Ég er með klikkaðan og margklofinn persónuleika - ég sverða

Ef eitthvað er að marka vísan mann sem sagði einu sinni við mig að það væri nóg að líta í bókaskápa fólks til að komast að því hvaða mann það hefði að geyma, þá er ég í vondum málum. 

Ég á nefnilega ógrynni bóka í bókstaflega öllum kategóríum nánast.  Ég lýg því ekki.

Ég er að passa elsta barnabarnið ennþá hér vestur í bæ og í dag í mínu persónulega hitakófi og flenskuskít vantaði mig eitthvað að lesa.

Og ég fór í skápa minnar elstu dóttur.

Lagasafnið, lagabækur aðrar, bækur um skipulagsmál, krimmar og skáldsögur af betri gerðinni ásamt slatta af ljóðum og bókum um uppeldismál.

Ókei, frumburður er samkvæmt þessu praktískur fagurkeri með kæruleysislegu ívafi.

En hvað myndi mæta svona "bókasálfræðingi" ef hann kæmist í mína skápa?

Ó mæ godd, hann myndi láta leggja mig inn.

Íslenskar þjóðsögur og ævintýri, Þórbergur eins og hann leggur sig, Laxness nánast komplett, öll íslensku ljóðskáldin sem telur að nefna.  Fagbókmenntir um ýmis mál sem ég ætla ekki að telja upp hér.  Alkabókmenntir, sálfræðibókmenntir, skáldsögur eftir almennilegt fólk, síma- og fyrirtækjaskrá fyrir Reykjavík frá 1914 og svo auðvitað Íslendingasögurnar og helvítis Heimskringla sem felldi mig í orðsins örgustu fyrir jólin þegar hún datt í hausinn á mér og er þá fátt eitt upp talið.

Ég er samkvæmt bókaskápnum mínum í vondum málum, ég er smali, ég er nörd, ég er bókabéus, ég er með klikkaðan margklofinn persónuleika.

Það getur kallað á djúp sálræn vandamál að alast upp hjá fólki sem telst aldamótafólk s.l. aldar en það er rosalega skemmtilegt.

En ég endurtek það sem maðurinn sagði hér um árið:

Segðu mér hvað þú lest og ég skal segja þér hver þú ert.

Jájá, farin upp í rúm að lesa.

Athugasemdir

[Ragnheiður , 2.9.2008 kl. 19:50]

Heppin ég að hafa bókahillurnar í sjónmáli...sko hmm látum okkur sjá...þarna er Laxnes í heild held ég, allar útkallsbækurnar, Ísland í aldanna rás.....haugur af rauðu seríunni (roðn) Einkamál Stefaníu er þarna (hún var góð) einhver bók er þarna síðan 1898 ...man nú ekki um hvað hún er nema ná í hana og kíkja....hellingur af lélegum krimmum...Arnaldur í bréfinu (kiljur) og þessi bókahrúga sem tekur 2 tvöfalda skápa er skreytt með andlitum ættingjanna, bæði genginna og núlifandi.

Flottur skápur

[Ragnheiður , 2.9.2008 kl. 19:50]

Djö langar mig samt í lagasafnið hennar !

[Sunna Dóra Möller, 2.9.2008 kl. 20:01]

Guðfræðingatalið, Biblíur í öllum útgáfum, ljóðabækur, ævisögur, Þjóðsögur Jóns Árnasonar, guðfræðibækur, kristin kynlífssiðfræði, feminísk guðfræði og Arnaldur Indriðasomn !

[Ásdís Sigurðardóttir, 2.9.2008 kl. 20:02]

Hér er blanda af býsna mörgu og allt vel notað, við erum jú neyt    

[Jónína Dúadóttir, 2.9.2008 kl. 20:03]

....... no comment

[Guðbjörg Erlingsdóttir (IP-tala skráð) 2.9.2008 kl. 20:04]

Já já, ég yrði nú líka lokuð inni og lyklinum hent ef ætti að fara að skoða geðheilsu mína og persónuleika út frá lesefninu. Þetta er bara merki um víðsýni og áhuga á öllu mögulegu og ómögulegu!

