Ég treysti hvorki Birni né Hauki - skrýtið

Ég hef áhyggjur af konunni hans Paul Ramses og litla barninu.

Miðað við aldur, reynslu og fyrri störf dómsmálaráðherrans og fylgisveina hans hjá Útlendingastofnun kæmi mér ekki á óvart að þau yrðu brottnuminn á sama hátt og fjölskyldufaðirinn, í skjóli nætur.

Og þegar fólk er komið úr landi er hægara sagt en gert að fá það tilbaka hingað.

Utanríkisráðherrann er víst að beita sér eitthvað í máli Pauls í gegnum sendiráðið okkar á Ítalíu með það sem markmið að það sé komið almennilega fram við hann.

Gott og vel ef rétt reynist.  En það er reyndar ekki það sem almenningur er að fara fram á.  Við erum að fara fram á að Paul verði kallaður heim og mál hans tekið fyrir hér eins og siðaðri þjóð sæmir. 

Krafan er einfaldlega sú að við högum okkur eins og fólk en ekki svínabest í þessu máli og þeim málum sem eru fyrirliggjandi svona yfirleitt, hvað varðar flóttamenn.

Ég er á því að það þurfi að fylgjast vel með yfirvöldum hvað varðar hana Rosemary svo við vöknum ekki upp við það einn morguninn (núna í vikunni) við að hún hafi verið flutt í fjötrum á næstu löggustöð og þaðan fylgt úr landi í lögreglufylgd með barnið.

Ég treysti þessum náungum ekki fyrir horn.

Undirskriftalistinn.

Óvissuástand hjá Paul Ramses

Athugasemdir

[Jóna (IP-tala skráð) 7.7.2008 kl. 12:55]

Mikið vona að ég að þetta mál fari að leysast.

Mætti ég líka benda á að mótmælin fyrir utan dómsmálaráuðuneytið halda áfram klukkan 12 á hádegi næstu daga, því fleiri sem mæta því meira athygli fær þetta mál!

[Guðríður Hrefna Haraldsdóttir, 7.7.2008 kl. 12:58]

Takk fyrir að halda þessu máli við. Ekki veitir af, við erum allt of fljót að gleyma, bara við næstu stórfrétt, og á það er treyst!

[Elísabet Sigurðardóttir, 7.7.2008 kl. 13:01]

Já það er eins gott að fylgjast með, þeir héldu virkilega að þeir kæmust upp með flutninginn hans Pauls, án umfjöllunar.  Þetta sýnir bara hversu óhæft fólk er að sjá um þessi mál fyrir okkur, þeim er alls ekki treystandi.

[Kristín Katla Árnadóttir, 7.7.2008 kl. 13:07]

Ég teysti þeim ekki heldur, en ég vona að Paul Ramses komi aftur og ég vil ekki trúa því að það verði ekki gert neitt í máli hans. Ég vorkenni konu hans og barni, og ég vona svo innlega konu og barni verði ekki vísað úr landi .

[Fríða Eyland, 7.7.2008 kl. 13:13]

Eina vitið er að koma konunni og barninu í felur. Annars er ríkistjórnin við það að springa Ingibjörg S. G hefur nýtt ráðherrakrafta sína, hún sendi orðsendingu til ítalanna til að tryggja Paul Ramses réttláta  málsmeðferð, Mörður Á. gagnrýndi á fundinum áðan Björn og félaga, jams þetta er allt að koma...

[María Guðmundsdóttir, 7.7.2008 kl. 13:21]

engin furda ad fólk treysti ekki thessu lidi..ekki traustsins vert bara. Enda er manni hætt ad bregda vid nokkurn hlut sem frá theim kemur. En vonandi fá thau øll réttláta málsmedferd, sem audvitad hefdi átt ad vera HÉRNA  en ekki á ítalíu. En flott hjá thér ad halda øllum vid efnid Jenný.

Hafdu gódan dag.

[Jóhanna Magnúsar- og Völudóttir , 7.7.2008 kl. 13:31]

 ...treystemekkiheldur!

[Eyrún Gísladóttir, 7.7.2008 kl. 13:57]

Ég finn svo til með þessari konu er ein eftir í algeri óvissu bara hræðilegt og bara hvað eru þessir menn að hugsa (sennilega ekki neitt held að það sé einhvað tómlegt milli eyrnana á þeim)

[Ásthildur Cesil Þórðardóttir, 7.7.2008 kl. 14:19]

Ég á ekki orð yfir þessu andskotans útlendingahatri útlendingastofu og dómsmálaráðherrans.  Maður skammast sín ofan í tær fyrir hvernig á þessum málum er haldið. Og þá er ég ekki bara að tala um Paul  Ramses, heldur alla hina sem bíða, og ekkert gerist hjá, svo og nokkur önnur dæmi sem ég þekki á eigin skinni.  Hvað getum við gert, til að breyta þessu ?

