Laangdreginn aulahrollur

Ég verð alltaf sannfærðari með hverjum deginum sem líður að við Íslendingar erum ekki mjög gestrisið fólk (nema við suma) og svo erum við enn með aðra löppina í torfbæjarhurðinni.  Erum ekki alveg tilbúnir til að stökkva inn í nútímann og skella á eftir okkur.

Þegar ég horfði á laaaaaaaaangt og ítarlegt viðtal við sýsluna á Ísafirði þar sem hún tíundaði skelfilegan glæp mannsins sem seldi myndir á Vestfjörðum og romsaði upp úr sér öllum lögunum sem maðurinn hafi hugsanlega brotið, að myndirnar hafi verið gerðar upptækar, fjármunir hans og aðrar persónulegar eigur, þá var mér næstum því skemmt.  En ég gargaði mig hása í staðinn.

Hvar sem ég hef komið um heiminn hefur allskyns fólk selt ýmsan varning út um allt og enginn hefur séð neitt athugavert við það.  Bara skemmtilegt innlegg í mannlífsflóruna.

Svo kemur einhver maður til Íslands með fokkings myndir og dót til að selja og hann er handtekinn og varan gerð upptæk.  Hann vantaði leyfi til að selja varninginn og gott ef ekki verslunarpróf með láði frá einhverjum skóla.  Er ekki bara hægt að segja nei takk ég vil ekki kaupa?  Þarf þetta að stofna móralnum á Vestfjörðum í stórkostlega hættu?

Mér finnst, ef ég segi bara nákvæmlega það sem ég er að hugsa, að þarna liggi kynþáttafordómar á bak við viðbrögðin.  Það er eins víst og nótt fylgir degi að í svoleiðis aðstæðum byrjar fólk ósjálfrátt að ryðja úr sér lögum og reglugerðum (mál Paul Ramses).

Við ættum að gæta þess Íslendingar að fara að hugsa svolítið hvernig við komum fram við fólk frá öðrum löndum.  Já öllum öðrum löndum.

Þetta mál er einn allsherjar, langdreginn aulahrollur og ég næ honum ekki úr mér.

Take a chill pill!

 

Bauð málverk til sölu

Athugasemdir

[alva (IP-tala skráð) 20.7.2008 kl. 23:43]

já, þetta er bara hlægilegt!! Sýslumannsstúlkan þarna að gera sig að algeru fífli hahaha...

[Hanna, 20.7.2008 kl. 23:47]

Það er auðvitað kristaltært að ef ekkert hefði verið gert í þessu máli þá hefði fyrr en síðar allt orðið vitlaust ef yfirvöld hefðu ekki gert neitt í málinu.

Svo er aftur annað mál hvort það þurfi að banna svona farandsölu með lögum.  Það getur verið skemmtilegt innlegg í lífið að eiga kost á því að hitta og spjalla við farandsölumenn.

[Ásta Kristín Norrman, 21.7.2008 kl. 00:01]

Hann er náttúrulega indverji og það er ekki svo mikið inni á Íslandi.

[Edda Agnarsdóttir, 21.7.2008 kl. 00:06]

Flott myndin af torfbænum og þeirri gömlu! Er þetta nokkuð Kambur í Önulstaðahreppi í Eyjafirði?

Þetta er nú ekkert nýtt með erlenda sölumenn á Íslandi - komu á hverju sumri allsstaðar þar sem ég hef búið fyrir utan Reykjavík, seljandi einhver klisjumálverk til stuðnings þeim og eða fleirum námsmönnum, Fyrir nú utan íslensku sölumennina með heilu bílhlössin af fatnaði, búsáhöldum, gamalt sælgæti, bækur, diska, spólur og verkfæri fyrir bændur...

