"Heimilið með að heiman"

 

Ég man eftir auglýsingu sem hljómaði eitthvað á þessa leið: "Heimili að heiman" en ég man ekki hvað var verið að selja.  En mér datt þetta slagorð í hug núna áðan þegar ég burðaðist með stóran part búslóðarinnar inn í hollum eftir sólarlagslangt ferðalag niður á Leifsgötu.

Ég tek þennan frasa lengra og segi: "Heimilið með að heiman".

Ég tók rúmlega tvo alklæðnaði og tvenna skó plús þá sem voru á löppunum á mér þegar ég mætti í pössunina ásamt húsbandi.  Svo nenni ég ekki að tíunda allt hitt, en brauð, eplaedik og matvinnslurjómi voru með í för, ekki spyrja hvers vegna, þetta er einfalt mál, svona "just in case" dæmi.

Ég er ekki í lagi.

En..

Ég var búin að gleyma hversu mikið djobb það er að vera með tvö lítil börn og við vorum tvö, ég og húsband.  Við gengum auðvitað allt of langt í dekri og svoleiðis en fyrr má nú aldeilis fyrr vera, maður er bara lafmóður.

Og kl. 4,30 að staðartíma s.l. nótt vaknaði Hrafn Óli, 6 mánaða og var í stuði.  Mamma hans hafði sagt að hann svæfi alla nóttina en það þýddi ekkert að ræða það við barnið, hann horfði á mig með svona SÓ?-svip og einbeitingin í litla andlitinu sýndi glerharðan brotavilja til partíhalds með ömmunni áður en haninn galaði.

Amman gaf að drekka, lét ropa, skipti á bleyju, sussaði og bíaði og hann hélt uppi einræðum við sjálfa sig í rúminu sem byrjuðu á agí og enduðu á babba.  Um leið og ég vék mér frá kallaði hann hátt og skýrt "agíanaganagúanagei" sem þýðir: komdu þarna kélling.

Og ég braut öll lögmál uppeldisfræðinnar og gaf skít í regluna um rútínu og ladídadídei, náði í vagninn fram í þvottahús, lét barn í, það tók mínútu og hann hraut.

Síðan selflutti ég hann yfir í rúm og hann rumskaði ekki, fyrr en hann og systir hans hún Jenný Una vöknuðu kl. 07,30 eða nánast um leið og ég var að festa svefn eftir partíið með yngsta barnabarninu.

Meira seinna.

Ætla að ná mér saman.

Úje

P.s. Efst er mynd af genginu, Jenný Unu, Hrafni Óla og kettinum Núll.

Athugasemdir

[Lilja Guðrún Þorvaldsdóttir, 12.7.2008 kl. 20:45]

Rosalegt gengi, - en fallegra gengi en þessi þrjú, hef ég nú aldrei séð saman á mynd. - Ég ætla ekkert að trufla þig meira í bili. - Ætla bara að lofa þér að hvílast - og helst sofa.

[Birna Dis Vilbertsdóttir (IP-tala skráð) 12.7.2008 kl. 20:46]

[Ásdís Sigurðardóttir, 12.7.2008 kl. 21:30]

Þau eru yndisleg, en mikið er gott að vera amma, þegar maður er orðin yfirsig þreyttur þá getur maður bara sagt bless og farið heim. Love it.

[Bjarndís Helena Mitchell, 12.7.2008 kl. 22:23]

Góða skemmtun og góða nótt

[Ásthildur Cesil Þórðardóttir, 12.7.2008 kl. 22:43]

Heheheheh Æ Jenný mín, ókey, núna er ég laus í augnablikinu, en hversu langt getum vér ömmur gengið í þessum basa.  Love you girl, velomin í hópinn  eins og þín er von og vísa, sagðirðu ða betur en ég.

[Elísabet Sigurðardóttir, 12.7.2008 kl. 22:51]

 Sé þetta fyrir mér, ég kannast við svona næturpartý hjá minni 9 mánaða og mikið hlakka ég til að verða amma. 

Knús ofuramma.

[Jóhanna Magnúsar- og Völudóttir , 12.7.2008 kl. 23:34]

Þetta hefur verið fjörugur sólarhringur hjá þér.  .. Krúttlegt lið þarna á ferð.

[Þóra Sigurðardóttir, 12.7.2008 kl. 23:58]

Ég sem hlakka svo til að verða amma  Takk fyrir að kynna mér það hlutverk

[Guðrún B. (IP-tala skráð) 13.7.2008 kl. 00:12]

Þú ert rík kona Jenný Anna.

Sofðu vel.

[María Guðmundsdóttir, 13.7.2008 kl. 04:39]

thad hefur gengid á ýmsu  en hvad gerir madur ekki til ad vinna sigurinn i svona baráttu,brýtur já øll løgmál uppeldisfrædinnar og allt er leyfilegt

eigdu gódan sunnudag .

[Jónína Dúadóttir, 13.7.2008 kl. 07:52]