Í hælum og eiturgrænum náttbuxum - úje

Þar sem ég sit hér forkunarfögur í morgunsárið og á meðan liljuhvítar hendur mínar strjúka lyklaborðið blíðlega stingur klæðaburðurinn í stúf við dásamlegt útlit mitt.

Ég er í svörtum bol, grænum náttbuxum með marglitum stjörnum og svörtum háhæluðum skóm.  Þá meina ég 10 cm háum en ekki einhverjum klósetthælum fyrir kerlingar.

Kötturinn Núll lætur lappirnar á mér ekki í friði.  Skórnir eru varnarútbúnaður.  Ok?

Þá er það frá.

Hagnaður bankanna er að dragast saman.  Ég er ekki reikningshaus en ég kann að draga frá og leggja saman. 

Hreiðar Már hjá Kaupþingi hafði 62 millur á mánuði allt s.l. ár.  Í mínum bókum er það töluverð fjárhæð.  Ef þessir toppar væru settir á eðlileg laun er ég viss um að bankarnir færu á ágætis ról og það væri jafnvel hægt að minnka allskyns þjónustugjöld til almennings.

Hvernig líður manni sem tekur alla þessa peninga fyrir að mæta í vinnuna og haga sér þér eins og ætlast er til?

Ætli svona manni finnist ekki brjálæðislega fyndið að aldraðir og öryrkjar séu að garga sig hása vegna þúsundkallana sem þeim finnst vanta upp á framfærsluna svo þeir eigi fyrir mjólk og brauði út mánuðinn?

Ef einhverjir starfskraftar í þessu þjóðfélagi eiga skilið almennileg laun þá er það fólk sem sinnir börnunum okkar og eldri borgurunum. 

Ekki að ég öfundi þennan mann af auðnum, mig langar ekkert í svona peninga.  Mikill vill meira.  Þetta ofdekur við bankatoppa er brjálæðislega fyndið í allri sinni græðgismynd.

Ég skulda hinsvegar krónur 14.321 í skatt umfram það sem ég er þegar búin að greiða.  Ég þarf að borga það í dag.

Eins og pabbi minn sem sagðist vera stoltur af því að geta borgað skatta til samneyslunnar þá ætla ég líka að gleðjast yfir því að ég sé álitin þessum fjórtánþúsundkalli aflögufærari en mér var ljóst.

Ég borga með gleði.

Farin að lakka táneglur.

Hagnaður bankanna dregst saman

Athugasemdir

[Bjarni Kjartansson, 1.8.2008 kl. 10:21]

Sko elsku dúllan mín (afsakaðu svona banal kveðju frá ókunnugum)--þannig er, að konur EIGA að vera misfríðar.  Konur EIGA að vera stundum pínu ósamstæðar að morgni dags.

SVona daglig dags er annað mál, --þegar komið er að hádegi en stundum er þetta bara bráðnauðsynlegt fyrir umhverfið.

Miðbæjaríhldið

kann að meta fjölbreytilegt útlit sinnar konu,--raunar allra kvenna.

[Jenný Anna Baldursdóttir, 1.8.2008 kl. 10:24]

Takk Bjarni minn og njóttu dagsins.

[Bergljót Hreinsdóttir, 1.8.2008 kl. 10:44]

Ég er viss um að þú ert bara óttalega krúttleg þarna við tölvuna með liljuhvítar hendur og á háum hælum...

Bankarnir og þeirra rekstrarhalli hljómar ekki eins fallega...ekkert sætt við þá....

Ef þessir gaurar eins og Hreiðar Már og fleiri myndu prófa að ná endum saman í einn mánuð á MÍNUM launum....tjahh...þá skal ég borga umframskatt með gleði....

Eigðu góðan dag Jenný mín.....

[Lára Hanna Einarsdóttir, 1.8.2008 kl. 10:58]

Það er eitthvað við hann Bjarna - eitthvað ómótstæðilegt. Það er alveg sama hvað hann segir hverju sinni, hann gerir það á svo skemmtilegan og sjarmerandi hátt.

Mig langar að bæta inn í upptalninguna á verðugum þá sem sinna sjúkum, sérstaklega hjúkkum og sjúkraliðum. Það er með eindæmum hvað það er frábært fólk sem hefur valist í þær starfsgreinar.

Ég ætlaði að segja eitthvað fleira, en eftir langt símtal er ég búin að gleyma hvað það var... 

[Jenný Anna Baldursdóttir, 1.8.2008 kl. 11:03]

Lára Hanna: Skammastín adda púkinn þinn.