Ég keypti gerviblóm af Búlgara sem bankaði upp á hjá mér einhverntímann - það kom kona í gærkvöldi og bauð mér bók eftir sig sem kom út fyrir jól 2006, á 1500 kr - svo ég tali nú ekki um símasöluna! úff ég er stundum dauðþreytt á þessu .

[Ásdís Sigurðardóttir, 21.7.2008 kl. 00:10]

Aldrei má maður ekki neitt.  Skil hvernig þér líður en segi bara góða nótt og sofðu vel

[Lilja Guðrún Þorvaldsdóttir, 21.7.2008 kl. 00:46]

Ég hef oft upplifað götumálverkasölu hér á Laugaveginum og þar í kring, vetur, sumar, vor, og haust. - Keypti m.a. eina mynd á Þorláksmessu í fyrra, eftir þýskan listamann, hvítan. - Hef ekki hugmynd um hvort hann hafði leyfi eða ekki. -  Þarna var Íslensk stúlka að selja verk eftir sig, bleik. -

Þetta var svolítið kjánaleg frétt. - Eins og Sýslumannsfrúin hafi viljað bæta fyrir ísbjarnarskortinn, enn fréttin var um leitina að meintum ísbjörnum. - Svo klykkti hún út með því að segja frá þessum hroðalega glæponi sem henni tókst að handsama á Ísafirði, - í síðustu viku. -  það var toppurinn. -

[Steingrímur Helgason, 21.7.2008 kl. 00:48]

Líklega sami pakistani/indverji mætti á minn þrözkuld með sitt eða annara handmálað undir arminum, mér & mínum mæðulaust.

Löggeríið alveg að standa sig eða þá...

~Reglugerðarbananizminn ...~

[hörður halldórs (IP-tala skráð) 21.7.2008 kl. 00:57]

     hvað um rúmenna sem voru að selja dóta skartgripi.mátti ekki fólk láta plata sig? allavegana minna tjón að að kaupa dótagull en SPRænuverðbréf.

[Egill (IP-tala skráð) 21.7.2008 kl. 04:37]

Ekki aðeins ertu grunnhyggin Jenný, heldur þarftu aftur og aftur að opinbera heimsku þína á opinberum vettvangi með svona bulli eins og hér að ofan.

Auðvitað þarf fólk viss leyfi til að stunda sölumennsku, skv. lögum. Það gengur ekki að samþykkja lög sem er svo leyfilegt að brjóta stundum og stundum ekki. Hvernig væri þjóðfélagið þá?

Þegar kemur rautt ljós, þá á maður skilyrðislaust að stoppa, nema þeir sem eru útlendingar og koma frá Spáni. Þeir mega aka yfir á rauðu ljósi.

Hálfviti geturðu verið kerlingarálft!

Nei, það er engin sanngirni í því að einhver Egypti fái að selja og selja eins og hann lystir, án þess að greiða nokkra skatta eða skyldur, en Ebbi listmálari á Bolungarvík má ekki selja sín málverk án þess að borga 24,5% virðisaukaskatt af þeim öllum.

Sömuleiðis þurfa að vera ákveðnar reglur og leyfisveitingar tengdar svona sölu, því annars getur fólk lent í því að kaupa svikna eða stolna vöru. Rétt eins og þegar Rúmenarnir þóttust selja ósvikið gull, sem reyndist svo ómerkilegt glingur.

Nei, lög eru lög. Alltaf - ekki bara stundum. Og hafðu það kerling!

[Jenný Anna Baldursdóttir, 21.7.2008 kl. 07:14]

Góðan daginn hérna.  Hér er líf.

Egill: Takk fyrir að benda mér á grunnhyggnina mannhelvíti og karlandskoti.

[María Guðmundsdóttir, 21.7.2008 kl. 07:33]

 ég bara næ ekki svona pistli eins og thínum Egill, gastu alls ekki skrifad nákvæmlega thetta án orda eins og "kerlingarálft,hálfviti," og th??  i gudanna bænum, fer bara í mig thegar fólk er ad gera sig breytt á annarra manna bloggsidum, rifandi kjaft med ordaleppum eins og thessum. " MÁLEFNANLEG UMRÆDA " heitir thad heillin en alltaf margir sem greinilega geta ekki hamid sig.

