Ég er akademískur kynþokkaskoðari

Ég tel mig vera sérfræðing í kynþokkafullum karlmönnum, eins og reyndar flestar konur.

Kannski er ég þarna með sérfræðikunnáttu sem ég gæti gert mér peninga úr.

Ég gæti til dæmis haldið keppni um kynþokkafyllsta karlmann Íslandssögunnar - nebb gengur ekki, kynþokki er yfirleitt aðstæðnabundinn og sést ekki eftir pöntun.

Ég hef orðið svo yfir mig hástemmd af kynþokkamönnum að ég hef átt það til að giftast þeim af einskærri góðmennsku við vísindasamfélagið, til að geta rannsakað nánar þessa guðsgjöf náttúrunnar.

Ég er akademískur kynþokkaskoðari.

En..

Sebastian Tellier hefur ekki únsu af kynþokka í mínum bókum, fyrirgefðu karlinn en það eru margir kallaðir en fáir útvaldir.  Svo er ekkert að marka mig á þessum síðustu, ég fann nefnilega prótótýpu kynþokkans í húsbandi, þannig að ég er hætt að spenna augun.

Leitir og þér munuð finna.  Knýið á og fyrir yður mun upp lokið verða.

Svo eru sumir karlmenn löðrandi í kynþokka í augum einnar  en nördar og törnoff í augum þeirrar næstu.

Úff ég gæti sagt ykkur sögur.

En ég ætla ekki að gera það perrarnir ykkar.

Kevin Spacy var gangandi kyntröll síðast þegar ég sá hann.  Samt held ég að hann sé hommi.  Bömmer fyrir konur heimsins ef rétt reynist.

Lennon, lokið mig inni, röddin, röddin, röddin.

Hugs, hugs, hugs,

Augun á Sigmundi Erni Rúnarssyni eru ákjósanlegur staður til að drekkja sér í á góðum degi, en til að forðast það að stökkva á flatskjáinn og stórslasa á sér andlitið er um að gera að loka augunum stelpur mínar.

Baltasar Kormákur er kjörið verkefni fyrir listamenn heimsins.  Manninn í brons, hann er fallegur drengurinn.

Hvernig stendur á því að ég man ekki eftir neinum sláandi kynþokkalöðrandi karlmanni fyrir utan ofannefnda?

Er mér að förlast?

Ég veit að þeir eru ógeðismargir en hugur minn er tómur.

Ég gæti hins vegar talið upp og verið að í allan dag, törnoffin í þessari deild.

En ég vil ekki láta súa mér.

Þeir hlaupa á þúsundum.

Og svo get ég sagt ykkur leyndarmál.  Ég er svo höll undir hið skrifaða orð að ég hef reglulega orðið ástfangin af rithöfundum.  Bara vegna þess að þeir eru svo þokkafullir í skrifum.

Og ég hef orðið bergnumin af bókaútgefanda, setjara, prófarkalesara og ég veit ekki hvað og hvað.

Ég er nörd.

Úje.

P.s. að allt öðru.

Sara dóttir mín bað mig að setja þennan link inn svo hann væri aðgengilegur fyrir alla.

Endilega kíkið hér.

 

Kynþokki í Öskjuhlíð

Athugasemdir

[Rut Sumarliðadóttir, 29.8.2008 kl. 10:59]

Svona fyrir minn smekk þarf að senda hann í bað, nú eða tvö

[Birna Dis Vilbertsdóttir (IP-tala skráð) 29.8.2008 kl. 11:02]

[halkatla, 29.8.2008 kl. 11:07]

holdgervingur kynþokkans lifir - hann heitir Daníel Ágúst

[Jónína Dúadóttir, 29.8.2008 kl. 11:07]

Enginn er verri þó hann sé nörd

[Anna Ragna Alexandersdóttir, 29.8.2008 kl. 12:06]

Við erum öll eins að innan eða þannig.

Átt þú góðan dag bloggvinkona.Og hreifa sig.

[Hulla Dan, 29.8.2008 kl. 12:26]

Ummmmm Baltasar.
Og, og, og, og margir aðrir sem ég bara kem ekki með nokkru móti fyrir mig.
Þetta er hinsvegar umræðuefni að mínu mati

[Linda litla, 29.8.2008 kl. 13:23]

Nákvæmlega... Baltasar Kormákur !!! Hann er sóðalega flottur og sexý.

[alva (IP-tala skráð) 29.8.2008 kl. 13:33]

Balti er æðislegur.

ég fékk að stela þessu sem var frá dóttur þinni...

Góða helgi góða kona.

[Sunna Dóra Möller, 29.8.2008 kl. 14:04]

Gaz man, partý Hans og Gillz..... ..... !

