Varstu að bora í nefið þegar ég hringdi?

 

Ég hef reglulega velt því fyrir mér þegar ég fletti blöðunum hvað fólk grerir sig rosalega til fyrir fjölmiðla.

Ég sé þetta oft fyrir helgar.  Þá er yfirleitt hringt í eitthvað fólk sem er þekkt meðal almennings og það spurt heimskulegra spurninga.

Eins og:

Hvað er í ísskápnum? Og svei mér þá ef ég fæ ekki minnimáttarkennd yfir því hversu flott ástandið er alltaf á innihlaldi ísskápsins þegar blaðamaðurinn hringir.  Upptalningin á innihaldi skápanna er svo framandi að ég þarf stundum að ná mér í orðabók.  Það eru aldrei leifar af kjötbollumáltíðinni í gærkvöldi hjá fólkinu, hvað þá plokkfiskur.  Hvað er orðið um íslenska matarmenningu?

Og svo er gjarnan spurt:

Hvað verður í matinn í kvöld: Og enginn svarar, súpukjöt, steiktur fiskur eða lamb í ofni.  Nei það er alveg Crameirrjruægssg ds fjd brulé eða Ajaur fraafajdjfir foi grasse.  Þannig að út um allt land er alltaf verið að elda 5 stjörnu máltíðir þegar blaðamaðurinn hringir.

Og svo síðan:

Hvað á að gera um helgina: Og svörin eru mörg og misjöfn en þau innhalda þvílíka dagskrá að ég verð þreytt eftir lesturinn og svo fylgir alveg, eftir að búið er að telja upp 2 leikhúsferðir, eina tónleika, eina tjaldferð, sundferð, heimsóknir, þá ætlar viðkomandi bara að taka þessar 10 mínútur sem eftir lifa af helgi í algjörri afslöppun!

Og svo þessi krúttlegasta:

Hvað varstu að gera þegar ég hringdi: Jú viðkomandi var að mála þakið, skipta um eldhúsinnréttingu, skrifa bók, mála Monu Lizu nr. 2 og kaupa banka.  Fólk er aldrei að hlusta á hádegisfréttirnar eða bora í nefið á sér þegar síminn hringir.  Er þetta eðlilegur andskoti?

Er það nema von að mér finnst ég arfaslök í öllum ofannefndum keppnisgreinum.

Ég var ekki svona aktív þegar ég var súperaktív og var nú aldrei nein lognmolla í kringum mig og er reyndar ekki enn. Híoghó.

En margir gleypa dægurfréttirnar hráar, bera sig saman við og hugsa; mikið djöfull er ég mikill plebbi.

Kannski að það sé ætlunin.  En þetta truflar mig ekki, mér finnst þetta bæði krúttlegt og fyndið.

Og svo var það hún Viktoría Svíaprinsessa sem hóstaði því út úr sér einhvern tímann við Se och Hör að hún elskaði jarðaber með rjóma.

Haldið þið ekki að hvorutveggja hafi selst upp daginn eftir?  Ég er að segja ykkur satt.

Þannig að ég geri því skóna að sumir hafi tilhneigingu til að gera eins og fræga fólkið.

Úff,

Jenný; hvað ætlar þú að gera í kvöld?

Ég: Jú eftir að ég hef hent nautasteikinni í ofninn, sultað og tekið slátur , slegið blettina í hverfinu og farið á myndlistarsýningu, þá ætla ég að taka því ógeðslega rólega, bara liggja með tærnar upp í loft, en það mun verða um kl. 04,00 í nótt.

Æi svo satt eitthvað.

P.s. Af gefnu tilefni þá hef ég heyrt að Sigounrne Weaver sé nefborari.

 

Weaver til í aðra Alien

Athugasemdir

[Berglind Inga, 8.7.2008 kl. 14:51]

Varstu nokkuð að bora í nefið meðan þú bloggaðir þessa færslu?