Sorry Jenný , ég bara gat ekki setid á mér, THOLI EKKI svona skitkast med uppnefnum og flr. Skil ekki hverju thad á ad skila yfirhøfud.  Fjandinn sjálfur ad geta ekki kommentad án skitkasts vid bloggarann.

[Jenný Anna Baldursdóttir, 21.7.2008 kl. 08:05]

María: Þetta er í góðu.  Egill hefur verið þreyttur kl. 04,37.  Það leggst illa í fólk.

[Tína, 21.7.2008 kl. 08:06]

Tek undir með henni Maríu hérna. Skil ekki þegar fólk þarf nauðsynlega að vera með leiðindi leiðindanna vegna.

Hvað sem öðru líður þá finnst mér þú alltaf jafn frábær Jenný mín. Knús í daginn þinn elskuleg.

[Jónína Dúadóttir, 21.7.2008 kl. 08:08]

Hér býð ég bara góðan dag Ég hef enga sérstaka skoðun á umræddu máli, en ég tek algerlega undir með Maríu Guðmundsdóttur, svona skrif eru ömurleg og líka alger óþarfi

[Ía Jóhannsdóttir, 21.7.2008 kl. 08:12]

Góðan og blessaðan daginn.  Ekkert smá skítkast frá þessum manni.  Honum væri nær að sofa á nóttunni.  Tek undir orð Maríu og skil ekki svona vesælmenni 

[Ásta Kristín Norrman, 21.7.2008 kl. 08:14]

Sæl Jenny! hvort Egill er þreyttur eða óhaminjusamur eða eitthvað annað, er augljóst. Það er bara að vorkenna svona fólki. eina leiðin til að þola það. Það er náttúrulega alveg rétt hjá honum að lög eru lög, en munið þið eftir að íslenskur rækjusölumaður hafi verið handtekinn og settur í steininn og komið í fréttum. nei það er ekki sama hver það er. Þetta er svipað brot og að fara yfir á rauðu ljósi. Meigum við eiga von á að lenda í sjónvarpsfréttum fyrir það líka?

[Jenný Anna Baldursdóttir, 21.7.2008 kl. 09:28]

Við skulum ekki gefa athugasemdadónanum of mikla athygli.

Svona lúðar trufla mig ekkert.  Löngu vön.

[Edda Agnarsdóttir, 21.7.2008 kl. 09:52]

Ég er í krampakasti hérna meginn - þvílík snilld hvernig þú gafst aumingjanum á lúðurinn!

[Martha Elena Laxdal (IP-tala skráð) 21.7.2008 kl. 09:54]

Ég hafði lúmskt gaman af honum þegar hann bankaði upp á hjá mér, því ég hafði heyrt af honum áður frá systur minni, mér datt ekki í hug að segja nei takk strax eins og ég geri iðulega við íslenska sölumenn. Mér finnst gaman af að stúdera fólk og þessi olli mér engum vonbrigðum, mér fannst verst hvað hann var einmana og algerlega úr takti við "hinar almennt viðurkenndu kurteisisvenjur" sem tíðkast hér á landi. Eða eins og ég svaraði einu kommenti : Það er svo mikið til af venjulegu kurteislegu fólki að svona persónuleikar krydda aðeins þessa mannlegu spekúlasjónir hjá mér sem hef alltaf gaman að sálfræðinni á bak við hlutina. Ástsjúki farandssalinn kom mér fyrir sjónir t.d. sem ósköp einmana lífvera sem notaðist við samskiptamáta sem almennt er ekki "viðurkenndur" samfélagslega hér á landi. Þó við Íslendingar viljum þykjast vera út á við opin fyrir ýmissi framandi menningu og venjum þá erum við inns inni dálítið inn á þeirri línu að halda fólki í vissri fjarlægð - við verjum innsta kjarna samskiptaumráða svæðisins og þangað bjóðum við aðeins fók sem við þekkjum vel og treystum. Að koma t.d. úr menningarheimi þar sem karlmenn eru dóminerandi og alla leið til Íslands og ætla að reyna sömu taktík við íslenskar frenjur og tíðkast í heimalandinu hlýtur að varpa viðkomandi yfir á áður ókönnuð svæði samskipta á milli kynjanna.

