Gjaldþrota plebbastefnur og góð bók

 

Das Kapital og Auðmagnið seljast sem aldrei fyrr í kreppunni.

Kannski ætti ég að fara að draga fram mínar Marxísku bókmenntir og rifja upp.

Ég held ekki.

Kapitalisminn og kommúnisminn eru gjaldþrota blebbastefnur sem báðar eru stokkfullar af mannfyrirlitningu.

Ég eins og fleiri ætlast til að ný vinnubrögð verði innleidd og peningatilbeiðslan heyri sögunni til.

En talandi um bækur.

Ég hef verið meira og minna óvirk í allan dag.  Ég er nefnilega að lesa bók sem heldur mér algjörlega fanginni úr spennu.

Stefán Máni, sem skrifaði metsölubókina Skipið (kom út 2006) er með nýja bók sem heitir Ódáðahraun.

Á bókarkápu stendur að bókin sé grafskrift íslenska hlutabréfaævintýrisins.

Merkilegt hvað sumir hitta á nákvæmlega rétta tímasetningu hvað varðar efni skáldsagna.

Þessi bók er um íslenskan glæpamann (bókin gerist 2007) sem fer úr dópsölu og yfir í hlutabréfasýsl. 

Eins og málið horfir við mér þá gilda í raun sömu lögmálin í glæpa- og fjármálaheiminum.

Ódáðahraun er afspyrnu skemmtileg bók og vel skrifuð.

Og svei mér ef það er ekki að renna upp fyrir mér lágmarks skilningur á hvernig fólk græðir stórar fjárhæðir með vægast sagt vafasömum hætti.  Aðeins og seint reyndar, hehemm.

Hvet ykkur til að lesa þessa.

Hér er viðtal við Stefán Mána í síðastu Kilju.

Farin að klára bók.

 

Auðmagnið selst vel í kreppunni

Athugasemdir

[Ásthildur Cesil Þórðardóttir, 17.10.2008 kl. 14:36]

Kiljunni meinaru ekki satt ? klikkaði á þetta og er að hlusta.  Takk.

[Jenný Anna Baldursdóttir, 17.10.2008 kl. 14:47]

Hahahaha, takk fyrir að benda mér á Ásthildur.  Auðvitað Kiljunni, búin að breyta.

[Bergljót Hreinsdóttir, 17.10.2008 kl. 16:42]

Góður höfundur..ætla að kíkja á þessa...

[Nína Dóra (IP-tala skráð) 17.10.2008 kl. 17:00]

Ég bíð alltaf eftir bókablogginu þínu.

Nú eru að koma svo skemmtilegir tímar.  Jólin á næsta leyti.  Ég gef alltaf bækur ef ég get og vill helst bara bækur sjálf.

Takk fyrir skemmtilegt blogg.

Kv. ND

[Lísa Björk Ingólfsdóttir, 17.10.2008 kl. 18:33]

Er ekki hægt að fá Auðmagnið öðruvísi en í bókarformi.....?

[Ásthildur Cesil Þórðardóttir, 17.10.2008 kl. 18:59]

Tökum við ekki bara Secretið á þetta ???

[Brjánn Guðjónsson, 17.10.2008 kl. 19:38]

plebbismi er dyggð

[Villi Asgeirsson, 17.10.2008 kl. 21:03]

Skipið var afskaplega leiðinlegt, fannst mér. Kannski ég gefi Tunglinu einn séns. Sammála með kommana og kappana samt.

[Jón Bragi (IP-tala skráð) 18.10.2008 kl. 06:57]

Sammála þér um plebbastefnurnar.

Sumir virðast vera farnir að "vädra morronluft" einsog sagt er hér og boða eitthvað sem þeir kalla "gamaldags sósíalisma" (Pétur Tyrfingsson t.d.) sem er við nánari skoðun aðeins gamli góði kommúnisminn.

En það hefur aldrei reynst vel að kveða niður draug með því að vekja upp annan.

[marco (IP-tala skráð) 18.10.2008 kl. 10:08]

Er ekki Das Kapital og Auðmagnið sama bókin?  Eða er ég að rugla í marxísku fræðunum?