Dansandi tauklemmur eftir hádegi

 

Mér finnst þetta voða sæt stórfrétt.  Ég hélt að það værum bara við íslenskar konur sem ríghéldum í meydóminn fram að hjónabandi.

En nú virðist þessi aldagamla hefð og vani okkar íslensku kvennanna vera að ryðja sér til rúms í Ameríku.

Það er auðvitað ekkert nema stórkostlegt við það að giftast blindandi.  Fyrir bæði kynin.  Strákarnir ættu að prufa þetta líka.

Að giftast með þessum hætti er jafn spennandi og vænlegt til árangurs og að vera ákveðin í að láta íslenska getspá sjá fyrir heimilinu um alla framtíð.

Og undir innlendum fréttum á Mogganum í dag er sagt frá því að Eva Mendez sé farin að framleiða eigin sængurföt.  Hún byrjar á svefndæminu af því að hún elskar að sofa.  Hún er ofsalegur stílbrjótur hún Eva - elskar svefn - á tímum sem allir hata að sofa.

Ég hnýtti eina átta músastiga í gær og ég reikna með að sú frétt verði látin undir liðinn "erlendar fréttir" á Mogga.

Svo eru einhverjar milljónir að geispa golunni úti í heimi, börn að deyja úr hungri og sjúkdómum en það er auðvitað skiljanlegt að það sé ekki verið að skrifa um það daglegar fréttir því það er gömul saga þó hún sé alltaf ný.

En það er ekki á hverjum degi sem konur taka upp miðaldastefnu í hjónabandsmálum né heldur er Eva Mendez á leiðinni að framleiða eitthvað merkilegt eins og sængurföt mjög oft og reglulega.

En ég er farin í mín mikilvægu verkefni.  Ég þarf að harðangra og klaustra nokkra kaffidúka fyrir hádegið og svo ætla ég að finna upp dansandi tauklemmur seinnipartinn.

Aldrei friður, alltaf brjálað að gera. 

Súmí.

Ekkert kynlíf fyrir hjónaband

Athugasemdir

[Sunna Dóra Möller, 9.9.2008 kl. 11:14]

....nú brosti ég í kampinn mitt í mínum mikilvægu verkefnum, en kona þreytist aldrei á að stoppa í sokka og strokka smjér !

[Heiða B. Heiðars, 9.9.2008 kl. 11:20]

Ég hló svo mikið af fyrri partinum að ég er ekki búin að lesa seinni partinn

[Hulla Dan, 9.9.2008 kl. 11:21]

[Guðrún Arna Möller (IP-tala skráð) 9.9.2008 kl. 11:28]

Vá hvað ég er að fíla þig!

[Jónína Dúadóttir, 9.9.2008 kl. 11:28]

[Jóna Á. Gísladóttir, 9.9.2008 kl. 11:29]

Ég dáist að þessu með músastigana... geri aðrir betur.

'Eg er svo sammála þér. Allir að ganga kynferðislega blindandi í hjónaband. Mjög vænlegt til árangurs

[Rut Sumarliðadóttir, 9.9.2008 kl. 11:43]

Ég er hrein mey!! samkvæmt þessu

[M, 9.9.2008 kl. 11:46]

nærð alltaf að koma manni til að hlægja. Takk fyrir það

[Brjánn Guðjónsson, 9.9.2008 kl. 11:46]

hahahaha snilld

[Ía Jóhannsdóttir, 9.9.2008 kl. 11:59]

Hehehehe ekkert nema skemmtilegheitin.  Harðangur og klaustur heheh er enn í kasti.  Erró farin að spangóla hér með mér.

[Helga Magnúsdóttir, 9.9.2008 kl. 12:05]

Kynlíf fyrir hjónaband? Gerir einhver svoleiðis?

[María Guðmundsdóttir, 9.9.2008 kl. 12:26]

já um ad gera ad kaupa eitthvad drasl sem madur hefur aldrei smakkad nei takk..ég prufukeyri bila ádur en ég skrifa undir samninginn

[Birna Dis Vilbertsdóttir (IP-tala skráð) 9.9.2008 kl. 12:29]

Algjört nó,nó að gera do,do fyrir giftinguGiftast "blindandi"ókunnugu fólki auðvitað,er einhver sem ekki gerir þetta svona?Farin að prjóna vetlinga með 2 þumlum

[Elísabet Sigurðardóttir, 9.9.2008 kl. 13:35]

Ég vil endilega fá dansandi tauklemmur takk.   Þú ert æðisleg.

[Guðríður Haraldsdóttir, 9.9.2008 kl. 15:26]

Hehhehe, kjánaprik!

[Einar Örn Einarsson, 9.9.2008 kl. 20:02]

Heill þér meyjan munafríð ,

( er ekki að ávarpa þig Jenný) Já sæl Frú Jenný.

Loksins finn ég til algjörrar samkenndar, að finna fólk á sama stigi og ég.... bíddu aðeins þarf að laga kýlinn hann er svo déskoti þröngur...

En ég var að kveða mínar eftirmiðdagsrímur og dunda mér við að berja niðursetninginn. Og leit sem sneggvast hérna inn.

Það er sem ég segi, þarna vestur í bandaríkjahreppi býr afurðarfólk til holdsins, ekki að spyrja að siðseminni þar í sveit.

Skil ekki hvað mér verður allt í einu svona hálf óglatt, ekki er það morgunógleði...

 En spáðu í því hvað það væri smart.

Jómfrú Jenný, sýnir hannyrðir, þjóðdansa og vikivaka á sunnudagsmorgnum fyrir messu.

Kveðja á þig er enn og aftur í kasti.

[Anna Dóra Gunnarsdóttir, 9.9.2008 kl. 23:34]

Þið eruð bara yndisleg, Jómfrú Jenný o.co.