Hamstranir og afmælisbarn dagsins

Ég vakna alltof snemma.

Klukkan rúmlega sex var ég komin fram og farin á netmiðlana.

Nú tek ég á þessu rugli í sjálfri mér.  Ég breyti engu með þessari óbeinu þátttöku í efnahagsmálum.

Mér væri nær að fara og eyða peningum.

Segi svona.

Hvað var Bónusmaðurinn að hvetja fólk til að hamstra?

Er ekki í lagi hjá manninum?  Þetta er nú beinlínis framlag til hóptaugaáfalls.

Ekki að ég hafi hlaupið út og keypt inn í gámum en ég get ímyndað mér að barnafjölskyldur hafi orðið órólegar.  Það þarf að vera til matur handa blessuðum börnunum og þetta er illa gert.

En að dásemd þessa dags.

Fyrir 28 árum síðan fæddist litla barnið mitt hún Sara Hrund.

Hún er með hjarta úr gulli, hún er fyndin, skemmtileg og dugleg í öllu sem hún tekur sér fyrir hendur.

Ég er svo stolt af þessari stelpu sem hefur sigrast á lesblindunni sinni og er nú í einu og hálfu námi til stúdentsprófs með tvö lítil börn.  Reyndar á hún yndislegan mann sem tekur sinn hluta af pakkanum, en Saran lætur ekki stoppa sig í að ná markmiðum sínum, það er nokkuð ljóst.´

Elsku Saran mín, við óskum þér innilega til hamingju með daginn. 

Mamma þín þarf áfallahjálp.  "Litla barnið" hennar er komin fast að þrítugu.

Það gerir mig hundgamla.

Enn og aftur, til hamingju með daginn þinn elskan mín.

Ég er farin í rúm. 

Heimurinn verður að klára sig rétt á meðan ég hvílist.

Dæs.

Bankar verða opnaðir

Athugasemdir

[Sigrún Jónsdóttir, 7.10.2008 kl. 07:45]

Til hamingju með þessa fallegu stúlku

[Huld S. Ringsted, 7.10.2008 kl. 07:54]

Til hamingju með þessa duglegu dóttir þína Jenný

[Linda litla, 7.10.2008 kl. 08:02]

Til hamingju með daginn Sara Hrund.

´Varðandi að fólk sé að hamstra...... var þetta ekki bara eitthvað sölutrix hjá bónuskallinum ??

Ekki rauk ég af stað. Þó að ástandið sé slæmt, þá er það ekki orðið svo slæmt.

Eigðu góðan dag.

[Þröstur Unnar, 7.10.2008 kl. 08:10]

Til hamingju með Söru og............hérna, bankana

[Hrönn Sigurðardóttir, 7.10.2008 kl. 08:26]

Til hamingju með Söruna og lífið

[Ía Jóhannsdóttir, 7.10.2008 kl. 08:37]

Innilegar hamingjuóskir. Ég þekki lesblinduna og mín dúlla barðist eins og hetja og tók stúdentsprófið með sínum jafnöldrum.  Við erum heppnar konur Jenný með börnin okkar. 

[Lilja G. Bolladóttir, 7.10.2008 kl. 08:51]

Hvíldu þig nú, Jenný og komdu endurnærð til að bjarga landinu...... þú getur að minnsta kosti fengið okkur til að brosa í amstri dagsins með hressilegum skrifum þínum.

Til hamingju með dóttur þína  ....flott stelpa sem þú hefur getið af þér, skil vel að þú sért stolt!!

[Linda Linnet Hilmarsdóttir, 7.10.2008 kl. 08:59]

Elsku Jenný mín,innilegar hamingjuóskir með elsku dóttur þína

[Einar Örn Einarsson, 7.10.2008 kl. 08:59]

Góðan daginn.

Hjartanlega til hamingju með gimsteininn þinn. Þarna eru nú aldeilis auðæfi sem þú býrð að. Frábært hjá henni að drífa sig í nám. Þekki það sjálfur hvað það er mikið átak að fara í skóla aftur. 

Samgleðst þér innilega.

Knús  

[Steingerður Steinarsdóttir, 7.10.2008 kl. 09:00]

Til hamingju með stelpuna þína. Sofðu nú ekki of lengi því við þurfum núna fólk með samvisku til að minna okkur á hvað er rétt og hvað rangt.

[Laufey B Waage, 7.10.2008 kl. 09:05]

Til hamingju með stúlkuna þína.

[Jónína Dúadóttir, 7.10.2008 kl. 09:21]

Til hamingju með stelpuna þína

[Guðríður Hrefna Haraldsdóttir, 7.10.2008 kl. 09:29]

Innilega til hamingju með stelpuskottið þitt. Undarlegt hvað  börnin okkar eldast miklu hraðar en við!

Knús í bæinn.

[Jenný Anna Baldursdóttir, 7.10.2008 kl. 10:06]

Takk öll fyrir kveðjurnar.  Hún á eftir að fara hjá sér stelpan.

Múha, er ekki gaman að lifa?

[Brynja skordal, 7.10.2008 kl. 10:53]

Til hamingju með Fallegu dóttir þína

[Magnús Geir Guðmundsson, 7.10.2008 kl. 13:40]

til lukku með "ungugömlu" dolluna þína!