Sveiattann eða urrdabíttann

Ég var ekki hrifin þegar löggustjórinn á Suðurnesjum blés til árásarinnar í Njarðvík gegn hælisleitendum.  Það gerði mig afskaplega óvinsæla hjá mörgum en Jóhann R. varð aftur á móti þjóðhetja hjá þeim hluta þjóðarinnar (stórum hluta?) sem vill láta kné fylgja kviði í samskiptum við það fólk sem hingað leitar í raunum sínum.

Ég er því ekki neinn móðursjúkur aðdáandi þessa löggustjóra en mér er sagt að hann sé duglegur og að hann sýni árangur.  Mínus viðhorf hans til hælisleitenda þá má vera að maðurinn rokki.

Ég er svo langt því frá að vera hýsterískur fylgismaður BB og mun aldrei verða.  Ég held ég hafi um það sem fæst orð.  Það má eiginlega afgreiða skoðun mína á þeim manni og því sem hann stendur fyrir með orðinu sveiattann eða var það urrdabíttann, ég man það ekki.  Djók.

Svoleiðis er nú það.

En það liggur við að ég sæki um forræði með helgarheimsóknum yfir Jóhanni R. Benediktssyni og taki hann alveg í knús og kreist meðferð, því í samanburði við ráðherra dómsmála þá er hann um það bil að stíga upp til himna vegna mannkosta sinna.  Mér sýnist amk. að hann vilji vinna vinnuna sína almennilega og kollegar hans standa þétt við bak honum og taka sennilega áhættu með því.

Það er reyndar ekki erfitt að verða vængjaður engill í mínum augum þegar samanburðurinn er BB sem ég botna aldrei neitt í.

Ég er ekkert alveg á kafi í þessu  rifrildi hjá strákunum, læt mér á sama standa, eða því sem næst.

Þetta er nefnilega týpískur strákahasar og allir vita að konur eru í miklum minnihluta hjá löggunni og ákveðið viðhorf þar innan dyra sem ég tengi við hugmyndaheim karla.

Það er þetta með að berast á banaspjótum.  Vega úr launsátri.  Skjóta í bakið.

Þessir frasar eru allir hernaðarfrasar og mér finnst þetta vera þannig fætingur. 

Ég ætla að fylgjast með álengdar og hafa hægt um mig.´

En í hjarta mínu stend ég oggolítið með Jóhanni R. Benediktssyni.

Klárir í bátana, vér siglum í kvöld.

Jájá.

Styðja dómsmálaráðherra

Athugasemdir

[Jónína Dúadóttir, 28.9.2008 kl. 16:27]

Ég styð Jóhann, í þessu 

[halkatla, 28.9.2008 kl. 16:29]

Stattu bara svoldið með honum, það er alltílagi miðað við aðstæður - ég þoldi hann t.d ekki en allir óvinir BB eiga skilið einhverja viðurkenningu

[Jenný Anna Baldursdóttir, 28.9.2008 kl. 16:32]

AK: Sko þegar þú setur það svona upp (þorði ekki að segja þetta beint í bloggfærsluna) þá er málið einfalt.

ALLIR ANDSTÆÐINGAR BB ERU VINIR MÍNIR!

Grín.

Jónía: Þá erum við fjórtán.

[Heiða B. Heiðars, 28.9.2008 kl. 16:44]

Hehehe... Kom að því að við værum ekki sammála. Eins mikið og mig langar að vera í liði gegn Birni Bjarna þá get ég það ekki í þessu máli. Jói krull er að leika hlutverk sitt vel svona kynningarlega séð.........gallinn er bara sá að hann ER AÐ LEIKA

[Gulli litli, 28.9.2008 kl. 16:46]

Er þetta Bruni BB sem þið eruð að tala um?..

[Jenný Anna Baldursdóttir, 28.9.2008 kl. 16:48]

Gulli litli: What????

Heiða: Jabb, en ég get ekki einu sinni sagt að ég sé þér ósammála ég veit akkúrat ekkert um hvað málið snýst.

[Himmalingur, 28.9.2008 kl. 17:42]

Merkilegt hvað fólk verður óvinsælt ef það segir sína skoðun! Hvar skrái ég mig í flokk Andstæðinga BB?

[Linda Linnet Hilmarsdóttir, 28.9.2008 kl. 18:11]

Knús knús kveðjur

[Ásdís Sigurðardóttir, 28.9.2008 kl. 18:11]

Kvitt og kveðja

[Gulli litli, 28.9.2008 kl. 18:43]

Bara að bulla

[Sunna Dóra Möller, 28.9.2008 kl. 19:02]

Er pláss um borð í bátunum ! Annars hef ég of lítið skoðað þetta mál til að þora að segja orð... en segi þó eins og þú, fylgist með álengdar!