"Ekkert sérstakt"

 

Geir Haarde ræddi "ekkert sérstakt" við Björgúlf Thor á fundi í Stjórnarráðinu í gærkvöldi ásamt bankastjórum Landsbankans.

Davíð kom svo á ríkisstjórnarfund í morgun.

Sko, Geir notar gjarnan tækifærið og spjallar við Björgúlf Thor þegar hann er á landinu.

Og eins og við vitum þá hittir hann Davíð og strákana um helgar alveg reglulega og það eru ekki krísufundir.

Ég trúi Geir alveg gjörsamlega.  Ekki vafi í mínum huga, maðurinn er að segja satt.  Eins og hann á vanda til.

Munchausen karlinn, snædd þú hjarta og meððí bara.

 Hmprmf

Athugasemdir

[Ásdís Sigurðardóttir, 30.9.2008 kl. 15:12]

Trúi og trúi ekki, hverju er hægt að trúa nú til dags, kona spyr sig eins og þú. Flestu er logið þar til hið sanna kemur í ljós og þá er bara logið aðeins meira, eða eins og einhver vill kannski frekar orða þetta,  "ekki svo lyginn, en frekar ánákvæmur í frásögn" 

[Eyrún Gísladóttir, 30.9.2008 kl. 15:18]

Já þeir chilla saman félagarnir reglulega og engin sérstök ástæða fyrir því ég alveg kokgleypi það

[Brjánn Guðjónsson, 30.9.2008 kl. 15:35]

ég skil Geir mjög vel. það er bæði gaman að ræða og gera ekkert sérstakt. sjálfur geri ég mikið af því.

[Edda Agnarsdóttir, 30.9.2008 kl. 15:53]

Alltaf gaman að spjalla saman!

[Rut Sumarliðadóttir, 30.9.2008 kl. 15:55]

Hva, láttu ekki svona kona, smá snakk hjá strákunum!

[Guðríður Hrefna Haraldsdóttir, 30.9.2008 kl. 16:50]

... í reykfylltum bakherbergjum. Getum við stelpurnar ekki bara hist í saumó eins og venjulega á meðan strákarnir stjórna málum? Voðaleg kvenremba er þetta ... uuu, hjá mér.

[Ragnheiður , 30.9.2008 kl. 17:44]

Það eru ekki einusinni reykfyllt herbergi, það eru bara laumufundir um allan miðbæinn. Ég trúi ekki stöku orði lengur hjá Geir..enda er það ekkert hann sem ræður. Það er Davíð, eins og sagt var á sínum tíma. Hann myndi halda í þræðina og hann gerir það sbr ljósmynd af þeim þarna gaurum í gær.

[Jóhanna Magnúsar- og Völudóttir , 30.9.2008 kl. 18:19]

 .. á ekki bara að borða slátur?

[Sunna Dóra Möller, 30.9.2008 kl. 18:29]

Alltaf þegar ég mæli mér mót við fólk er það af engu sérstöku tilefni til að ræða ekkert sérstakt.....blahhh....held að Geir ætti pása aðeins yfirlísingarnar í fjölmiðlum þangað til hann hefur eitthvað að segja !