Að hanga saman á munni eða mjöðm

Ef Baldur Guðmundsson, annar höfundurinn að mér hefði haft forsetaembættið til að bjóða sig fram í og komast þar með í leyniþjónustumenn til að gæta þeirra sjö dætra sem hann á heiðurinn af, þá bölva ég mér upp á að hann hefði gert það.

Svipurinn á honum þegar kæróarnir komu upp að húsinu var ekki blíðlegur.

Þannig að maður hætti  bara að taka þá heim að húsinu - ekki flóknara en það. 

Geymdi þá í næstu götu bara.

En nú er ég hér vestur í bæ með útsýni í allar áttir, þ.e. ef það væri ekki orðið svona fjári dimmt og ég sit hér vafin innan í teppi og er að reyna að venjast apple tölvu barnabarnsins.

Ég er í rauninni orðin afskaplega íhaldssöm.

Þegar ég fékk mína fyrstu tölvu 1986 eða 7, Makka auðvitað, þá hefði ég svarið fyrir að ég ætti eftir að nota annað.  En svona er lífið.

Og núna rembist ég eins og rjúpan við staurinn og reyni að láta mér lynda við mína fyrstu ást sem hefur auðvitað farið töluvert fram bæði í þroska og útliti og ég veit að það á eftir að smella.

Rétt eins og það gerði með mig og húsband sem héngum saman á munninum í denn, fórum í sitthvora og erum núna samvaxin á mjöðm.

Þess má geta í forbífarten að sama húsband lenti í Obama, ég meina föður mínum hérna um árið þegar honum var sagt að bíða úti eftir mér.  Mér fannst maðurinn hafa sloppið vel.

En hvað um það.

Þessi færsla var frá toppi tilverunnar í besta bæjarhluta Reykjavíkur.

Síjúgæs.

Hótar að siga leyniþjónustunni á kærastana

Athugasemdir

[Brjánn Guðjónsson, 25.8.2008 kl. 23:17]

áttirðu þá svona mac-rafsuðuhjálm?

[Lára Hanna Einarsdóttir, 25.8.2008 kl. 23:19]

Velkomin í Vesturbæinn! 

[Eva Benjamínsdóttir, 25.8.2008 kl. 23:22]

Ertu ekki með næturkíki?

[Jenný Anna Baldursdóttir, 25.8.2008 kl. 23:23]

Brjánn: What?

LH: Ég er ekki svo langt frá þér.  Kaffi í vikunni?

Eva: Damn, enginn kíkir.

[Edda Agnarsdóttir, 25.8.2008 kl. 23:28]

Ertu að passa stórasta í kvöld?

[Ásdís Sigurðardóttir, 25.8.2008 kl. 23:30]

Ætli þeir séu ekki margir Obama tengdapabbarnir, skemmtu þér vel vestast í vesturbænum.

[Ester Sveinbjarnardóttir, 26.8.2008 kl. 08:12]

Það er oft slagur við tæknina, þessar nýju uppfærslur, en svo kemst maður að því að í raun er nýja tæknin betri en sú gamla og góða.

[Ásthildur Cesil Þórðardóttir, 26.8.2008 kl. 08:46]

Sjö dætur ? Úff von að hann hafi sett upp sparisvipinn hann pápi þinn.  Allur er nú varinn góður   En makki   Hef aldrei kynnst svoleiðis grip.  Já líði þér sem best þarna í Vesturbænum Jenný mín.