Hlátur í boði hússins

Merkilegt að fólk skuli vera að birgja sig upp af mat.

Trúir enginn Geir?  Hann segir að gjaldeyrisviðskipti séu að komast í eðlilegt horf.

Stórundarleg þessi vantrú á manninum.

Ég ætla ekki að hamstra mat.  Það er á hreinu.

Það hlýtur að vera til eitthvað innlent sem ég troðið í andlitið á mér ef í harðbakka slær og nei ég er ekki að tala um innmat og annan svoleiðis perrahátt í matarinntökum.

En ég er alltaf að tala við fólk.  Fólk sem hefur á því ýmsar skoðanir hverjum sé um að kenna, þ.e. allt þetta hörmungarástand. 

Flestir ef ekki allir eru þó sammála mér um eitt, en það er að eftir þessi ósköp sem nú halda okkur í heljargreipum ótta og óöryggis þá verði eitthvað nýtt að taka við.

Ný hugsun, annar forgangur.

Ég hef heldur ekki talað við einn einasta mann sem treystir stjórnvöldum til að klára þetta mál á farsælan hátt.

Fyrir mig sem átti ekkert til að tapa er óöryggið verst.  Að finnast ég engum geta treyst og það er þá sem manni fer að líða illa.

Hjálparleysi er vond tilfinning, ég veit ekki hversu lengi maður getur búið við þetta ástand án þess að það fari að koma í alvörunni niður á manni.

Svo finn ég svo innilega til með öllu því fólki sem hefur lagt sparnaðinn sinn í hendur bankanna og situr nú með sárt ennið.

Ég vil sjá samfélagið breytast.

Þetta rugl á ekki að geta endurtekið sig ef ábyrgt fólk stjórnar þessu landi.

Í morgun var ég í þörf fyrir að hlægja.  Auðvitað náði ég mér í tæki og tól til þess.

Þessi er gamall en hann stendur alltaf fyrir sínu.

Hlátur í boði hússins.

Eða þetta.

Farin í bili, en kem aftur.. ég kem alltaf aftur.

Íslendingar birgja sig upp af mat

Athugasemdir

[Kare (IP-tala skráð) 13.10.2008 kl. 14:05]

Með einhvers konar farartæki verður innmaturinn samt að koma, annars úldnar hann á í sveitinni. Nú er ekki hægt að kaupa olíu eða lyf eða annað sem er nauðsynlegt fyrir innlendan sjálfsþurftarbúskap. ;)

[María Guðmundsdóttir, 13.10.2008 kl. 14:48]

hlakka alltaf til thegar thú kemur aftur en hvernig má thad vera ad fólk trúi ekki thvi sem GHH segir?? thá er nú fokid i flest skjól....

knús og kram til thin

[Ía Jóhannsdóttir, 13.10.2008 kl. 15:59]

Takk fyrir hláturskast hér í eldhúsinu mínu þrátt fyrir að maður taki heilshugar þátt í ástandinu heima er gott að gleyma því endrum og eins.

[Brynja skordal, 13.10.2008 kl. 16:06]

Takk fyrir hláturinn lengir lífið

[Lilja G. Bolladóttir, 13.10.2008 kl. 16:37]

Þetta var nú kærkomið hláturskast  takk fyrir þetta Jenný mín...

[alva (IP-tala skráð) 13.10.2008 kl. 23:41]

JESÚS PÉTUR OG KRISTUR HVAÐ ÉG HLÓ AÐ BELGÍSKA FRÉTTAMANNINUM OG HVAÐ ÉG SKILDI HANN VEL, RADDIR ÞESSA FÓLKS ERU EITURFYNDNAR!!