Pilsmaður - eða sokkabuxnanörd?

Ég er alltaf pælandi í fötum.  Jájá, það vita þeir sem hér lesa.

Og nú hef ég af gefnu tilefni lagst í rannsóknir á skotapilsum.

Ég játa það hér með og skammast mín ekki afturenda fyrir að vera svag fyrir mönnum í pilsum.

Þegar ég nefndi þetta við húsbandið í gær var hann dálítið hissa á þessum smekk mínum og vildi vita hvað væri aðlaðandi við háruga karlmannsleggi í pilsi.

Ég átti ekki erfitt með að segja honum það.  Ég er nefnilega á því að það sé smá ertandi þegar karlmenn sveipa sig hefðbundnu kvennaklæði eins og pilsið óneitanlega er - EN - án þess að vera að klæða sig til konu.

Þegar konur fóru að klæða sig í jakkaföt (Frida Khalo og Cocco Channel) þá gengu þær algjörlega á skjön við ríkjandi tísku og hugmyndir manna um hvernig konur ættu að vera til fara.  Auðvitað slógu þær í gegn kerlurnar.

Menn í sokkabuxum eru hins vegar algjört törnoff (nema í ballett og það telst ekki með.  Maður er ekki að fiska í balletttjörninni skiljið þið).

Fötin eru ógeðslega stór hluti af ímynd fólks.  Þá er ég ekki að meina að allir þurfi að vera uppstrílaðir í merkjafötum, heldur er ég að meina svona mun eins og á gráum útþvegnum joggingbuxum - versus gallabuxum.

Einu sinni voru sokkabuxur í tísku hjá körlunum.  Það má vel vera að Hinrik VIII og félagar hans hafi verið að skora feitt í sokkabuxunum en ímyndið ykkur eftirfarandi:

Geir Haarde að hundskamma Sindra í Markaðnum fyrir framan stjórnarráðið í  hvítum sokkabuxum.

Árni dýralæknir með attitjút í Kastljósinu í grænum sokkabuxum með krosslagða fætur, alveg bálillur og ábúðarfullur.

Egill Helga á vappi við tjörnina í bláum tæturum og í jakkanum og bindinu. Hm..

An on and on and on.

Ég er biluð - á alls ekki að vera að upplýsa fólk um ömurlega fánýtar hugsanir mínar á meðan heimurinn er að fara til helvítis.

Sorrí - hraðallinn splundraði ekki jarðarkringlunni.

Farið með þessa færslu eins og mannsmorð.

Halló Hafnarfjörður hvað þið eruð miklar dúllur.

Fyrir mér eru Skotarnir beisíklí búnir að vinna - út af pilsunum sko.

En - áfram Ísland.

Úje.

Allt klárt fyrir Skotaleikinn

Athugasemdir

[Hólmdís Hjartardóttir, 10.9.2008 kl. 11:57]

.....Mér finnast þeir flottir í pilsunum

[Birna Dis Vilbertsdóttir (IP-tala skráð) 10.9.2008 kl. 12:01]

Skotarnir eru flottir.Þeir sem ég sá(og sá marga í gærkvöldi)voru flestir í stuttermabolum,ullarsokkum ,gönguskóm og köflóttum pilsum.Með bjór í annari hendi og bakpoka eða haldapoka frá ríkinu í hinni.Nokkrir saman í hópi.Með háruga ljóta leggi en samt flottir.

[M, 10.9.2008 kl. 12:06]

Lífga upp á bæinn í sínum sætu pilsum. Mættu vera meira edrú, ekkert sexý við þá í því forminu

[Helga Magnúsdóttir, 10.9.2008 kl. 12:11]

Pilsin eru töff. Nú ætla ég að fara að dunda mér við að ímynda mér hina og þessa karlmenn í sokkabuxum. Það verður gaman hjá mér í dag.

[Helga Dóra, 10.9.2008 kl. 12:13]

Þeir yrðu tjúll ef þeir vissu að þú kallaðir þetta pils.... Skotarnir eru afar harðir á að kalla þetta KILT......

Gogglaði það til að hafa rétta orðið... annsi flottar myndir þar.....  

[Ía Jóhannsdóttir, 10.9.2008 kl. 12:15]

Mér finnst þeir bara kjút í sínum pilsum en að lenda í því að dansa við einn þeirra, ég í gala dressi og hann í pilsi, (sem er auðvitað þeirra gala dress) var eitthvað svona pínu öðruvísi en það hafðist enda var maðurinn afburða skemmtilegur.

Svo þetta með punginn, nei ekkert svona, ég er að meina þann sem þeir bera við belti, nuddaðist aðeins of mikið inn í mallan á mér.

[Lilja G. Bolladóttir, 10.9.2008 kl. 12:18]

Mér finnst reyndar ekkert sexý eða flott við þessi pils á mönnum..... mér væri meira skemmt ef menn gengju í álíka hópum um Laugaveginn, í flottum boxerum þar sem vel sæist móta fyrir fram- og afturenda

[Elísabet Sigurðardóttir, 10.9.2008 kl. 12:28]

Ég ligg í kasti yfir sokkabuxnamönnunum, sé þetta allt of vel fyrir mér.

[Ragnheiður , 10.9.2008 kl. 12:36]

Í minni vinnu (og húsbands) höfum við talsvert af þeim að segja og þeir eru bara flottastir !

Það er gaman að sjá þá með vöðvamikla kálfa -eldhressir og glaðir- syngja og spila á sekkjapípur.

Þeir eru án efa flottasta stuðningsmannalið í heimi

[Svava frá Strandbergi , 10.9.2008 kl. 13:27]

Sæl Jenný Anna

Vonast til að sjá þig við opnun sýningar minnar í Gerðubergi föstudaginn 12. sept. kl. 4.

Sýningin stendur til 2. nóv.

 Kær kveðja

Guðný Svava Strandberg

[Ásdís Sigurðardóttir, 10.9.2008 kl. 13:45]

Innlitskvitt og kær kveðja. Þú ert sko alltaf skemmtileg hvort sem er í pilsi eða sokkabuxum, ja nema bæði sé

[Sunna Dóra Möller, 10.9.2008 kl. 16:46]

Sá einn í skotapilsi (Kilt ) í kringlunni áðan (var ekkert að versla mér neitt ) og roðnaði þvílíkt þegar mér varð hugsað til þess að það væru engar brækur þarna undir þessu pilsi.....og ég sem er gift, fróm og tepruleg prestsfrú !

[Hrafnhildur Ýr Vilbertsdóttir, 10.9.2008 kl. 23:36]

Arg Egill Helga á sokkabuxum...hahaha, I love you vúman...

skotar í pilsum eru flottir ...