[Anna Ólafsdóttir (anno) (IP-tala skráð) 29.8.2008 kl. 14:19]

Þvílíkt dásamlega fyndinn pistill  - þú ert óborganleg mín kæra bloggvinkona - sammála þér með alla þessa upptöldu

BTW: Sakna þess að hafa ekki tíma fyrir nokkurn blogglestur að ráði  - þeim mun dásamlegra að hitta á pistil eins og þennan 

Talandi um kynþokka þess franska - að sjá hann live í Kastljósinu í gær var fullkomið turnoff. Ég var nánast hneyksluð yfir að það var ekki bara slökkt á kamerunni og röddin látin duga - það er eiginlega búið að eyðileggja alla ánægju mína af því að hlusta á júróvisjón lagið hans sem mér þótti nebbnilega soltið sexy lag en nú tengi ég það bara við þessa hörmung sem ég horfði á í sjómpinu í gær - arrrggg!

[M, 29.8.2008 kl. 14:50]

Guð sé lof að við erum ekki allar með sama kynþokka smekkinn, værum allar hlaupandi á eftir sama manninum

Fannst þessi franski ömurlegur, sorry.  Daníel Ágúst jakk, en samþykki sko alveg Baltasar og SER brúnaþunga. Og auðvitað margir margir fleiri. 

[Jóna Á. Gísladóttir, 29.8.2008 kl. 15:07]

Tek undir með Önnu; þvílíkur dásemdarpistill . Þú ert asni... en gjörsamlega frábær asni

[Þröstur Unnar, 29.8.2008 kl. 16:31]

What ! Eru þá til kynþokkafullir nafnlausir bloggarar, bara svona í gegn um cypertómið?

[Þröstur Unnar, 29.8.2008 kl. 16:33]

Arg. Ég væri þá örugglega sexý hefði ég ekki álpast til að setja þessa fáránlegu mynd af mér á bloggið, þarna í denn.

[Ester Sveinbjarnardóttir, 29.8.2008 kl. 17:47]

Ég er líklega dauð úr öllum æðum, finnst hann ekki sexý, jafnvel ekki þegar hann talar frönsku.  Man þessa stundina ekki eftir neinu eintaki sem fellur undir þann flokk, en er samt ekki samkynhneigð.  Kannski er þetta bara kreppan sem fer svona með mig.

[Jóhanna Magnúsar- og Völudóttir , 29.8.2008 kl. 18:48]

Sam Shepard does it for me...

[Edda Agnarsdóttir, 29.8.2008 kl. 19:40]

Takk fyrir Jenný mín, má ekki vera að lesa nokkurn skaðaðan hlut, reyni að lesa þitt blogg og nokkur í viðbót.

Ég held að ég taki undir með Jónu, þú ert api en besti api í heimi!

Skilaðu kveðju til Söru með þakklæti!

[Brjánn Guðjónsson, 29.8.2008 kl. 21:11]

skal ekkert segja um sveitta fransmanninn, eða aðra kynbræður mína.

hitt eru þó gömul og góð sannindi að leiðin að hjarta hvers mann liggi um maga hans. önnur góð sannindi, eru að góður maður standi og falli með sósunni.

ergó, að kynþokki hverrar konu fer eftir sósunni sem hún gerir

þið getið sumsé hent öllum töfrakremunum. þau hafa ekkert að segja. tja, nema nota megi þau í sósur

[Sigrún Jónsdóttir, 29.8.2008 kl. 21:22]

Ég lagaði alveg hrikalega góða sósu í kvöld, Baltasar Kormákur hefði verið góður með henni

[Jenný Anna Baldursdóttir, 29.8.2008 kl. 21:49]

Takk öll fyrir innlegg.  Ég hef verið svo busy og svo er barnabarnið eigandi að tölvunni þannig að ég hef ekki komist inn fyrr en nú.

Þið eruð frábær.  Svei mér þá.

[Gunnar Hrafn Jónsson (IP-tala skráð) 30.8.2008 kl. 00:24]

Það vantar alveg Chuck Norris þarna inn.

[Lísa Björk Ingólfsdóttir, 30.8.2008 kl. 01:41]

Ég er alveg sammála þessu með þennan Sebastían.  Ekki mitt kikk - en trommarinn þarna fyrir aftan hann á myndinni.  Þó ekki sjáist andlitið þá eru fráhnepptar skyrtur og bringuhár algert turnon fyrir mig.  Nema náttúrulega ef það sem kemur þar ofaná eyðileggi sjarmann allverulega.

 Keanu Reeves er alveg að gera það fyrir mig í síða leðurfrakkanum í Matrix.  Nú eða bara í hverju sem er eða engu............. (I wish)

[Tína, 30.8.2008 kl. 07:22]

Úffffffffff allt í einu er gjörsamlega stolið úr mér hvað þeir heita sem mér finnst vera kynþokkafullir, en gildir einu. Aftur á móti efast ég um að til sé lifandi vera sem finnst þessi franski vera sexý . Ég ætla ekki einu sinni að segja hvað mér finnst.

En að öðru......................... mér finnst þú alltaf jafn frábært og skemmtileg kona góð  You really make my day.

[Ingibjörg Hinriksdóttir, 30.8.2008 kl. 11:50]

Stórkostleg færsla, óborganlega fyndin, vantar bara Sean Connery í kynþokkalistann og allt er gott!