[Hrafnhildur Ýr Vilbertsdóttir, 1.8.2008 kl. 11:13]

flottur varnarbúnaður... sæi sjálfa mig í anda reyna skrönglast þetta á háum svona í morgunsárið, rétt stend undir sjálfri mér í fótlagaskóm  djók...

[Magnús Geir Guðmundsson, 1.8.2008 kl. 11:17]

Mér finnst þetta nú bara svona "Djúsí" lýsing á þér sjálfri Jennýbeib,eins gott að grútarpervert gekk ekki fyrir gluggan hjá þér, hefði kannski getað fengið útrrás!?

En hin skvísan hún Lára Hanna, heyrist mér hættulega "Sólstingsleg" og það svona snemma dags!

En mikil synd þetta með krónurnar þínar, hefðir sem best getað endurnýjað náttgallan allan fyrir þetta og hælana kannski líka! (og þá á útsölu auðvitað)

Hvurslags nefn er þetta annars á ketti?

[M, 1.8.2008 kl. 11:18]

[Lára Hanna Einarsdóttir, 1.8.2008 kl. 11:27]

Sagði ég eitthvað ljótt...? 

[Linda litla, 1.8.2008 kl. 11:45]

62 millur á mánuði ?? Er þetta í lagi ? Ég næ ekki 2 millum á ári. Hvers vegna í andsk. þarf þetta að vera svona ? Ég segi eins og þú mig langar ekki að hafa þetta í mánaðarlaun 62 mill. en ég myndi vilja hafa mánaðarlaun sem að ég og sonur minn gætum lifað á út mánuðinn. En það er ekki hægt á mínum launum.

[Marta B Helgadóttir, 1.8.2008 kl. 12:12]

Góð færsla að vanda

og ekki síður gott komment hjá honum Bjarna blessuðum. Svona eiga menn að vera :)

Helgarkveðja til þín Jenný mín.

[Marta B Helgadóttir, 1.8.2008 kl. 12:14]

...skatturinn ......reynir að taka mig í það þurra á hverju hausti ...það er vont en það venst

[Einar Örn Einarsson, 1.8.2008 kl. 12:19]

Ég man sérstaklega vel eftir einni frú sem ég þekkti vel. Hún var alltaf í morgunkjól fyrir hádegi, svo fór hún í eftirmiddagsdressið, og svo kvöldkjól þegar mikið lá við.

Hún hefði fengið flog yfir útgangum á þér í þessu háhælaða eiturgræna átfitti. Mér finnst þetta smart, ekki laust við að það sé dálítið pönk í þessu, reyndar er heilmikill pönkari í þér  Það sem ég hugsaði fyrst þegar ég sá þessa mynd var; mikið skelfing er hún langleggjuð blessunin, hvers vegna þarf hún þessa hæla? En skýringin er góð, að háir hælar gagnist sem vopn gegn árásum katta, ég ætla að stela þessu og mæta í háum hælum til félaga míns næst, en sá heldur árásargjarna ketti.

Geri eins og þú annars, greiði það sem mér ber að greiða með bros á vör. Fylgir því að vera partur af samfélaginu.  Þrátt fyrir að það tæki mig vel á annan áratug að vinna fyrir 62 millum.

[Magnús Geir Guðmundsson, 1.8.2008 kl. 12:24]

Neinei, ekkert ljótt Lára mín, en talaðir fallega um íhaldið!?

[Guðrún B. (IP-tala skráð) 1.8.2008 kl. 12:45]

Hehe  mér finnst þessi lýsing á þér í morgunsárið, alveg dásamleg.  Ég er oft ósamstæð, ekki bara á morgnana, heldur allann liðlangann daginn.  Og mér finnst það bara allt í lagi.

Nó comment á laun banakamanna.

[Linda litla, 1.8.2008 kl. 12:56]

Góða helgi og farðu varlega.

[Steingrímur Helgason, 1.8.2008 kl. 13:44]

Guð gaf & skatturinn tók & gott að eiga þó einhver klæði, abztrakt eða normal eftir auga sjáandarinnar.

Sexý skór, dúllza...

