Ekki gera ekki neitt - plís

Ég er sammála Steingrími J. um að menn (konur) komi sér að verki.  En VG gera þá kröfu fyrir hönd þjóðarinnar.  Algjörlega satt og rétt hjá þessum frábæra stjórnmálamanni.

Ef þessi ríkisstjórn gæti hætt að ferðast aðeins og stoppað heima í viku eða svo þannig að hægt væri að kíkja á vandamálin hér innanlands með það að augnamiði að reyna að laga eitthvað svona áður en þjóðfélagið veltur á hliðina og heimilin á hausinn, þá gæti maður kannski leyft sér að draga andann án öndunarvélarinnar.

Í þau skipti sem einhver mér nátengdur er í afneitun á að eitthvað þurfi að taka til bragðs og sá nátengdi er ekki ég sjálf, verð ég skelfingu lostin.

Það er ekki til meira óöryggi en það sem er fólgið í því að láta eins og ekkert sé og vera með nefið ofan í allra manna kirnum öðrum en sínum eigin.

Og svo vil ég koma á framfæri eftirfarandi skoðun minni.

Þar sem ég tel mig til VG og hef tröllatrú á flestum sem þar eru í forsvari verð ég að segja að það bjargaði ekki deginum að frétta að einn þingmaður VG hafi farið á hótelið að Elliðavatni í staðinn fyrir að bruna heim til sín.

Og ég varð öskuill þegar ég heyrði hann réttlæta þennan gjörning í fjölmiðlum og setja sig þar með á bekk með þeim fjölmörgu stjórnmálamönnum sem aldrei sjá neitt athugavert við eigin gjörðir.

Látum hina þingmennina liggja á milli hluta, en Árni Þór af hverju sagðirðu ekki einfaldlega að þetta yrði ekki endurtekið?  

Svo miklu flottara.

Svo legg ég til að þingmenn á Reykjavíkursvæðinu fari heim úr vinnu eftir daginn eins og samborgararnir án tillits til hvað hefur verið til siðs fram að þessu.

Þegar talað er um að við borgararnir eigum að sýna ráðdeild, draga saman seglin og minnka við okkur (Geir Haarde) þá er lágmark að kjörnir fulltrúar okkar gangi á undan með góðu fordæmi.

Og jafnvel þó vel áraði þá eiga svona vinnubrögð að heyra sögunni til.

Fruss.

Fyrirsögn stolið frá Intrum, þar kom að því að ég gat sótt eitthvað í þeirra smiðju, hehe.

„Menn komi sér að verki“

Athugasemdir

[Óskar Aðalgeir Óskarsson, 29.8.2008 kl. 22:01]

Sæl Jenný,því miður er þessum ráðherrum sama um íslensku þjóðina,sérstaklega okkur láglaunalýðinn.Þetta fólk virðist bara vera þarna til að hirða launin sín,og vera á einhverju "egótrippi",t.d. með því að baða sig í frægðarljóma íslenska landsliðsins í handbolta.

[Birna Dis Vilbertsdóttir (IP-tala skráð) 29.8.2008 kl. 22:09]

Siðleysi og spilling er í öllum flokkum.Því miður virðist það vera þannig að margir sem komast til valda missa sig í spillinguna sem þeir/þær gagnrýndu sem mest á leið sinni til valda.Fáir sem hafa hreinan skjöld,því miður.Ef einhver.

[Steingrímur Helgason, 29.8.2008 kl. 22:26]

Mér skilst nú að höfðíngi þessa indjánaættbálkz sem nú stjórnleyzir lýðnum stjórni eftir aðferðarfræðinni að 'minnst stjórn sé best'.

Frá hliðarlínunni er ég nokk sammála, því að vont er bara vont, því má venjast, en alveg óþarfa óþverri að láta það verrazt af þeirra fíngrafimi.