[Jenný Anna Baldursdóttir, 8.7.2008 kl. 14:54]

Sérðu ekki myndina af mér kona?  Tekin as I wrote

[Jóhanna Magnúsar- og Völudóttir , 8.7.2008 kl. 14:59]

Kill me gently !   .. ég held þú ættir að fara að spekúlera í því að fara í standöppið.

Ég var að blogga heil ósköp með innblæstri eftir að hafa verið í samstuði við "sannkristnasta" mann bloggheims (fyrsti stafurinn byrjar á J) og ég skrifaði í lokin sú mí að þínum hætti, vildi bara forðast það að vera ákærð fyrir tvöfalandan ritstuld þar sem ég stal greininni  og bið hér með um leyfi þitt til að fá að nota sú mí í þetta eina skipti, ha?

[Jóhanna Magnúsar- og Völudóttir , 8.7.2008 kl. 15:01]

þetta á að vera tvöfaldan ..

[María Guðmundsdóttir, 8.7.2008 kl. 15:10]

 unfukkingbilívebel....enda trúi ég ekki andartak ad thetta fólk sé alltaf svona ferlega "flott bissí sko"...ef einhver hefdi hringt i mig thá hefdi ég legid,hrotid og slefad i sófanum.... og ekki dottid í hug ad ljúga um thad.....eda hvad...

en eigdu gódan dag, klikkar ekki ad kikja hér til ad fá skapid i lag 

[Jakob (IP-tala skráð) 8.7.2008 kl. 15:26]

Skemmtileg færsla hjá þér, en hvurn fjandan hefur hún með þessa "frétt" að gera?

[Guðrún B. (IP-tala skráð) 8.7.2008 kl. 15:44]

Sjitt.. hvað þú ert fyndin kona,  ég er búin að grenja úr hlátri yfir þessu .. mér finnst að þú ættir að skrifa bók, gefa svona óborganlegar færslur út.  Ég segji það satt Jenný, ég mynda kaupa hana , áritaða og á fínu verði.

Knús á þig skemmtilega kona, þú bjargaðir annars hundleiðinlegum degi fyrir mig.

[Kolbrún Sig (IP-tala skráð) 8.7.2008 kl. 15:48]

Jenný, alltaf góð  

Hvaða bók er annars á náttborðinu þínu núna? 

PS.  Spurði bara svona... verandi "alæta" á bækur og ef ég fengi þessa spurningu er afar ólíklegt að Dostojevski trónaði þar akkúrat það augnablikið....

[Eyrún Gísladóttir, 8.7.2008 kl. 15:48]

HAhahaha hrikalega háttstemt fólk og brjálað að gera ef það væri hringt í mig væri ég sennilega á leið í vinnu eða að þvo þvott frekar lásí típa.

[Kristín Katla Árnadóttir, 8.7.2008 kl. 17:23]

Jenný mín ég hló svo mikið mér fannst þetta svo fyndið hjá þér og skemmtilega skrifað.

[M, 8.7.2008 kl. 17:31]

Sammála þeim hér að ofan, það sem vellur uppúr þér kona   Hvernig værirðu ef þú kæmir þessu ekki frá þér hér á blogginu ?

Afhverju er ég alltaf gripinn á wc þegar síminn hringir, lendir enginn í því nema ég ?

Og svo notar enginn matreiðslubækur !!!!  Bíddu en öll salan í þessháttar  bókum, Gestgjafanum ofl. ritum ?  

[Jónína Dúadóttir, 8.7.2008 kl. 19:04]

Þú ert standup númer 1 í bloggheimum

[Birna Dis Vilbertsdóttir (IP-tala skráð) 8.7.2008 kl. 19:12]

 snillingur

[Helga skjol, 8.7.2008 kl. 19:27]

Snilld

[Helga Magnúsdóttir, 8.7.2008 kl. 20:46]

Þetta fólk er örugglega með marga lista með svörum sem það getur gripið til ef vera kynni að einhver fjölmiðillinn hringdi.