[Laufey B Waage, 1.8.2008 kl. 14:11]

Ég á auðvelt með að tengja við minn persónulega skilning, ýmislegt sem viðkemur tölum: Laun, verð, fjarlægðir, dagsetningar, hæð, lengd o.m.fl. En stöku sinnum eru tölurnar slíkar og þvílíkar, að skilningur minn hrekkur úr sambandi. Þær tölur kalla ég ljósár. Ég veit, að ljósár er fjarlægðin frá sólu til jarðar, en sú fjarlægð tengist bara ekki skilningi mínum. 62 milljónir á mánuði í laun, - það er svona tala sem ég kalla ljósár. Gjörsamlega ofvaxið mínum skilningi.

En nagglalakk og smart skór; - það er eitthvað sem ég skil og fíla.

Góða helgi. 

[Jenný Anna Baldursdóttir, 1.8.2008 kl. 14:41]

Sko, ég vil taka fram að þessi mynd er ekki af bífunum á mér.  Færi ekki í svona hæla, mínir eru mjóir og töff.

Laufey: Sammála, ég skil ekki ljósár heldur.

Steingrímur: Takk en eins og ég segir, á ekki þessa skó.

Linda og Guðrún: Takk og sömuleiðis.

Einar Örn: Góður.

[Jenný Anna Baldursdóttir, 1.8.2008 kl. 14:43]

Marta: Ég er í kasti.  Taka þig í þurra.  OMG.

Hallgerður: Rétt, steingeitarsyndróm.  Hahaha.

Lára Hanna tók mig svo illilega í gær með því að hringja og þykjast vera starfsmaður borgarstjóra, hún kallaði mig á teppið til karlsins vegna ítrekaðrar neikvæðrar umræðu um stjórann og ég tók lét blekkjast.  Helvítis kerlingin.  Og Lára Hanna: Ég elska þig líka.

[Jenný Anna Baldursdóttir, 1.8.2008 kl. 14:44]

Magnús Geir: Eigandi kattar, hún Jenný Una (31/2 skírði köttinn, en hann gengur undir gælunafninu "Lillekatt" svona dags daglega).

Krumma: Góð.

[Markús frá Djúpalæk, 1.8.2008 kl. 14:46]

Mér finnst nú duglegir menn langt í frá ofhaldnir af einhverjum skitnum 62 milljónum á mánuði. Hvað er að því að vera með kannski fimmtán til tuttuguföld árslaun meðalfólks á mánuði? Það á ekki að öfunda fólk af svona hlutum.

[Jenný Anna Baldursdóttir, 1.8.2008 kl. 14:59]

Markús: Segðu, ég sé það núna að þetta er ekkert ofgott fyrir duglega menn.  Skammastín Jenný Anna

[Magnús Geir Guðmundsson, 1.8.2008 kl. 16:04]

Haha, gerði Vesturgötugellan þér slíkan snilldarhrekk! Greinilega mikið spunnið í hana, ég tala nú ekki um að geta hrósað ÍHALDINU!

En bara að svo ótrúlega vill til að ég veit það, þá er rétt að láta það flakka, að ljósár telst vera sú vegalengd sem ljósið fer á heilu ári. Þannig er hin hávísindalega útskýring allavega!

[Birna Dis Vilbertsdóttir (IP-tala skráð) 1.8.2008 kl. 17:51]

Ég á að borga helling líka.Gott er að geta greitt til samfélagsins.En af hverju bara sumir?Heiðar Már gæti þá liklegt keypt boxer og gefið á Eyjaslóð?Kannski tvennar og sokka líka?Hver veit

[Lilja Guðrún Þorvaldsdóttir, 1.8.2008 kl. 21:54]

Þessi maður HM er með 36.4 sinnum hærri laun á mánuði heldur en æðsti maður þjóðarinnar. - Hreiðar Már er með 62. milljónir á mánuði, - Herra Ólafur Ragnar Forseti Íslands er með 1.7 milljón á mánuði. -

Mér hefur alltaf fundist og finnst enn að Forseti vor sé með góð laun, enda full sæmdur af.

En mér finnst MAÐUR SEM TEKUR ENGA ÁHÆTTU MEÐ STARFI SÍNU, hann á ekki þennan banka, hann tekur ekki á sig tap bankans, hann tekur einungis á sig prósentur af ágóða bankans, og svona mætti lengi telja. -

Hann og hans líkar hafa bara ekkert að gera við þessi laun. - Þetta er bara græðgi og ekkert annað.- Það hefur engin gott afþví að vera með meiri en fimmfalt hærra laun en lágmarkslaun eru hverju sinni. - Annað er græðgi. -

Sem þýðir ef Forseti er með 1,7 milljón á mánuði. - Þá eiga lámarkslaun að vera 340 þúsund krónur á mánuði.  -