Budda tæmd - "Say no more"

Ég var ekki búin að blogga um stórkostlega IKEA-ferð fjölskyldunnar í vikunni.

Helmingur okkar er ekki sérstaklega hrifinn af versluninni "þar sem heimilið á heima".

Sumar við tvær, Sara og ég eru hins vegar nokkuð hamingjusamar með sömu verslun.

Ég fór með miða, týndi honum en aldrei þessu vant mundi ég eftir að kaupa það sem hafði mótíverað ferðina. 

Og Hrafn Óli var með og þegar maður er 7 mánaða þá er IKEA-ferð "walk in the park".  Húsband sá um barn sem "talaði" hátt og skýrt dadada og sriggeliggelú alla leiðina í gegnum þessa endalausu verslun.

En auðvitað rataði hellingur ofan í körfuna sem ég hafði ekki haft grænan grun um að ég gæti ekki verið án fyrr en ég sá það.

En ég keypti gardínur og allskonar fyrirkomulög í búðinni hans Ingvars og kom hlaðin heim ansi mörgum þúsundköllum fátækari eins og lög gera ráð fyrir.

Ég ætla nefnilega ekki aftur í bráð.  Birgði mig upp af allskyns óþarfa.

Hvað er þetta með mig og búðir? 

Það er eins og að ferðast á milli landshluta gangandi að fara í gegnum þessa verslun.  Hún er stór, full af allskyns og það tekur orku.  Fleiri kílómetrar voru lagðir að baki þennan dag.

Svo var það vís kona sem sagði mér EFTIR að ég kom heim, að það væru til flýtileiðir.

Jájá, en ég keypti kerti.

Það eru akkúrat þau sem mig sárlega vantar núna þar sem ég vafinn inn í eitthvað IKEA-teppi, sjálfandi úr kulda.

Lífið gæti varla verið betra.  Þetta verður mín Menningarnótt og ég ræð tónlistinni.

Úje

Tónlistin ómar á Menningarnótt

Athugasemdir

[Jónína Dúadóttir, 23.8.2008 kl. 19:11]

Hafðu það eins gott og hægt er og helst aðeins betra

[Einar Örn Einarsson (IP-tala skráð) 23.8.2008 kl. 19:16]

Jenný mín.

Komdu bara á sjóinn, engar búðir hér, og allt til alls.  Flottur klefi til reiðu handa þér, (klefinn hennar Dorrit hérna á flaggskipinu).

[Sigrún Jónsdóttir, 23.8.2008 kl. 19:51]

Þoli ekki nýja "völundarhúsið", var rétt farin að rata og kunna á flýtileiðir í því gamla, fyrir nú utan að þá þurfti ég ekki að keyra bæjarleið.

Kveiki líka á kertum í kvöld, þar sem ég á byrgðir frá því áður en IKEA flutti

[Steingrímur Helgason, 23.8.2008 kl. 20:22]

Mikið er gott að Ingvar á gamla SaaB hefur ekki séð hag sinn í því að opna svona furunálasprekabúð hér Norðlendiz.

Mér tókzt af vaxa upp úr IKEA möbleríi fyrir rúmum aldarfjórðúngi, en viðurkenni í laumi, (bara á milli mín & þín sko!), að hafa stundum laumazt í kaffiteríuna þar fyrir 'frikkadillurnar'.

Jamen, fy fanen, de er brill ....

[Lísa Björk Ingólfsdóttir, 23.8.2008 kl. 21:05]

Búðir eru stórhættulegar - forðast þær eins og heitan eldinn. Sérstaklega dótabúðir.  Get varla athafnað mig á heimilinu fyrir alls kyns leikföngum sem hafa safnast hér inn undanfarin 19 ár.  Og það er alltaf hægt að rekast á eitthvað "to die for"............

[Ásdís Sigurðardóttir, 23.8.2008 kl. 22:42]

Maður þarf að vera andlega og líkamlega vel undirbúin undir Ikea ferð. Húsbandið fer alltaf með og heldur aftur af kaupæðinu sem grípur mig, segir svona sykursætt, "vantar þig svona? hvenær heldurðu að þú notir það' og ég náttl. hætti við, enda svo bara á að kaupa eitthvað handa barnabörnum, helst sem þau vantar ekki, maður fær bara svona óþafa æði þarna inni.  Hafðu það gott í þinni heimamenningu, ég er mið kisu á tásum og heita tölvu í kjöltunni og horfi á Taggart, ekki slæmt kvöld framundan.  Kær kveðja

    

[Jóna Á. Gísladóttir, 23.8.2008 kl. 23:57]

Ásdís þú þarft að nota sömu taktík og Jenný, þ.e. að sjá til þess að húsbóndinn sé upptekin við eitthvað annað en að fylgjast með þér spýtast á milli rekka og vinna nýtt dót. T.d barnapössun.