[Svava frá Strandbergi , 29.8.2008 kl. 23:29]

Vertu velkomin á opnun á myndlistarsýningu okkar fimm bloggvinkvennanna; Elínar Bjarkar Gurðbrandsdóttur, mín, Guðnýjar Svövu Strandberg, Katrínar Níelsd., Katrínar Snæhólm og Zordísar. í Ráðhúsi Reykjavíkur, laugardaginn 30.okt. Opnunin stendur yfir frá kl. 15 til 17 og boðið verður upp á léttar veitingar.

Sýningin stendur til 14. sept.

 

Kveðja

Guðný Svava Strandberg.

[Sigrún Jónsdóttir, 30.8.2008 kl. 00:07]

Flottur pistill Jenný og ég er þér sammála.  Eitt af því góða sem einkennir þín skrif er að þú dettur aldrei í þann pytt að verja "þitt fólk" þegar þér er misboðið, sbr. með Árna Þór í þessum pistli.

[Hildigunnur Rúnarsdóttir, 30.8.2008 kl. 00:37]

Mitt fólk og þitt fólk, mér finnst pistill Stefáns um þetta efni nokkuð góður. Ég er búin að gista slatta á hótelum í sumar, meira en nokkru sinni áður og það er bara ekkert svona eftirsóknarvert!

[Hildigunnur Rúnarsdóttir, 30.8.2008 kl. 01:27]

já og Davíð Þór er góður líka...

[Auður (IP-tala skráð) 30.8.2008 kl. 02:43]

Jenný - eins og mér þykir þú æðislegur persónuleiki - þá efast ég samt um að þú yrðir heilli en dæmin sanna úr sögunni - þú ert bara mannleg, eins og þau!!! Því miður!!  

[María Guðmundsdóttir, 30.8.2008 kl. 04:39]

thad virdist alltaf sama hvada rakkat er undir thessu fólki,thad dettur allt i thennan pytt en mikid sammála, audvitad ættu rádamenn thjódarinnar ad setja fordæmi og setja stopp á thetta brudl hægri vinstri.

kvedja til thin og hafdu thad gott

[Jóhanna Magnúsar- og Völudóttir , 30.8.2008 kl. 08:21]

Fyrirmyndir - er lykilorðið!

[Ásthildur Cesil Þórðardóttir, 30.8.2008 kl. 10:04]

Já þetta er alveg með ólíkindum.  Minnir mann á söguna, þegar spillingin náði hámarki sínu, lýðurinn svalt, og yfirfólkið lifði í vellystingum praktuglega, þangað til lýðurinn loksins tók sig til og réðist á fyrirfólkið og jafnvel gerði þá höfðinu styttir.  Það er ef til vill komin tími á eitthvað slíkt, og þá auðvitað í óeiginlegri merkingu.  Að koma þeim niður á raunveruleikan.

[Sunna Dóra Möller, 30.8.2008 kl. 10:48]

Það þarf að fara setja einhvern ramma utan um kjörna þingmenn og borgarfulltrúa, siðareglur og hreinlega bara lög um það hvernig farið er með opinbert fé, hvað þau mega þiggja osfrv. Það er ótrúlegt að kjörnir fulltrúar á Íslandi þurfi nánast aldrei að axla ábyrgð á gjörðum sínum. Minnir mig á þegar lítil börn eru að kanna hve langt þau komast og ef að þau eru aldrei stoppuð og þeim settur rammi þá bara ganga þau eins langt og þau geta og verða óþolandi........!

[Jenný Anna Baldursdóttir, 30.8.2008 kl. 10:55]

Takk fyrir innleggin öll.

Auður: Við erum öll mannleg og breyk en ég er ekki stjórnmálamaður og verð aldrei þannig að ég þarf ekki að hafa áhyggjur af þessu.

Nú ætla ég að fá mér morgunmat dúllurnar mínar.

Svo kem ég sterk aftur.  Ég kem alltaf aftur.

[Laufey B Waage, 30.8.2008 kl. 11:05]

Innilega sammála þér einu sinni sem oftar.