsson, 17.10.2008 kl. 11:25]

Kastljósklippið var óborganlegt, betra en nokkurt Skaup!

Varðandi Bretana ættum við einfaldlega að kyrrsetja flugvélarnar þeirra þegar þær lenda á Keflavíkurflugvelli, þar sem vill svo til að við Íslendingar eigum nú gamla herstöð. Sendum svo hermennina heim á Saga Class en hirðum þoturnar upp í bætur fyrir stríðsglæpi Breta gegn okkur og nýtum þær til að verja sjálfstæði lands og þjóðar!

"Let's freeze their asse(t)s!" ;)

[Brjánn Guðjónsson, 17.10.2008 kl. 12:05]

aumingjar já, en líka fífl því tali maður eins og fífl og hagi sér eins og fífl, gerist maður slíkt.

[Brynja skordal, 17.10.2008 kl. 12:11]

Hafðu ljúfa helgi jenný mín

[halkatla, 17.10.2008 kl. 12:23]

110% sammála - urrrrrrrrr..... humm, mér dettur ekkert annað í hug til að segja... jú ARRRRGHH!

[Sigrún Jónsdóttir, 17.10.2008 kl. 12:32]

Já ekki er hún öll eins, vitleysan sem dynur á okkur þessa dagana.  Það væri náttúrulega eftir öllu að hafa svo Breskar herflugvélar svífandi hér um loftin blá að vernda "terroristana".

Kastljósið frábært og löngu tímabært að þeir tækju Láru Hönnu sér til fyrirmyndar .

[Katrín Snæhólm Baldursdóttir, 17.10.2008 kl. 13:04]

Ég veit mig er að dreyma súrrealískan draum svo vakna ég í fyrramálið og það er enn sumar og engar áhyggjur hjá fjármálaspekúlöntum þjóðar og stjórnmálamenn enn að spóka sig á einkaþotum. ALLT eins og það á að vera....og ég verð svp fegin að þtta var bara draumur eða martröð sem allir héldu að vera veruleikinn..svo firrtur og klikkaður. Hjúkket!!

Eða hvað??? 

[sigurvin (IP-tala skráð) 17.10.2008 kl. 13:37]

Einhverníma talaði einhver um smjörklípu. Hún gengur útá það að beyna athygli fólks frá raunveruleikanum að einhverju öðru. Stjórnmálamönnum á íslandi hefur löngum tekist vel upp við þessa taktík. Hvernig skildi standa á því? Á það eitthvað skylt við fyrirsögnina þína?

Eftir að hafa lesis blogg í gær og í morgun (H. Hólmsteinn) er ég hissa. Ýmsir eru virkilega farnir að TRÚA því að ástandið á íslandi í dag sé BRETUM að kenna!

[Jenný Anna Baldursdóttir, 17.10.2008 kl. 14:20]

Sigurvin: Hvað mig varðar þarf ekki að hafa áhyggjur varðandi þetta.  Ég held að það komi fram á blogginu mínu að ég er ágætlega áttuð á því að vandamálin eru helst hérna innanlands.

En þetta er angi af sama meiði.  Það voru sett á okkur hryðjuverkalög, svoleiðis gerir maður ekki við bandlagsþjóð sína er það?  Sem er herlaus og varla upp í nös á ketti.

Sé enga ástæðu til að bregðast ekki við því.

Hitt er svo annað mál að ég er dedd á móti hernaðarbandalögum.

Katrín: Ætli okkur sé að dreyma sama drauminn.  Ésús.

Sigrún: Það er bráð nauðsynlegt að fá svona klippingar til að átta sig á stöðunni.

Auðvitað eru þeir að taka LH til fyrirmyndar, nema hvað.

Guðmundur: Vá þá fengjum við allan Natópakkann á hlaðið með alvæpni.  ÓMÆÓMÆ

Annars hef ég ekki tíma til að svara hverjum og einum en ég þakka líflegar og skemmtilegar umræður.