[Hrafnhildur Ýr Vilbertsdóttir, 8.7.2008 kl. 21:12]

ÆI hvað ég er glöð með þessa færslu, hélt einmitt að ég væri svo hrikalega hversdagsleg...en nú hafa augu mín opnast....

nei svona í alvöru þá hafa svör viðmælanda verið með ólíkindum 

[alva (IP-tala skráð) 8.7.2008 kl. 21:55]

Þú ert baaaaaaaaaaaaaaaaaaaaaaaaaaaaara flottust kona!!

Ég er svona plebbi, með gamalt hart slátur í ískápnum, sem endar örugglega sem hunda og kattamatur á morgun  og einmitt steiktan fisk sem var í kvöldmatinn áðan  Enginn orðabókarréttur í mínum venjulega ísskáp...hahaha

Það væri frábært ef einhver þáttastjórnandi hringdi í einhvern voðalega frægan einstakling og viðkomandi segði að hann hafi verið að lesa blogg 

[Jóna Á. Gísladóttir, 8.7.2008 kl. 21:57]

Ég var einmitt að velta því fyrir mér hvað ég væri boring. Kynni ekki að njóta lífsins og sonna. Þú bjargaðir mér frá þessum sorglegu pælingum. Auðvitað er þetta bara feik fyrirmyndir í fjölmiðlum sem láta mér líða svona. Hún venjulega ég er bara... venjuleg. buhu

[Jenný Anna Baldursdóttir, 8.7.2008 kl. 23:40]

Jóna: Darling þú ert ýmislegt en ALDREI boring.

AKÆ: Það myndi enginn viðurkenna að liggja á blogginu.  OMG.

Krumma: Þau eru með ólíkindum þessi tilgerðarlegu svör.

Hallgerður: Segðu, tjáðu.  Ég dey.

[Jenný Anna Baldursdóttir, 8.7.2008 kl. 23:42]

Guðrún og M: Bókin á leiðinni, einhverntímann. Haha.

Kolbrún: 100% heiðarleg þá er ég að lesa Laxveiðar í Jemen.  Og Stríð og frið auðvitað ásamt íslenska lagasafninu.  Jeræt.

Jóhanna: Takk honní.

Takk öll fyrir innlegg.

[Jens Guð, 9.7.2008 kl. 01:31]

  Þetta rifjar upp fyrir mér þegar fyrir mörgum árum Gallup hringdi í þáverandi mág minn á Sauðárkróki.  Hann var nýkominn af sjónum,  blindfullur að vanda,  og í góðu galsastuði.  Laug sem mest hann mátti í svörum við öllum spurningum.  Þær gengu út á jólaundirbúning.

  Meðal annars var hann spurður að því hvað margar smákökutegundir væru bakaðar á hans heimili fyrir jólin.  Hann sagði þær vera 18.  Sem var lýgi.  Það voru engar smákökur bakaðar á því heimili heldur voru smákökur keyptar í Kaupfélaginu.

  Nokkrum dögum síðar sendi Gallup frá sér fréttatilkynningu þar sem fyrirsögnin var: "Allt upp í 18 smákökutegundir bakaðar fyrir jólin".  ÖLL dagblöðin og margar útvarpsstöðvar slógu þessu upp í fyrirsögn/inngangi fréttar af jólaundirbúningi. 

[Þórleifur Ásgeirsson (IP-tala skráð) 10.7.2008 kl. 19:48]

Einu sinni hringdi Gallup í mig og ég útskýrði fyrir þeim að símaaðstoð kostaði kr 2800 + 130 kr á mínútuna, samkvæmt taxta Kerfisþjónustu Suðurnesja

Skellt á og ekki heyrt í þeim síðan, en þeir fengu reikning, og greiddu hann. Þeir meiga hringja svo oft sem þeir vilja, ég á nóga reikninga

Kveðja

Leifur Ugluspegill

Og auk þess legg ég til að Starlight (meistaraverk) og Jónas og Einar (FRÁBÆR PLATA) endurútgefnar. ( Big Fan (194 cm))