Eltisvín og sumarstarfsmenn með sólsting

Hvað er að gerast í kollektívum þankagangi á Mogganum í dag?

Ég vona að það sé fremur sólstingur en inntaka kemískra efna.

Sumarstarfsmennirnir eru ekki með heilli há á þessum mánudegi.  Logi sem logar í Rússlandi til minningar um fallna hermenn heitir í dag "eldsvoði". Og nú er vegið að saklausri konu í USA.

Konan Anniston fer til Englands að hitta kæróann og Mogginn segir að hún sé að ELTA manninn.

Ef húsband fer á undan mér út í bíl þegar við ætlum eitthvað saman og ég kem í kjölfarið þá mun ég samkvæmt þessu vera að ELTA hann.

Ég get ekki lifað með því.  Ég elti ekki karlmenn og allra síst þá fjölmörgu sem ég hef gengið upp að altarinu með.  Þeir gætu farið að halda að ég væri heit fyrir þeim.  Má bara ekki gerast.  Friggings dísaster, hreint út sagt.

En hún Greta systir mín elti mig svo sannarlega hérna í denn.  Hún var svo kallað eltisvín krakkinn.  Hún er tveimur árum yngri en ég og hún hafði gefið dauðann og djöfulinn í að hleypa mér ekki spönn frá rassi nema að koma með.  Og ef ég var á leiðinni eitthvað með vinkonunum þá kom hún eins og þruma úr heiðskíru og sagði einbeitt á svip (og tóninn gaf fyrirheit um að það þýddi ekki einu sinni að reyna að múta henni): "Ég ætla að elta".

Það fór ekkert á milli mála hvað það þýddi.

Reyndar átti þessi sama Greta eftir að læsa sígaretturnar mínar inni í bíl uppi í Heiðmörk þegar ég var úlli.  Hún læsti líka lyklana inni í bílnum í leiðinni. þannig að systir hans pabba varð að fara á puttanum í bæinn til að ná í aukasett.

Sú saga átti eftir að verða blóðug og dramatísk og gera það að verkum að ég hef verið í stöðugum meðferðum hjá sálfræðingum síðan.  En sú históría kemur seinna, með æviminningunum sko.

Það sem systur manns gera ekki til að halda manni réttu megin við hegðunarstrikið.

Ó ég elska þig mín kæra sys.

Úje

Aniston eltir kærastann

Athugasemdir

[Aðalheiður Ámundadóttir, 23.6.2008 kl. 18:04]

Já nákvæmlega... fyrir utan allar málvillur eins og þessa þarna í nærbuxnaslys fréttinni:

"Kona sem slasaðist á auga við að fara í nærbuxur sínar hefur kært nærbuxnaframleiðandann, Victorias Secret fyrir að hafa valdið henni gríðarlegs sársauka."

Þá er talað um rollur og beljur eins og ekkert sé sjálfsagðara. Hvað verður það næst... Gömul kelling lenti fyrir bíl og drapst. 

[María Guðmundsdóttir, 23.6.2008 kl. 18:33]

 mjøg ósmekkleg fyrirsøgn, eltir kærastann eins og hún sé bara einhver grúppía...einhver mánudagur i mogganum.....

eigdu gott kvøld. 

[Ía Jóhannsdóttir, 23.6.2008 kl. 18:58]

Þeir eru búnir að leiðrétta þetta með ELDSVOÐANN   Viss um að þú hefur rétt fyrir þér með sólstinginn. 

Kveðja inn í bjarta sumarnóttina héðan úr svækjuhita

[Helga Magnúsdóttir, 23.6.2008 kl. 19:20]

Skil Gretu sko vel, á þrjár eldri systur sem ég er eiginlega bara alveg nýhætt að elta.

[Edda Agnarsdóttir, 23.6.2008 kl. 19:47]

[Linda Linnet Hilmarsdóttir, 23.6.2008 kl. 20:34]

Knús og bestu kveðjur

[M, 23.6.2008 kl. 21:11]

Systir mín hlýtur að hafa hlaupið hraðar en ég. Stakk mig alltaf af

[Himmalingur, 23.6.2008 kl. 21:45]

Þannig að það er staðfest með þessu að ég hef síðustu 15 ár lagt konuna mína í EINELTI!

[Anna Guðný , 23.6.2008 kl. 22:09]

Átti aldrei systur, hvernig virkar það þá?

[Huld S. Ringsted, 23.6.2008 kl. 22:44]

[S. Lúther Gestsson, 23.6.2008 kl. 22:46]

Ég ætla að reyna að ganga í augun á þér og kvitta eins og allar stelpurnar á blogginu þessa dagana.

Risa,hjartaknús til þín,, knúss,knúss. Stubbaknús og innlitskveðjur.

Hvernig var þetta? 

[Anna Ólafsdóttir Björnsson, 23.6.2008 kl. 22:46]

Minnir bara á að nota tungumálið skynsamlega.

[Jenný Anna Baldursdóttir, 23.6.2008 kl. 23:11]

Anna: Jabb, rétt hjá þér.

Lúther: Ertu lasinn eða bara almennt pirraður?  Róa sig.

Anna Guðný: Þá eltirðu mömmu þína bara.

[Jenný Anna Baldursdóttir, 23.6.2008 kl. 23:13]

Himmi: Skammastín.

Helga: Djöfuls pein hefur þú verið krakki.

Ía: Gott, þetta var fádæma hallærislegt.

Aðalheiður: Ég er í kasti.

[S. Lúther Gestsson, 23.6.2008 kl. 23:18]

Sorrý yngsti drengurinn með lungnabólgu og ég búinn að vera heima á 3 sólarhring með hann.

sosúme. 

[Jenný Anna Baldursdóttir, 23.6.2008 kl. 23:23]

Lúther: Batakveðjur til barnsins.

[Sigrún Jónsdóttir, 24.6.2008 kl. 00:04]

Þeir elta bara ísbirni í Skagafirðinum.  Einhvertíma var sútunarverksmiðja á Sauðárkrók, ef hún er þar enn geta þeir "elt" skinnið af dýrinu.

[Sólveig Þóra Jónsdóttir, 24.6.2008 kl. 01:31]

Hvernig líður þér að hafa alltaf þennan Já kór í kringum þig. Langar þig ekki að fá alvöru komment? Nei sjálfsagt ekki þú ert  búin að loka á alla sem hafa rökrætt við þig. Held samt að þú hefðir bara gott af því að rökræða við fólk annað slagið.                     

[Lára Hanna Einarsdóttir, 24.6.2008 kl. 02:02]

Hvað er að vera "úlli"? 

[Jenný Anna Baldursdóttir, 24.6.2008 kl. 07:28]

Lára Hanna: Unglingur. 

Sólveig Þóra: Á hverja hef ég lokað.  Og lestu svo kommentin við færslunar og sjáðu að ég fæ kaldari kveðjur en margur annar.

Og svo á maður ekki að rífa kjaft á nóttunni.  Það er aldrei sniðugt.

[Tína, 24.6.2008 kl. 07:33]

Ég hlakka bara til að lesa æviminningar þínar!

Knús í daginn til þín mín kæra