[Guðmundur Auðunsson, 7.7.2008 kl. 14:20]

Afsakanir Útlendingastofnunar eru auðvitað dæmigert búrókratískt kjaftæði. Eins og þegar bent er á að stofnunin hafi verið í bréfaskiptum við Paul Ramses. Engin neitar því. Það sem var bent á var að lögreglan reif hann úr faðmi fjölskyldunnar og leifði honum ekki að tala við lögfræðing sinn. Allt annað er bara almennt þvaður.

Nokkrar staðreyndir eru óumdeildar. Paul flúði land, var með tengsl á Íslandi þar sem hann hafði áður verið hér sem skiptinemi. Hann komst ekki beint til Íslands, heldur varð að millilenda á Ítalíu og samkvæmt reglum Schengen að sækja um vegabréfsáritun þar. Paul er með engin tengsl við Ítalíu og því miklu ólíklegra að hann fái hæli þar. Lögreglan flutti Pau Ramses óviljugan úr landi, þrátt fyrir að þeim væri fullkunnugt um að Paul væri nýbakaður faðir og hefði sótt um hæli á Íslandi, ekki Ítalíu. Þeir sem taka þá ákvörðun að rífa Paul frá nýfæddu barni sínu og senda út í óvissuna bera fulla ábyrgð á því. Þeir vissu hvað þeir voru að gera. Samkvæmt lögum og reglugerðum var þeim fullkomlega heimilt að taka fyrir beiðni hans um pólitískt hæli (eins og Paul Nikolov bendir á) en ákveða að gera það ekki. Slík framkoma er auðvirðileg, skiptir engu máli hversu margar reglugerðir viðkomandi möppudýr og ráðherrar reyna að skilja sig bak við. Ég endurtek yfirlýsingu mína að ég mun berjast gegn því að Ísland nái kjöri í Öryggisráð SÞ verði þessi ósköp ekki leiðrétt af stórvöldum. Ríki sem kemur svona fram við fólk sem hefur búið hér í vel yfir ár samtals og rífur nýbakaðan föður frá ungabarni sínu á ekkert heima í Öryggisráði SÞ. Það er ekki nóg að utanríkisráðherra hringi til Ítalíu biðji Berslusconi klíkuna (ríkisstjórn Ítalíu er full af rasistum ef menn þekkja það ekki) um "réttláta málsmeðfer". Slíkt er einfaldlega billegt. Krafan er að nýfæddur sonur Paul Ramses fái að sjá föður sinn á ný þegar í stað og hann fái að koma heim til Íslands. Ég endurtek, Paul er með engin tengsl við Ítalíu, en hann er með tengsl á Íslandi, miklu meiri tengsl en gyðingahatarinn Robert Fisher sem við gáfum ríkisfang á silfurfati.

[Þröstur Unnar, 7.7.2008 kl. 15:31]

Æi, tala við þig seinna.

[Ásdís Sigurðardóttir, 7.7.2008 kl. 15:35]

Áfram með mótmælin, þú stendur þig vel.

[Laufey Ólafsdóttir, 7.7.2008 kl. 16:05]

Ég legg til að við tjöldum í garðinum hjá Rosemary og vöktum húsið. Ég hef á tilfinningunni að það eigi að þagga þetta niður með meira óréttlæti eins og svo oft áður.

Mér líst ekkert á þessar fréttir frá Ítalíu. Eins og þú segir er þetta ekki það sem beðið var um. Við viljum að manninum sé skilað!

Horfði ég í gegnum þig á mótmælunum á föstudaginn? Ég sá ykkur í sjónvarpsumfjölluninni og þið hafið staðið svotil við hliðina á mér... Viltu pikka í öxlina á mér næst  ég get verið svo blind! Mæti galvösk á morgun!

[Jenný Anna Baldursdóttir, 7.7.2008 kl. 16:06]

Takk öll fyrir innlegg.  Guðmundur Auðunsson þitt er einstaklega fróðlegt og takk fyrir það.

Þröstur: Reyndu að hemja hjartagæskuna og þú þarft ekkert að tala við mig seinna.