Kveðjur frá alkanum

 

Þegar stelpurnar mínar voru litlar var ég með þá vitneskju múr- og naglfasta í höfðinu að eyranpinnar væru ekki ætlaðir til nota í eyru.

Fyrir mér er það stór furðulegt að nú í dag skuli komi frétt um að bandarískir læknar hafi komist að þeirri niðurstöðu að þeir geri ógagn.

En halló - hr. læknismaður - ekki að ræða það að ég trúi að ekki eigi að fjarlægja eyrnamerg hjá börnum. 

Ég er ekki að meina að maður eigi að skafa úr eyrum barna - eða fullorðinna, en eyrnamergur sem vellur út úr eyrum er hvorki heilsusamlegur vegna þess að viðkomandi er á jaðri heyrnarleysis þegar þar er komið sögu, fyrir utan það hversu ógeðslegt það er að sjá heiðgulan massann kíkja út í sólina.

Hafið þið verið svo óheppin að fá að bragða þessa líkamsafurð?  Ég státa af þeirri reynslu.  Fékk óvart upp í mig örlítið í einhverjum hamangangi og voila bragðið er eins og af Campari.

Svo gerist þetta æ undarlega.  Haldið ekki að Caparíið bragðist eins og eyrnamergur?

Jabb.  Satt. 

Hér á árum áður þegar ég vildi vera í stíl þá drakk ég stundum Campari af því ég átti kjól í þessum rauða lit.  Mér var sagt að bragðið myndi venjast.  Ég reyndi og henti svo kjóldruslunni.

Já og svo drakk ég twentívonn í stíl við eitthvað, minnir að það hafi verið fjólublár fínflauelskjóll.

Svo fór ég að vera eingöngu í svörtu.

Þið vitið að svart gengur við allt.

Nema hvað - auðvitað endaði ég í meðferð.

Allt fatasmekknum að kenna.

Kveðjur.

Alkinn.

Bómullarpinnar gera meira ógagn en gagn

Athugasemdir

[Sigrún Jónsdóttir, 11.9.2008 kl. 00:22]

Ó Jenný , nú grét ég úr hlátri.

[Gulli litli, 11.9.2008 kl. 00:29]

Þessar fatadruslur eru stórhættulegar..

[Guðrún Arna Möller (IP-tala skráð) 11.9.2008 kl. 00:32]

Við deilum þessari smakk-reynslu ég og þú....Campari er nákvæmlega eins og gulbrúnu afurðirnar á bragðið.  Annars sagði ég alltaf að sá drykkur væri drykkur eigingjarna mannsins/konunnar, einfaldlega af því að ENGINN biður um sopa, þvílíki horbjóðurinn. (Þetta var á táningsárunum mínum þegar maður var ennþá að biðja um að fá að smakka eða átti ekki mikinn pening og bað vinina um sopa til að viðhalda alkóhólinu í sér)

Aldrei datt mér í hug að fólk drykki í stíl við fötin sín HA HA HA HA

[Einar Örn Einarsson, 11.9.2008 kl. 00:45]

Ætla EKKI að fá mér rauðan kjól. því þá yrði ég að fara að éta eyrnamerg.

Eða var það Campari?? Hvort kom á undan eggið eða hænan.

 Kveðja á þig mín kæra

[Brynja skordal, 11.9.2008 kl. 01:24]

 Fá sér vín í stíl við fötin sín allt er nú til En aldrei hef ég samt smakkað eins vont vín og Camparí sá sem fann það upp hefur Elskað bragðið af Eyrnamerg En já tvenntívonn ó boy man sko eftir því þótti það gott á sínum tíma ennn í dag nei takk vil bara eðal coniac og vindil það er að seigja þegar ég skelli mér í smókingeða snýst þetta ekki um fataval annars vegar og drykk hins vegar Annars góða nótt jenný mín gaman að fara brosandi án þess að nota þetta sull í bólið sitt

[Hulla Dan, 11.9.2008 kl. 05:41]

Eg hef alltaf notað hárspennu til að veiða eyrnamerg úr eyrum barnana minna... meðan þau hafa malað. Nota svo eyrnapinna eftir á til að hreinsa eyrað sjálft (ekki inní s.s)

[Jónína Dúadóttir, 11.9.2008 kl. 05:55]

Þeir eru hrikalega langt á eftir þessir læknar

[Tína, 11.9.2008 kl. 06:45]

[María Guðmundsdóttir, 11.9.2008 kl. 07:18]

 æ gafst mér hláturskast i morgungjøf  takk fyrir thad, hafdi sko thørf fyrir thad.

knus og kram til thin.

[Ía Jóhannsdóttir, 11.9.2008 kl. 07:31]

Bara snilld, ég frussaði kaffinu hér út um allt borð er enn í kasti heheheh

[Linda Linnet Hilmarsdóttir, 11.9.2008 kl. 07:33]

þú ert alveg ótrúleg en samt alveg dásamleg

[Anna Margrét Bragadóttir, 11.9.2008 kl. 08:12]

 Frábær lesning

'Eg hef orið fyrir því að fá eyrnamerg upp í mig,ekki geðslegt

Eigðu góðan dag

[Hrönn Sigurðardóttir, 11.9.2008 kl. 08:25]

Jæks - ég mundi ekki drekka Campari þó það væri eina vínið í heiminum!

[Hildigunnur Rúnarsdóttir, 11.9.2008 kl. 08:51]

Alas: Earwax!

[Sunna Dóra Möller, 11.9.2008 kl. 08:55]

Það er svo gott að hlægja stundum og nú hló ég upphátt, alein heim fyrir framan tölvuna! Takk fyrir mig !

[Þröstur Unnar, 11.9.2008 kl. 09:42]

Camparí er hollur og góður drykkur, bull eretta.

[Birna Dis Vilbertsdóttir (IP-tala skráð) 11.9.2008 kl. 10:10]

[Jenný Anna Baldursdóttir, 11.9.2008 kl. 10:19]

[Linda litla, 11.9.2008 kl. 11:01]

Ég hef heyrt þetta með camparí, en aldrei smakkað eyrnamerg (sem betur fer) oj.

[Ingibjörg Hinriksdóttir, 11.9.2008 kl. 11:27]

Ég reyndi einu sinni að drekka Campari af því að mér var sagt að maður fengi ekki höfuðverk af honum. .... EEEEE ekki alveg!

Textinn þinn er tær snilld! 

[Jenný Anna Baldursdóttir, 11.9.2008 kl. 12:11]

Ég legg til að þeir sem ekki hafa þegar smakkað eyrnamerg verði sér úti um þá reynslu pronto.  Það er ekki hægt að deyja án þess að hafa öðlast þá vígslu börnin góð.

Annars eruð þið alltaf jafn frábær.