Hegðið ykkur á meðan ég sef

Þá er þessi sunnudagur liðinn og kemur ekki aftur. 

Ég er búin að vera skjálfandi úr kulda í allan dag vafin innan í peysur og hef farið tinandi eins og gamalmenni á milli stóla.  Lesandi.  Það hefur bjargað lífi mínu í þessu furðulega kuldakasti sem hefur herjað á mig frá því ég opnaði augun blásaklaus í morgun að vera með góða bók.

Ég er að lesa svo magnaða bók sem heldur mér í heljargreipum.  Glerkastalinn heitir hún og er glæný úr prentsmiðjunni.

Ég blogga auðvitað um þessa bók en ég lofa ykkur að þessa verðið þið að lesa.

Stundum er sjálft lífið lygilegra en nokkur fantasía.  Hrífandi frásögn bandarískrar konu af æsku sinni.  En meira um það seinna.

Ég ætla að vona að ég nái upp í eðlilegan hita þegar líða fer á vikuna.  Ég ætla nefnilega í berjamó.  Jess og ég er ekki að ljúga.  En ég veit ekki hvert er best að fara til berja svona dagstund og er að hugsa um að hringja í lækni sem ég þekki og fá hjá honum upplýsingar.  Hann er berjamaðurinn með ákveðnum greini í EINTÖLU.

Og svo er verið að segja mér að rabbarbari vaxi eins og mófó upp í Skammadal og það sé ölum frjálst að rífa hann upp með rótum og fara með heim.

Miðað við efnahagsástandið og veiklulega innkomu undirritaðrar (má lesa um það hjá Gurrí, muhahahaha) verður maður að fara að nýta sér allar mögulegar matarholur.

En...

Mér finnst ég verða að blogga um nálgunarbannsmálið sem er að kæfa mig úr reiði en það er sunnudagskvöld og ég bíð til morguns með að springa.

En þá verð ég líka óð á lyklaborðinu.

Nigthy - nigthy.

Hegðið ykkur á meðan ég sef.

Athugasemdir

[M, 11.8.2008 kl. 00:33]

Líst vel á þessa bók.

Lofa að vera góð inní nóttina

[Kolgrima, 11.8.2008 kl. 00:51]

Hlakka til að heyra meira um þessa bók - góða nótt og góðan bata. Já, og læknirinn hefur náð að koma berjatínslu upp á hærra plan

[Steingrímur Helgason, 11.8.2008 kl. 00:54]

Í ríki þýðverja hefði þessi sagnbeyjíng kostað kúrda.

Gott að vera ezkimói.

[Beturvitringur, 11.8.2008 kl. 01:20]

Eina "berja"athöfnin mín hefur verið að reyna að berja mér til hita í dag. Þess vegna fannst mér tilvalið að skrifa þér sem þjáningasystur minni. Hvað á það að þýða að vera eins og tæringarsjúklingur með hor, og í ullarpeysu og norsk uld, og þetta fína veður, og mig minnir að ekki vanti hitaeiningarnar.

[Jens Guð, 11.8.2008 kl. 01:22]

  Þegar þú ert búin með þessa bók þarftu að kíkja á ævisögu Erics Clapstons.  Hún er assgoti skemmtileg - þó ritstíllinn sé ekki hár.

[Lilja Guðrún Þorvaldsdóttir, 11.8.2008 kl. 01:33]

Hlakka til að heyra meira um þessa bók. - Þú ert þó ekki búin að næla þér í flensuna sem hefur verið að ganga, úff ég vona þín vegna ekki. -

Það er líka forvitnilegt að heyra hvert læknirinn fer í berjamó þetta haustið. -

En í almáttugs bænum farðu vel með þig,  - farðu nú ekki að ana í berjamó sárlasinn, það er ekki hagsýnni húsmóður sæmandi, enda lítill sparnaður í því að láta slíkt fréttast um sig, að sparnaðurinn hafi farið í vinnutap vegna forkælingar.

[Hólmdís Hjartardóttir, 11.8.2008 kl. 01:48]

Nálgunarbannsmálið úff. Ef þu bloggar um það skellur á 3. heimsstyrjöldin. Vont mál

[Hrönn Sigurðardóttir, 11.8.2008 kl. 01:57]

Hvar er þessi skammastíndalur?

[Jónína Dúadóttir, 11.8.2008 kl. 06:56]

Góðan dag, vona hitastigið hafi hækkað

[Hulla Dan, 11.8.2008 kl. 07:49]

Ég gæti gefið móðursystir mína fyrir 5 kg af krækjiberjum núna!
Vona að þér vakni hlýtt í dag mín kæra.

[Jenný Anna Baldursdóttir, 11.8.2008 kl. 09:03]

Hulla: Krækiber?  Úff það eru bláberin sem blíva.

Jónína: Mér er enn kalt.

Hrönn: Þú ferð upp í Mosfellsdal og þar er afleggjari merktur Skömminni.

Hólmdís: Ég vildi að ég væri svo mögnuð.

Lilja Guðrún: Ég veit það er ekki heilsunni fyrir berin fórnandi.

Hehe.

[Jenný Anna Baldursdóttir, 11.8.2008 kl. 09:04]

Kolgríma og Lilja Guðrún: Læknirinn fer um landið og miðin til berja.  Og hann hefur gert berjatínslu að listgrein.

Steingrímur: Þú ert stundum svo djúpur að ég skil þig ekki.  Híhí.

Góðan daginn og beturvitringur; ekki berja yður til óbóta.

[Jóna Á. Gísladóttir, 11.8.2008 kl. 09:09]

Úff hvað ég er fegin að heyra að fleiri eru Steinblindir þegar Steingrímur er annars vegar.

Farðu vel með þig kelling