Býð þér í heimsókn að kíkja á hillurnar mínar, gætum líklega skemmt okkur vel :)

kveðja

[Ía Jóhannsdóttir, 2.9.2008 kl. 20:09]

Þú ættir að sjá bókaskápinn á þessu heimili, Laxness, Gunnar Gunnarsson, Sölvi, ljóðabækur allra helstu skálda ísl. og erlendra, ættfræðibækur í bunkum, krimmar ísl. og erlendir, sko innbundnar, Aldirnar, leikhúsbókmenntir,  bíddu hvað er hér, jú ættartölur, shitt hvaðan kom það, ég nenni ekki að telja lengur en sé hér auðvitað Biblíuna og sálmabækur bæði á ísl. og norsku.  Nenni ekki að kíkja á hinn skápinn sem er stútfullur líka af alls konar lesefni mis merkilegu þó. 

Ef þetta er ekki bilun þá hvað?

[Linda Linnet Hilmarsdóttir, 2.9.2008 kl. 21:01]

[Ásthildur Cesil Þórðardóttir, 2.9.2008 kl. 21:05]

Úff, jú jú hér er Laxnes, sennilega á hverju heimili, svo eru þjóðsögur Jóns Árnasonar,  Hringadróttinssaga, Harrý Potter, Agata Christie, Sherlock Holmes, ísfolkið, og nefndu það bara, það er hér  Meira að segja hrokkinskeggi og selurinn Snorri hafa ekki sloppið við minn bókaskáp.

[Katrín Snæhólm Baldursdóttir, 2.9.2008 kl. 21:09]

Ég elska bækurnar mínar næstum því mest af öllu og sumar þeirra hef ég lesið aftur og aftur..og vitiði að þær breytast á milli ára. Eða skilningur minn á efni þeirra. Og um hvað eru þær svo...allt milli himins og jarðar...bókstaflega. Gull og gersemar!! Samkvæmt þessu hlýt ég að vera gullmoli...en þó er ekki víst að öllum litist jafnvel á bókahillurnar mínar og mér..

[Þröstur Unnar, 2.9.2008 kl. 21:13]

Bókin mín fór í felur er ég las þessi komment uppHÁTT.

[Víðir Benediktsson, 2.9.2008 kl. 21:21]

Nokkrir árgangar af Sjómannaalmanakinu, Siglingafræði frá í st'yrimannaskóla, Biblían, Skólaljóðin frá í barnaskóla, eitt tonn af misgóðum skáld og æfisögum, nokkur fræðirit.

[Linda litla, 2.9.2008 kl. 21:48]

Úffff..... það eru til einhver hundruð af bókum á mínu heimili og það er sko sitt lítið af hverju allt frá barnabókum og upp í Biblíuna. Guð minn almáttugur.. ég ætti kannski að reyna að selja eitthvað af þessum bókum, kannski ég panti mér bás í Kolaportinu einn daginn.

Bestu kveðjur til þín.

[Helga Magnúsdóttir, 2.9.2008 kl. 22:48]

Ef þú ert galin er ég líklega snargalin. Samansafnið í bókaskápnum mínum er ótrúlegt. Selinn Snorra keypti ég handa báðum sonum mínum um leið og ég vissi að þeir væru væntanlegir. Harry Potter er þó með því betra sem fyrir mig hefur komið og er hann allur til á íslensku og ensku, til að geta gagnrýnt þýðingarnar, allar myndirnar eru til og svo HP eins og hann leggur sig á hljóðspólum.

[Sigrún Jónsdóttir, 2.9.2008 kl. 23:55]

Það er ekki hægt að "lesa" mig í gegnum bókaeign mína.  Stærstur hluti bókanna er "arfur" frá foreldrum mínum og hluti af þeim hluta er svo aftur úr búi ömmu og afa, þar á meðal Biblía frá 1874!.  Teresa Charles og Cavling, sem ég man að mamma fékk alltaf í jólagjöf frá pabba eru þarna, öll bindin, las þær þegar ég var unglingur en þær fá hillupláss af því þær eru svo flottar með gyltu letri á svörtu

[Ingibjörg Hinriksdóttir, 3.9.2008 kl. 00:13]

