Unaðslegur skilnaður

 

Það er varla að ég þori að blogga um þetta frábæra framtak Dana í skilnaðarmálum.

En það er vegna þess að sumir sem lesa bloggið mitt hafa ekki húmor fyrir viðhorfum mínum til allra minna fyrri hjónabanda og skilja ekki að ég er að grínast með málefnið. Skil ekki afhverju sumir vaða stöðugt inn á síður sem fara í taugarnar á þeim. 

En auðvitað þori ég, bara smá fokk hérna í morgunsárið fyrir alla þessa húmorslausu sem vaða í gegnum lífið eins og hertir handavinnupokar og skilja eftir sporin sín í athugasemdakerfum heimsins. 

Mér finnst þetta svo krúttlegt framtak hjá þeim í Danmörku, þ.e. að nú er hægt að fá kirkjulega afvígslu eða skilnaðarathöfn.

Ég sé alveg fyrir mér hjónin ganga eftir kirkjugólfin með erfingjana í einni sorgarbunu á eftir sér, ganga upp að altarinu, skiptast á hringum, eða réttara sagt skila þeim, kýla eða sparka hvor í annað, en auðvitað bara laust, svona sýmbólskt, og vaða svo frjáls út úr kirkjunni með börnin.

Svo má taka þetta aðeins lengra.  Það má efna til veislu þar sem uppboð verður haldið á brúðargjöfunum, borðað og drukkið, farið á trúnó, grátið smá og svo fara allir til síns heima voða glaðir.

Það gæti jafnvel endað með sögulegum sættum hjá pari dagsins, hver veit.

Um að gera að poppa svolítið upp skilnaði.  Nú mér hefur alltaf fundist jarðarfarir í daufari kantinum, Danirnir ríða kannski á vaðið og djassa þær örlítið til líka.

Eftir mína skilnaði þá hef ég nú yfirleitt farið á kaffihús, sko með vinkonum, nú eða næsta tilvonandi eiginmanni

Dem, það væri hægt að slá skilnaðar- og giftingarathöfn saman í eitt.

Og nú set ég upp hauspoka.

Farin með veggjum og úje.

Athugasemdir

[Bryndís Júlíusdóttir (IP-tala skráð) 30.6.2008 kl. 10:25]

Takk fyrir geggjaðan húmor.  Þú ert æðisleg.

[Gísli Baldvinsson (IP-tala skráð) 30.6.2008 kl. 10:27]

Ég skil, sagði maðurinn og fór til prestsins. (þýðing á : I see said the blind man)

[Helga Magnúsdóttir, 30.6.2008 kl. 11:23]

Þetta er flott hjá Dönunum. Ég hef aldrei getað skilið hvers vegna ég, sem giftist hjá borgardómara, þurfti að fá plagg hjá presti til að losna úr mínu borgaralega hjónabandi. Mér finnst því að þessu megi fylgja að prestinum sé sleppt í skilnaðarferlinu.

[Hulla Dan, 30.6.2008 kl. 11:31]

Þú ert dásemd

[María Guðmundsdóttir, 30.6.2008 kl. 11:42]

 frábær hugmynd. Skilnadarveisla...hahaha..og svo kýlum vid og spørkum adeins i hvort annad..hahaha thú ert geggjud og thad á gódan máta...i like it

[Lindan, 30.6.2008 kl. 11:52]

Bwahaha ótrúlega fyndin.

Ég man eftir skemmtiþætti sem sýndur var nítjánhundruð áttatíuogeitthvað...  Laddi lék fullan prest sem var að gifta og áður en þau gengu út úr kirkjunni bauð hann þeim að borga strax inn á skilnaðinn og fá þá 10 % afsl.  Algjör snilld.

[Eyrún Gísladóttir, 30.6.2008 kl. 12:01]

Það er nú bara gott mál að hafa húmor fyrir sjálfum sér og hvað með það þó maður skilji nokkrum sinnum yfir ævina bara að maður sé happy í núinu vera ekki að súta fortíðina fjölbreytileikin alltaf góður hehe.

[Jenný Anna Baldursdóttir, 30.6.2008 kl. 12:58]

Þakka ykkur.  Hahaha, er í kasti hérna.

Pælið í hugmyndaaugðginni.  Skilnaðarathöfn verður haldin í Laugarneskirkju sunnudaginn 12.4.2008.  Við bjóðum vinum og fjöslkyldu að gleðjast með okkur af tilefninu.  Gjafalistar fyrirliggjandi í sóandsó.

Lalalala

[Marta B Helgadóttir, 30.6.2008 kl. 22:28]