Fyrirtækiseigandinn ég

Ég er vinnuveitandi.  Það rann upp fyrir mér um daginn að ég er atvinnurekandi með heví rekstur í gangi.  Sein að fatta.

Fyrirtækin sem ég á og rek hlaupa ábyggilega á tugum. OR, RÚV. HR. TR (Ókei ég er hætt).

En ég er eins og Ingvar gamli sem á IKEA, lifi sparlega og velti hverjum aur á milli handanna áður en ég kveð hann með virktum.  Sko aurinn ekki Ingvar.

Ég hef líka heyrt að Ingvar karlinn sé alki eins og ég, að vísu ekki óvirkur en alki samt, að því mér skilst.

Ég er reyndar að ýkja ég skilst létt og án faðmalaga og annarra atlota við mína peninga.  Hef ekki val um annað, þeir eru ekki til að safna í hlöður og það er í fínu lagi.

Gísli Marteinn er í stjórn einna minna fjölmörgu fyrirtækja. 

Ég gleðst yfir því að hafa getað hækkað við hann launin OG veitt honum stöðuhækkun um leið og hann flytur úr landi þessi elska.

Ég veit að það er ekki alveg samkvæmt venjum og hefðum en ég er ekkert að sýta það.

En ég hefði viljað að "stjórn" fyrirtækisins léti mig vita hvað til stóð í launamálum mannsins.

En það eru víst örar mannabreytingar hjá þessu fyrirtæki mínu, alltaf verið að skipta um fólk.

Ég held ég panti fund með starfsmannastjóranum mínum og fari yfir ráðningarmálin.

Það er svo dýrt að vera sífellt að ráða og reka.

Úff, erfitt að eiga svona mörg fyrirtæki og ÖLL í sama bæjarfélaginu.

Er spurningin ekki að fara út í áhættudreifingu bara?

Kveðja

Mógúllinn sjálfur

Gísli Marteinn fær launahækkun

Athugasemdir

[Gísli Baldvinsson (IP-tala skráð) 21.8.2008 kl. 11:58]

OMG... afhverju þessi blái litur á lúkkinu????????? ertu orðin FRJÁLSLYND????

[Hulla Dan, 21.8.2008 kl. 12:06]

Bíddu... Ég hélt að hann væri að fara út í nám???

Er það bara mín tölva sem sýnir fjólubláan lit???

[Kristján Kristjánsson, 21.8.2008 kl. 12:07]

En þetta er væntanlega "Í þágu borgarbúa"

[Brjánn Guðjónsson, 21.8.2008 kl. 12:19]

það verður nú að styrkja kútinn til náms, ehaggi?

en fyrst við erum svona miklir fyrirtækjaeigendur...eigum við ekki að skella okkur í lax?  ég hringi bara í Villa og spyr hvar fáist besti díllinn.

[Sigrún Jónsdóttir, 21.8.2008 kl. 12:28]

Ég var einmitt að velta fyrir mér þessum "bláma" á síðunni þinni.  Skýringin komin:  Atvinnurekandi klíkupólitíkusa.

P.s. óska eftir að komast í stjórn heilbrigðisráðara, svo ég geti hætt að í "geiranum". 

[Villi Asgeirsson, 21.8.2008 kl. 12:34]

Hann er að læra það sem hann á að vera að gera. Ég hélt maður færi fyrst í nám og fyndi sér svo vinnu. Þetta er kannski öðruvísi í bananalýðveldum.

[Lilja Guðrún Þorvaldsdóttir, 21.8.2008 kl. 12:59]

Guð hjálpar þeim sem hjálpa sér sjálfir, hinum hjálpar Sjálfstæðisflokkurinn.

[Elísabet Sigurðardóttir, 21.8.2008 kl. 13:08]

Þú fyrirtækjaeigandinn getur kannski ráðið mig í vinnu vegna bloggvináttu.  Segjum bara fjármálastjóra.  Yrði alveg sátt við það. 

[Villi Asgeirsson, 21.8.2008 kl. 13:34]

Ég get verið oddviti menningarmála, enda er ég að dúlla við kvikmyndir erlendis. Ég skal alveg fara í framhaldsnám ef þú endilega vilt.

[Kristín Katla Árnadóttir, 21.8.2008 kl. 13:56]

[Jenný Anna Baldursdóttir, 21.8.2008 kl. 14:20]

Vili: Góður, ég er viss um að þú ert flottur kandítat í málið.

Elísabet: Við sjáum til þegar ég er búin að reka alla núverandi fjármálastjóra.  Jájá.

Lilja Guðrún: Hahaha, I love you

Krakkar: Búin að breyta, nú re það konulitur og svartar blúndur.  Úje.