Mér hefur alltaf fundist skemmtilegra að kaupa beint af fólki og er ekkert að spá endilega í vsk. - keypti fallega teikningu af ungverja fyrir nokkrum árum sem kom í heimahús. Ég braut sennilega ýmsar reglur þegar ég var 10 ára og hóf mína fyrstu blaðaútgáfu og seldi í hús fallega heftuð ljósrit sem voru í anda Bravo-blaðanna gömlu ;)

Málið með þennan egypska prins var að hans ástsjúka framkoma hefur sennilega farið meira fyrir brjóstið á kvenmönnum hér vestra en einhver söluleyfi og því um líkt. Það kærir sig enginn við áreitni eltihrellis ;) 

Engu að síður á ég nokkur bókamerki sem ég keypti af þessum blessaða manni til minningar og við systur eigum sennilega eftir að hlæja að þessu eins og svo mörgu öðru á komandi árum.

[Jóhanna Magnúsar- og Völudóttir , 21.7.2008 kl. 10:22]

 Mér finnst merkilega mikið gert úr þessum ,,glæp" .. og veit ekki betur en að öll þjóðin sé í ,,farandsölu" að selja hverju öðru hluti m.a. á barnalandi. Ég vona að yfirvaldið fari ekki að vasast í vasa smáfuglanna. 

Ég var annars að brjóta svolítið af mér þar sem þú elskulegust ert í einu af aðalhlutverkunum í lítilli ,,sannsögulegri" smásögu sem kom úr kollinum á mér þegar ég vaknaði eftir útilegu. Notaði æluna, kræmíariverið og súmíið  en gleymdi auðvitað "gargaðimighásainu"

 Góðan dag ...

[Jóna Á. Gísladóttir, 21.7.2008 kl. 11:06]

er í kasti hérna. Fólk er auðvitað misskrítið og miskurteist og allt það.

Ég er á því að lög séu lög en mikið svakalega er misjafnt eftir dögum hvað yfirvaldið leggur áherslu á.

[Jenný Anna Baldursdóttir, 21.7.2008 kl. 11:10]

Auðvitað eru lögin til þess að fara eftir þeim.  En bara í fljótu bragði þá man ég eftir eftirfarandi sölumönnum:

Harðfisksala/myndasölukonu/humarsala/rækjusölum/bókamanni/plús sölumönnum guðs frá amk. tveimur útibúum.  Vottum Jehóva og Mormónum.

Jájá.

[Edda Agnarsdóttir, 21.7.2008 kl. 11:25]

Jenný þú ert í góðum gír í dag - þetta síðasta frá þér kom hláturtaugunum aftur af stað

[Edda Agnarsdóttir, 21.7.2008 kl. 11:27]

Æi ég veit ekkert hvað er í gangi hér með þetta letur - ég ýtti óvart held ég á einhvern takkann!

Annars finst mér athugasemdin frá Mörthu góð.

[Þorsteinn Briem, 21.7.2008 kl. 11:37]

Sýslumanni Indverji seldi ást,
á Ísafirði hún hætt var að fást,
í farandsölu,
fór upp á Völu,
Helgu við vaskinn hann er enn að kljást.

