Enginn heima

 

Ég vaknaði í morgun og mér fannst veðrið frábært og lífið enn betra.

Það er ljúfur laugardagur.

Í dag kemur lítil stúlka til okkar og að sögn ætlar hún að vera lengi, lengi, lengi og alveg þangað til nóttin er búin.

Hún ætlar sem sé að gista.

Við húsband náðum í hana í leikskólann á fimmtudaginn og tókum hana með í vesturbæinn til Jökuls "stórafrænda minn".  Og svo kom Ástrós skádóttir mín elskuleg líka og Jenný Una elskar Ástrósu og kallar hana "Ástrús".  Hér ríkti mikið fjör yfir kvöldmatnum.

Og eftir matinn þurfti hún að fara heim.  Í bílnum reyndi hún að díla við húsband.

Jenný: Ég get ekki farið heim, mamma mín er í skólanum, pabbi minn að spila í Iðnó og Lilleman er úti að leika.

Hb: Nei Jenný mín, mamma og pabbi eru bæði heima að bíða eftir stelpunni sinni og Lilleman er enn svo lítill að hann getur ekki verið úti að leika.

JU: En ég á ekki heima á Leifsgötu tuttuguogátta, ég er flutt í nýtt hús langt í burtu.  Ég ætla bara að vera hjá ykkur.

Hb: Núna ferðu heim elskan en á laugardaginn kemurðu og þá er frí í leiksólanum og þá máttu gista.

JU: Það ER laufardagur kjáni, ertu búinn að gleymaðí?

Ég hef ekki áhyggjur af að þessi unga stúlka geti ekki komið fyrir sig orði í framtíðinni.

Og svo sagði hún mér á fimmtudaginn að Franklín Máni Addnason hafi "bint" hendina á henni og hún hafi fundið til en ekki lengur.

Amman: En þá verð ég að skamma hann Franklín er það ekki?

JU: Nei amma, fóstran gerðiða.  Hann er alveg orðinn góður núna.

Jájá, annars góð bara.

Gleðilegan laugardag.

Later.

Athugasemdir

[Sunna Dóra Möller, 30.8.2008 kl. 11:28]

Gleðilegan laugardag sömuleiðis.....!

Þetta barn er sætast...!

[Edda Agnarsdóttir, 30.8.2008 kl. 11:52]

Krúttakast í tölvuna ekki vegginn.

Hvaðan kemur þetta litla kvikindi sem Jenný sæta heldur á? Þetta passar allt inn í sviðsmyndina. Myndin er frábær.

[Jenný Anna Baldursdóttir, 30.8.2008 kl. 11:54]

Þetta er kötturinn Núll, sem nb. Jenný skírði sjálf.

[Huld S. Ringsted, 30.8.2008 kl. 11:54]

[Birna Dis Vilbertsdóttir (IP-tala skráð) 30.8.2008 kl. 12:23]

[Brynja skordal, 30.8.2008 kl. 12:23]

þvílík krúsídúlla hún jenný litla yndisleg hafið ljúfa helgi í ömmukoti

[Ragnheiður , 30.8.2008 kl. 12:26]

Æj hún á eftir að bjarga sér ágætlega blessunin.

Hehehe gott að geta brosað í morgunsárið, njóttu þessa laufardags í botn kona !

[Helga Dóra, 30.8.2008 kl. 12:51]

Yndisleg greinilega......

Eigðu góðan dag  

[Lára Hanna Einarsdóttir, 30.8.2008 kl. 13:30]

Æ, hvað þú átt nú gott. Kemur sú stutta með Núllið með sér?

[Sesselja Fjóla Þorsteinsdóttir, 30.8.2008 kl. 14:15]

[Linda litla, 30.8.2008 kl. 14:25]

Hún er æðisleg, algjört krútt. Eigið góðan dag saman (og nótt)

[Sólveig Kristín Gunnarsdóttir, 30.8.2008 kl. 21:10]

Alveg meiriháttar sæt.