Pabbi er í Rúmení

 

Ég næturmanneskjan var sofnuð klukkan ellefu í gærkvöldi.

Það tekur á taugarnar að setja upp nýtt menningarheimili get ég sagt ykkur.

Svo er hún Jenný Una í gistingu og hún vaknar fyrir allar aldir enda þriggja plús og nennir ekki að bæla fletið.

Í gærkvöldi áttu eftirfarandi samræður sér stað milli ömmu og barns hér við hirðina.

Amman: Hvað fékkstu að borða á leikskólanum í dag Jenný mín?

Barn (ákveðin): Ekkert neitt.

Amman: Ha, fékkstu ekkert að borða?

Barn: Nehei.

Amman: Jenný það er alltaf matur í leikskólanum, ertu búin að gleyma hvað þú borðaðir?

Barn: Ókei, ég fékk hrökkbrauð.

Skammskamm Njálsborg.

Pabbi hennar Jennýjar er farin til Rúmeníu til að spila inn á plötu.

Amman: Hvert fór pabbi þinn?

Barn: Hann er fluttur í annað hús.

Amman: Ha, er hann fluttur (alveg að drepast úr hlátri yfir hugmyndaflugi viðkomandi barns)?

Barn: Já hann er fluttur til RúmenÍ og það þarf að keyra þangað lengi, lengi, lengi, lengi. En svo kemur hann aftur eftir marga, marga........... daga.

Amman: Ég held að hann hafi flogið í flugvélinni.

Jenný: Þá er pabbi minn í útlöndum.

Lærdómurinn sem má draga af þessu samtali í samgöngumálalegum skilningi er að það eru ekki allir með áhyggjur af innanlandsflugi og hafa ekki endilega heyrt talað um Flugfélag Íslands.

En annars er ég farin að sinna barni og kem sterk inn síðar.

Elska ykkur börnin góð og verið þið til friðs bölvaðir villingarnir ykkar.

Athugasemdir

[Hrönn Sigurðardóttir, 20.9.2008 kl. 08:50]

[Jónína Dúadóttir, 20.9.2008 kl. 09:29]

[Hulla Dan, 20.9.2008 kl. 09:55]

Hún er algjör perla

Knús á þig og þína.

[Ragnheiður , 20.9.2008 kl. 10:40]

[Ía Jóhannsdóttir, 20.9.2008 kl. 11:05]

[Jenný Anna Baldursdóttir, 20.9.2008 kl. 12:28]

Hún er megadúlla.

Hún tók laugardagsnammið sitt í morgun, setti það í pott, bætti í það vatni, haframjöli og fuglaberjum af tjránum í garðinum og bjó til fuglasultu.  Mjög hamsingjusöm með það eins og hún sagði um leið og hún fór og athugataði hvor Einar afi væri vaknaður.

Ég elska barnabörnin mín.  Snillingar upp til hópa.

Nú er hún farin í klippingu með mömmu sinni.

Mar verður að vera fínn um  hárið sko.

[Sunna Dóra Möller, 20.9.2008 kl. 13:10]

[Birna Dis Vilbertsdóttir (IP-tala skráð) 20.9.2008 kl. 15:40]

[Marta B Helgadóttir, 21.9.2008 kl. 12:41]

Óborganlegar báðar tvær