[Birna Dis Vilbertsdóttir (IP-tala skráð) 21.7.2008 kl. 11:42]

.Góðan dag hér

[Hrönn Sigurðardóttir, 21.7.2008 kl. 12:10]

Vonandi er úr þér hrollurinn ;)

[Guðrún B. (IP-tala skráð) 21.7.2008 kl. 12:13]

Verslings kallinn.. hann er bara að reyna að ná sér í peninga til að lifa af eins og við hin.

[Jenný Anna Baldursdóttir, 21.7.2008 kl. 12:30]

Ég er í kasti.  Hrönn; hrollurinn er viðvarandi.

Edda: Ég veit ekkert hvernig maður stækkar stafina svona (vildi að ég vissi það) en þetta gerist stundum hjá mér.

[Jón Ragnarsson, 21.7.2008 kl. 13:24]

Selja drasl án leyfis: Stórhættulegt, í gæsluvarðhald með hann!

Brjóta fætur með kylfu: Suss suss strákur, svona gera menn ekki, farðu heim til þín og skammastu þín!

[Helgi Viðar Hilmarsson, 21.7.2008 kl. 14:14]

Alveg er þetta nú dæmigert fyrir þig Jenný. Vilt banna það sem er leyft (samanber vændið) og leyfa það sem er bannað samanber þessa eftirlits- og leyfislausu skransölu útlendinga. Mér sýnist þú vera komin í hlutverkið „Fúl á móti.“

Leiðinlegt annars að þú skulir ekki fá að ráða þessu.

[Jenný Anna Baldursdóttir, 21.7.2008 kl. 14:17]

Helgi Viðar: Þú veist ekkert hvað er dæmigert fyrir mig.

Ég vil banna vændi, klám og aðra misnotkun á konum og börnum. 

Ég sé ekkert að því að einn farandsali af og til fái að athafna sig á landinu.  Það er amk. ekki stórmál og ótrúlegt að það taki fleiri mínútur í fréttum eins og um stórt fíkniefnamál sé að ræða.

Jón: Góður.

[Helgi Viðar Hilmarsson, 21.7.2008 kl. 16:38]

Satt segirðu Jenný. Auðvitað veit ég ekkert um þig annað en að þú ert mamma, amma, femínisti, Vinstri Græn og óttalegur tuðari, ef marka má skrif þín.

Og auðvitað sér enginn neitt athugavert við skoðanir sínar. Allra síst femínistar, sem eru eins forskrúfaðir eins og frekast er unnt að vera.

Sjálfsagt væri svo að banna vændi og annan ósóma, ef þeir sem það sunda hlíttu því banni og það kæmi ekki verst niður á þeim sem síst skyldi.

[Jenný Anna Baldursdóttir, 21.7.2008 kl. 16:42]

Helgi Viðar: Allir Helgar sem ég hef kynst eru ofboðslega gráðugir og frekir til matarins.  Allir sko.

Og allir sem heita Viðar sjá ekkert athugavert við skoðanir sínar.

En veistu skoðanir eiga ekki að falla í kramið hjá öllum, hver væri þá tilgangur þeirra?  Það yrði ekki umræða ef enginn væri ágreiningur um markmið og leiðir.

Og mér stendur svo nákvæmlega á sama þó góður hluti íslensku þjóðarinnar sé ekki á sama máli en ég.  Það er mér ekkert kappsmál.

En ég kann vel að meta skynsemi.

[Helgi Viðar Hilmarsson, 21.7.2008 kl. 17:07]

Eru þá ekki allir Helgar sem þú þekkir stórir, feitir og frekir og alveg gjörsamlega forskrúfaðir ef þeir heita Viðar líka?

[Helgi Viðar Hilmarsson, 21.7.2008 kl. 17:51]

Að öllu skensi slepptu og þar sem þú kannt vel að meta skynsemi, finnst þér þá skynsamlegt að hrekja illa staddar vændiskonur út á Guð og gaddinn með banni, eins og það óneytanlega gerir, sé því framfylgt?