Listinn minn og Ljósið sem skín

 

Við húsband horfðum á Stones myndina "Shine a light" og hún er frábær.

Hvað um það, við fórum að ræða það í gamni hvaða þekktu persónur okkur langaði til að hitta og hvers vegna, af því húsband langar til að hitta Keith Richards og spyrja hann út í opin  grip (held ég að hann hafi sagt).  Ég myndi vilja hitta Keith líka en það væri þá til að pína hann til sagna um hvað kom raunverulega fyrir Brian Jones.

Stór hluti þeirra sem mig langaði að hitta eru ekki á jörðinni lengur þannig að það taldist ekki með í þessum samkvæmisleik okkar hjóna. Þá er ég að tala um Jesú Krist, Olov Palme, John Lennon, Ghandi,  Ernest Hemingway og Helen Keller,  ekki endilega í þessari röð.

En bíðum nú við.

1. Nelson Mandela er ofarlega á blaði.  Mig langar til að biðja hann um að kenna mér allt um æðruleysi sem hann virðist hafa fengið ótrúlega mikið af.  Hm.. sérfræðingur maðurinn.

2. Hillary Clinton, af því hún er svo merkileg í nútímanum. 

3. Margréti Danadrottningu af því við erum frænkur.  Langar til að sitja og reykja með henni og drekka kaffi og hlægja tryllingslega.

4. Mörtu Stewart, ég er að ljúga, bara að fá viðbrögð.

5. Jamie Oliver.  Ég verð að komast að því hvort hann er svona ofvirkt eldhúskrútt í raunveruleikanum.

6. Yoko Ono, mig langar til að taka konuna út, það fer svo mörgum sögum af henni.  Er hún sjarmerandi eða fráhrindandi?

Og svo alla Nóbelsverðlaunahafana í bókmenntum sem eru á lífi.  Vantar tips frá þeim.  Hvert er leyndarmálið?

Muhahaha.

Og fullt að öðru fólki.  Mugabve er ekki einn af þeim og heldur ekki Hannes Hólmsteinn eða Óskar Bergsson.

Og koma svo, hverjir eru efstir á ykkar lista?

Ég bíð spennt.

 

Athugasemdir

[Sesselja Fjóla Þorsteinsdóttir, 18.8.2008 kl. 00:48]

Ég væri sko til í að sitja með Tinu Turner í nokkrar mínútur, Demi Moore, Yoko Ono...........æi listinn minn er hreinlega ótæmandi.

[Jóna Á. Gísladóttir, 18.8.2008 kl. 00:54]

Jenný Anna

[Víðir Benediktsson, 18.8.2008 kl. 06:52]

Alex Ferguson, Bobby Charlton. Paul McCartney, Pamela Anderson.

[Tína, 18.8.2008 kl. 07:44]

Ég er ekki að herma eftir henni Jónu, en ég er bara algjörlega sammála henni. Hefði ekkert á móti því að gera það sama með þér og þig langar að gera með Margréti Danadrottningu. Annars eru allir farnir yfir móðuna miklu sem ég hefði viljað hitta og ræða við. Gandhi, Edgar Cayse, Hafsteinn Björnsson miðill og fleiri og fleiri.

Knús inn í daginn þinn og ég fæ mér smók þér til samlætis.

[Ía Jóhannsdóttir, 18.8.2008 kl. 08:27]

Shirley MacLaine það er kona sem ég vildi hitta.  Búin að hitta Þórhildi og reykja með henni, ekkert voða spes.  Annars fékk ég ljóðabók í gær eftir Ara Jóhannesson og datt niður á þetta ljóð sem mig langar til að senda þér.

KEITH RICHARDS

 Andlitið

ögrum skorið

og svalt

eins og Ísland

bara skornara

svalara

og eldra

í dauðadjúpum

sprungum þess

hljóða gömul grip

röddin rám

og regindjúp

ræskir sig upp um (úr?)

flösku af Jack Daniels:

THIS COULD BE

THE LAST TIME!

[Jónína Dúadóttir, 18.8.2008 kl. 09:21]

Mig langar að hitta svo marga.... þig til dæmis og ökukennarann minn heitinn. Mig langar að spurja hann hvort það var eitthvað við aksturinn hjá mér, sem gerði það að hann dó daginn eftir að ég tók prófiðMóður Theresu langaði mig líka alltaf að hitta...

[Jenný Anna Baldursdóttir, 18.8.2008 kl. 10:20]

Takk fyrir að koma með tillögur villingarnir ykkar. 

Jónína: Góð.

Ía: Þessa ljóðabók verð ég að eignast.  Brilljant þetta ljóð.

Stelpur mínar ég leigi aðstöðu á Ingólfstorgi og þið getið komið og fengið eiginhandaáritun, ekki málið.

Jóna: Þú þarft ekki að væla, hefurðu ekki beinan aðgang að mér kelling?

[Ía Jóhannsdóttir, 18.8.2008 kl. 13:03]

Bókin kom út 2007 og heitir Öskudagar.  Ari fékk bókmenntaverðlaun Tómasar Guðmundssonar 2007.  Ari er læknir og er bróðir Einars Jóhannessonar klarinettleikara í Sinfó.

[Kristín M. Jóhannsdóttir, 18.8.2008 kl. 21:36]

Vá, það er ekki auðvelt að svara þessu. Paul McCartney pottþétt því ég er svo mikill aðdáandi. Noam Chomsky, maðurinn er brilliant. Myndi spjalla við hann um hvort tveggja, málvísindi og stjórnmál. Alain Vigneault, þjálfara Vancouver Cancuks, af því að ég ætla að giftast honum og fyrsta skrefið er því að hitta hann. Ingmar Stenmark, maðurinn er ennþá goð í mínum huga. Jesse L. Martin af því að hann er svo sætur. Tony Adams, magnaður knattspyrnuleikari sem lifði ótrúlegu sukklífi og lifði það af.LIstinn er endalaus en það er beset ég stoppi hér.

[Jón Steinar Ragnarsson, 19.8.2008 kl. 00:35]

Margir nefna móður Teresu. og Ghandi. Sennilegast var dýrlingurinn loddari og áróðursvopn kaþólikka (horfið á myndina) og svo eru margir þeirrar skoðunnar að Ghandi hafi sent Indland til steinaldar og að það hafi aldrei náð sér á strik eftir það. Þeir sem svo dásama Dalai Lama ættu að kynna sér ógnastjórn munka og ömurleika guðræðisins í Tíbet forðum. Að koma honum til valda þar í stað þess að setja á laggirnar lýðræði yrði gríðrlegur bjarnargreiði við þá þjóð.

Það eru tvær hliðar á öllum málum. Glansmyndirnar eru ekki alltaf sannar.

Annars væri gaman að hitta þig á förnum vegi Jenný og það sama gildir um marga bloggara, sem mér eru kærir.

[Jón Steinar Ragnarsson, 19.8.2008 kl. 00:37]

Líklegast myndi ég helst vilja Sam Harris eða christopher Hitchens í dag og jafnvel Pat Condell. Þeir snerta strengi hjá mér. Ayaan Ali Hirsi af kvenþjóðinni. Sannkölluð hetja samtímans.