Prinsessumál

 

Jenný Una kom í heimsókn í gær.

Hún er á kafi í prinsessufaraldrinum og ég held að hann sé að ná hámarki þessa dagana.

Jenný neitar að fara í buxur, bara pilsa og kjóla.  Reyndar keypti mamma hennar á hana kuldagalla, bleikan á lit og fékk hann til að samþykkja hann með því að benda henni á að hann væri prinsessugalli.  Það small.

Nú byrjar hún á því þegar hún kemur heim af leikskólanum að klæða sig í 3-4 kjóla hvorn yfir annan.   Það finnst Jennýju Unu alveg extra prinsessulegt.  Mamma hennar fór með hana ofan í bæ í gær í prjónapilsi sem náði niður á ökkla, stutt gallapils, leggings og peysu.  Barnið var eins og niðursetningur sagði mamman en ekki ætlar hún að kæfa sköpunargleði barns og frumleika með því að banna henni að fá hugmyndir.

Ég sagði við mömmuna að þetta væri á mörkunum.  Barn liti út eins og gömul farandsölukona, en ákaflega krúttleg slík með fléttur og bros frá eyra til eyra.

Svo kom hún í gærkvöldi og lék sér mikið og vasaðist bæði í einu og öðru.

Síðan var komið að lúlli og hún burstaði og þvoði eins og vera ber.

Yfir náttkjólinn klæddi hún sig í gallapilsið.

Amman: Jenný mín maður sefur ekki í pilsinu (af hverju ekki hugsaði ég svo, ofsalegar reglur setur maður sér og öðrum í kringum sig).

Jenný: Júbb, éggeriða og líka prinsessunar í bókunum. Þær sofa alltaf í prinsessufötunum sínum, það má ekki vera bara í náttkjól.  (Hér skrökvaði sú stutta án þess að hika, frjósemi þriggja ára huga eru ekki takmörk sett).

Og svo sofnaði hún í prinsessuátfittinu sem amma tók hana úr þegar hún var komin í draumaheima.

Í morgun byrjaði sú stutta á að tilkynna eftirfarandi.

Ég fer á leikskóla mín í fínum kjól og ekki í úlpu.  Ér prinsessa og verð að vera mjög fín.

Amman reyndi að hjálpa henni við að fara í fötin.

Sú stutta sagði blíðlega þegar amman lenti í basli með hnappa á kjól:  Amma þú ert alveg vonlaus ég geriettabara sjálf.

Mamma barns harðneitar að hafa notað orðið "vonlaus" um nokkurn hlut í návist barnsins.

Þá eru það fóstrurnar á Njálsborg.

Skamm.

Hehe.

Athugasemdir

[Þröstur Unnar, 11.9.2008 kl. 20:49]

Stígvélin eru geggjuð. Verð að fá svona í mitt prinsessusafn.

[Sunna Dóra Möller, 11.9.2008 kl. 20:50]

[Jenný Anna Baldursdóttir, 11.9.2008 kl. 20:51]

Þrölli minn: Afinn keypti þessi í USA nema hvað.

[Jenný Anna Baldursdóttir, 11.9.2008 kl. 20:51]

Svo er þetta jólakjóll síðustu jóla sem við erum núna búnar að fela.  Hahaha.

[Sólveig Kristín Gunnarsdóttir, 11.9.2008 kl. 20:53]

VÁ, hvad ég thekki thetta. Freyja mín var nákvæmlega svona thegar hún var 3ja ára, thad toppadi allavega thar. Hún vildi ekki fara í útigalla, sama hversu kalt thad var, vegna thess ad thá myndi madur ekki sjá kjólinn !!! Mér finnst ég ekki hafa alid á thessu, en thad kom mér á óvart ad prinsessuveikin yrdi svona sterk. Sem betur fer er hægt ad fara í buksur og adra liti en bleikt í dag.  

[Þröstur Unnar, 11.9.2008 kl. 20:56]

Verð nú bara að minnast á önnur "smáatriði" sem ég kom auga á efir nánari skoðun.

1.Bláa skálin á borðinu: Það er til ein svona skál hér.

2.Skeiðin í skálinni: Svona hnífapör eru hér, en þau eru appelsínugul og blá. Það hefur komið upp sú staða að barnið mitt fæst ekki til að nota þau vegna litarháttar. Þau eiga að vera bleik.

[Lára Hanna Einarsdóttir, 11.9.2008 kl. 21:00]

Þröstur er ekki bara Hot Stuff - hann er líka Haukfránn!    Öfund.

Svakalega er daman á miklu bleikutímabili. Þær ganga jú flestar í gegnum það. En af hverju földuð þið jólakjólinn?

[Lára Hanna Einarsdóttir, 11.9.2008 kl. 21:01]

Ég meinti að ég öfunda Þröst af sjóninni! 