Megnið af mínu bókasafni er í geymslunni eftir síðustu flutninga, síðustu fimm ár hef ég ætlað að koma því fyrir á virðulegri stað en ekki lokið því verki. Þær sem sýna fram á andlegt heilbrigði mitt (eða ekki) eru þó til sýnis, og flestar þeirra hef ég lesið spjaldanna á milli, ekki allar þó! Laxness, Þórbergur, Steinn Steinarr, Biblían í ýmsum útgáfum, Íslendingasögurnar, Íslensk knattspyrna (allar bækurnar), Ísland í aldanna rás, listaverkabækur af ýmsum toga, dágott safn af Arnaldi, James Brown og John Grisham og svo slatti af bókum sagnfræðilegs eðlis. Að auki nokkrar aldargamlar bækur í fallegu skinnbandi sem ég hef erft, þær fá ekki að vera í geymslunni.

[Elísabet Sigurðardóttir, 3.9.2008 kl. 00:35]

Úff.... þær eru allar í ansi mörgum kössum út í skúr síðan við fluttum fyrir ári síðan.  Er farin að sakna þeirra.  Sennilega er ég mjög klofin eftir safninu að dæma.  Ansi margar eldgamlar sannar miðla og draugabækur, Halldór Laxnes allur, ein og ein Íslandssaga, biblían, öldin okkar safn og... ég verð að fara að koma þeim fyrir, man ekki lengur hvað leynist í öllum þessum kössum.

[Margrét Ingibjörg Lindquist, 3.9.2008 kl. 03:01]

Láttu þér batna snillingur...

[Birna Dis Vilbertsdóttir (IP-tala skráð) 3.9.2008 kl. 04:16]

Ég á alskonar bækur.Og nokkrar sem eru að verða 100 ára gamlar.Gerir það mig gamla líka ?hahahahaha

[María Guðmundsdóttir, 3.9.2008 kl. 06:21]

vonandi ertu ad hressast en nei takk..opna ekki minn bókaskáp fyrir neinum..er med nógu gódan "gedveikisstimpil" fyrir sko

[Tína, 3.9.2008 kl. 07:36]

Ég á fullt fullt af bókum og dýrka þær allar. Það eina sem ég ekki les eru ástarsögur *hrollur*. Ef það er einhver ástarvella í einhverri bók sem ég les þá er ég sko snögg að fletta get ég sagt þér. Annars á ég mest af svokölluðum spíritista bókum (algjör sökker á svoleiðis). En ég er hrikalegur bókaormur og er gjörsamlega fyrirmunað að sofna ef ég les ekki eitthvað fyrst.

Er ekki bara fínt að vera klofin á einhvern hátt? Mér finnst það að minnsta kosti.

Hrikalegar kramkveðjur á þig kona góð.

[Jenný Anna Baldursdóttir, 3.9.2008 kl. 10:06]

Takk fyrir skemmtilega umræðu.

[Jóhanna Magnúsar- og Völudóttir , 3.9.2008 kl. 14:32]

Sjálfshjálparbækur af öllum sortum og gerðum eru eiginlega það fyndnasta í mínu bókasafni; ,,Í megrun með Dr.Phil, Nýtt líf í hjónabandið (það var fyrir skilnað). ,,The Power of Now, Unlimited Power, Nýr heimur, Skyndibitar fyrir sálina, Meiri skyndibitar fyrir sálina, Siðfræði lífs og dauða, Teaching Practice, Religion The Social Context, Áður en ég dey, Ellefu mínútur, Íslensk fjöll, Sagði mamma, Minnistæðar tilvitnanir og auðvitað Biblían í öllum stærðum og gerðum..

.. well, ég er geðklofi líka - og á trilljón bækur, gleymdi að nefna allt bókasafnið hans afa!

[Kolgrima, 4.9.2008 kl. 01:57]

Ég þori að veðja að þú lumar einhvers staðar á skandinavísku socialraunsæi, jafnvel eftir Deu Trier Mørch, Kvennaklósettinu, Second sex, OG Sérherbergi Virginu- ef þú leitar vel  :)

Bestu kveðjur inn í nóttina.