Dansandi fram á rauða morgun

Mogginn er að velta því fyrir sér hvort gamla fólkið borði sushi, fari í vax og hlusti á Sálina eftir nokkra áratugi.

Hm...

Eftir nokkra áratugi ætla ég að vonast eftir því að það verði engin elliheimili og engin örvasa gamalmenni til.

Ég ætla að vona að lífsgæðin aukist svo mikið á þessum tíma að fólk lifi með reisn á eigin heimili, á eigin vegum og sé sjálft sér ráðandi.  A.m.k. að miklum meirihluta.

Ég veit ekkert ömurlegra en það viðhorf sem nú ríkir til eldri fólks.

Það er komið fram við það eins og börn.

Það er gengið út frá því að allir sem komnir eru á löglegan eldriborgaraaldur hafi sama matarsmekk, tónlistarsmekk og skemmtanasmekk.  Engin frávik.  Sjómaður dáðadrengur á línuna.

Svo sér maður reglulega hvernig gamla fólkið er látið taka þátt í uppákomum eins og kvennahalupinu um daginn, í hjólastól.  Voða gaman.

Ég held að ég gangi í sjóinn frekar en að verða agúuð og gússígússíuð af fólki á launum og að það verði gert ráð fyrir að ég sé sammála síðasta ræðumanni um alla hluti að ég sé hluti af hópsál sem búin hefur verið til í öldrunarlækningum 101.

Hornkerling skal ég aldrei verða.

Ég ætla að verða geðveikur töffari í leðurátfitti, rífandi kjaft og dansandi fram á rauða morgun.

Sushi hvað?

Húðflúr, sushi og bikinivax

Athugasemdir

[Dísa Dóra, 21.6.2008 kl. 19:59]

Ég segi nú alltaf að þegar ég verð ellikerling verði gósentíð því þá verði viagra til í spreyformi.  Því mun ég geta farið í hjólastólarallý og sreyjað viagra á flottu karlana

[Kristín Katla Árnadóttir, 21.6.2008 kl. 20:23]

Hornkerling skal ég aldrei vera og ég er svo sammála þér í þessum pistli þínum.

Knús

[Jóna Á. Gísladóttir, 21.6.2008 kl. 20:34]

þetta er skemmtileg pæling samt. En auðvitað væri draumurinn eins og þú lýsir honum. knús frá enska landinu.

[Aðalheiður (IP-tala skráð) 21.6.2008 kl. 20:34]

Jamm!

http://bjorgvin.eyjan.is/

[Tína, 21.6.2008 kl. 20:57]

Sammála þér að illa er farið með gamla fólkið, en verst finnst mér þegar hjón eru aðskilin gegn þeirra vilja. Það eru sem betur fer mörg gamalmenni sem eru ánægð og líður vel á þessum elliheimilum, en betur má ef duga skal.

Annars knús á þig Jenný mín.

[Himmalingur, 21.6.2008 kl. 23:19]

Sem sagt ekkert skárri en þú ert í dag elsku Jenný mín!

[S. Lúther Gestsson, 22.6.2008 kl. 00:29]

Jenný...Það er HORKERLING ekki hornkerling, kannski það breyti afstöðu þinni eitthvað.

Einhvernvegin sé ég það ekki fyrir mér að 16 ára stúlka komi að borðinu þínu og bjóði þér stappaða banana í kvöldmat. Vona að það gerist allavega ekki, stúlkunnar vegna. 

[Aðalheiður Ámundadóttir, 22.6.2008 kl. 03:24]

Æ ég er svo hrikalega 'gamaldags' að ég held ég ætti að fara á elliheimili núna frekar en eftir 50 ár þegar ég verð fullorðin.  Siginn fiskur og rúllur í hárið takk!

[Ía Jóhannsdóttir, 22.6.2008 kl. 07:32]

Góðan og blessaðan daginn Jenný mín.

Já vonandi verðum við öll svo kát og hress að við getum haft það eins og hentar best.  En engin veit sína ævi fyrr en öll er......

[Jónína Dúadóttir, 22.6.2008 kl. 08:56]

Góðan daginn, mér líst vel á þessa framtíðarsýn hjá þér

[Sigrún Sighvatsdóttir (IP-tala skráð) 22.6.2008 kl. 10:04]

Enginn fer að gamni sínu og heill heilsu inn á elli-/hjúkrunarheimili.  Fólk sem dvelur á slíkum heimilum í dag er ófært að sjá um sig sjálft hvað svo sem líður stolti og reisn. 

[Birna Dis Vilbertsdóttir (IP-tala skráð) 22.6.2008 kl. 10:06]

Ég er svo sammála þér.Við "gamla settið"verðum á motorhjóli (með eða á mótors).Ég ætla að hafa það skemmtilegt þegar ég kem á "aldur".Koma svo í tónlistarveislu í Hafnarfirði

[Björgvin Valur (IP-tala skráð) 22.6.2008 kl. 11:42]

Já já.  Þið skuluð bara halda þessari hugsjón til streitu eins lengi og ykkur endist líkamleg og andleg heilsa til.  Ég bara vona ykkar vegna að draumur ykkar rætist og þið veslist ekki upp sem einmana sál sem ekki fær inni á stofnun.

Og finnist ekki fyrr en nágrannar kvarta vegna nályktarinnar sem berst um stigaganginn.

[Jenný Anna Baldursdóttir, 22.6.2008 kl. 11:52]

Björgvin Valur: Rólegur, það er ekki verið að ræða um veikt fólk.  Með auknum lífsgæðum hefur fólk betri heilsu.  Það er bara gleðilegt.

Sigrún: Auðvitað fer enginn á stofnanir að gamni sínu.  Ég er að tala um fólk sem er við góða heilsu og það á ekki að enda á stofnunum.  Amik. kæri ég mig ekki um svoleiðis örlög.

Lúther: HORNKERLING er það sem ég er að tala um.

Takk öll fyrir innlegg.