[Hildigunnur Rúnarsdóttir, 11.9.2008 kl. 21:03]

haha, við eigum líka svona bláa skál en sénsinn að ég hefði rekið augun í...

[Hrönn Sigurðardóttir, 11.9.2008 kl. 21:07]

Hrikalega flottur kjóll!! Ef ég ætti svona kjól þá mundi ég líka drífa mig í að ganga í honum áður en ég yxi upp úr honum.....

Hvar er blá skál?

[Þröstur Unnar, 11.9.2008 kl. 21:11]

S-Jón lausar kellingar.

Smáatriðin skipta sko öllu máli hjá svona prinsessum.

[Brynja skordal, 11.9.2008 kl. 21:23]

Yndisleg er hún bleika prinsessan þar sem ég á 5 stelpur rifjast margt upp við svona færslu en ömmuprinsessan mín er alveg að byrja á þessu tímabili Er sammála þresti æðislegir skór og já svona skálar og diskar plús hnífapör eru líka til hér bæði bleikt og blátt auðvitað

[Hulla Dan, 11.9.2008 kl. 21:35]

 Dásamleg!

[Ragnhildur Sverrisdóttir, 11.9.2008 kl. 22:14]

Ég man að áður en stelpurnar mínar fæddust horfði ég stundum í forundran á klæðnaðinn á litlum stelpum. "Hvað eru foreldrarnir að pæla??!" hugsaði ég, alveg hreint að kafna úr hneykslun.

Svo fæddust systur og áður en ég vissi af voru þær komnar á prinsessutímabilið. Ég stóð mig að því að arka á almannafæri með tvær litlar stelpur, sem voru stundum í allt of litlum kjólum, skelfilegum plastskóm við, með glitrandi mittislinda, glimmer í hárinu og í gömlu uppáhaldspeysunni yfir öllu saman.

Ég sá alveg augnaráðin frá barnlausu fólki og vissi nákvæmlega hvað það hugsaði, en mér var bara alveg sama.

[Bergljót Hreinsdóttir, 11.9.2008 kl. 22:32]

Ohh..mesta krúttið!!!

...akkuru er bannað að sofa í pilsi???...

 

Okkur fullorðna fólkinu hættir svo til að vera alltaf að setja reglur...búa til boð og bönn...sem þjóna engum tilgangi...skipta í raun engu máli...

 

Er til að mynda ekki betra að barnið manns sofni glatt og sátt í krumpuðu pilsi...eða með nýju stígvélin á fótunum...í stað þesss að þessi kríli gráti sig í svefn af því það voru einhverjar reglur sem bönnuðu þessi mikilvægu atriði...

 

Ég stend sko með Prinsessunni og klappa fyrir ömmunni sem áttaði sig á þessu með fullorðinsreglurnar kjánalegu...

 

...vonlaus...er ekki til í orðabókum leikskólanna....LOFA!

[Hrönn Sigurðardóttir, 11.9.2008 kl. 22:34]

Ójá! Ég er algjörlega blind á smáatriði!! Það kallast nú kostur í minni sveit

[Jóna Á. Gísladóttir, 11.9.2008 kl. 22:46]

Ertu ekki að grínast í mér með þessi stígvél!!! Mig langar í eitt par. fyrir mig sko.

Anna Mae gekk í gegnum bleika tímabilið (ekki samt kjóla.. aldrei kjóla) en hún vildi aldrei viðurkenna það. Þ.e. að henni þætti bleikur fallegur litur. Sagði að hann væri ógisslega ljótur en valdi sér svo allt bleikt.

Jenný Una er svo mikið yndi og þú segir svo skemmtilega frá ykkar samskiptum. Mér líkar samt betur við hana þegar hún er viðskotaill, óforskömmuð og forhert... eins og amman

[Linda Linnet Hilmarsdóttir, 11.9.2008 kl. 23:01]

Knús kveðjur til þín

[M, 11.9.2008 kl. 23:15]

Dæmalaus dúlla

[Birna Dis Vilbertsdóttir (IP-tala skráð) 11.9.2008 kl. 23:18]

Dásamleg prinsessan þín

[Sigrún Jónsdóttir, 11.9.2008 kl. 23:46]

Bleika prinsessu tímabilið er svo skemmtilegt og Jenný Una er algjör prinssessa.

Ég er að sigla inn í "bleika tímabil" nr. 2 með yngri sonardótturinni, hún neitaði að fara að sofa nema hún fengi að vera í nýju bleiku gúmmístígvélunum sínum, hún er 1 1/2 árs

[Jenný Anna Baldursdóttir, 12.9.2008 kl. 00:09]

Hér eru greinilega margir sem þekkja bleika skeiðið.

Ragnhildur: Ég skil þig kona.

Takk fyrir skemmtunina og enginn kemst með tærnar þar sem Þröstur hefur hælana þegar kemur að því að taka eftir smáatriðum.