Má ekki brosa? Ha?

Ég hef rosalega gaman af Mike Mayers.  Hann er frábær gamanleikari.

Og þá er það frá.

Hindúar í Bandaríkjunum hafa efnt til mótmæla  vegna nýjustu myndarinnar hans "Love Guru" sem þeir segja að muni særa trúartilfinningar milljóna hindúa um allan heim.

Ég er eiginlega komin með upp í kok af húmorsleysi trúaðra manna (kvenna).

Kristnir, múslímar, hindúar og allur pakkinn verður að fara að geta hlegið svolítið að sjálfum sér og guði.

Þeir eru allir orðnir eins og hertir handavinnupokar..

Það má ekki æmta né skræmta, grínast eða hlægja nálægt biblíum og bænahúsum heimsins áður en væluskjóðurnar fara á kreik.  Ég er særður, ég er reiður, mér er misboðið, ég drep þig, lem þig og dæmi þig til eilífarar helvítisvistar. Kommon.

Ef guð hefur skapað manninn í sinni mynd, þá á það væntanlega líka við um geðslagið í okkur.  Allan tilfinningaskalann.

Ég hef ekki nokkra trú á að Gussi sé að fara á límingunum yfir smá fíflagangi.

Ég held að honum finnist það meira að segja hipp og kúl.

Akkúrat núna er ég m.a. að hugsa um ákveðinn Moggabloggara, strangtrúaðan, sem var fastur í óbyggðum þegar guð útdeildi húmornum.

Djöfuls leiðindi.

Farin aftur að lúlla, er með sléttan 38, 780730 í hita.

Úje.

Hindúar mótmæla Hollywoodmynd

Athugasemdir

[Himmalingur, 18.6.2008 kl. 16:22]

Spurning hvort þetta fólk muni ekki bara deyja úr leiðindum? Málið leyst!!!!

[Sigrún Jónsdóttir, 18.6.2008 kl. 16:37]

Þú ert óborganleg Jenný.  Hvernig var þinn handavinnupoki á litinn?

Minn var hvítur með rauðum köflun, svona næstum því eins og spari/hálsslæðan hans Dr. Sveins Rúnars.

[Jenný Anna Baldursdóttir, 18.6.2008 kl. 16:39]

Sigrún: Þekkirðu Svenna, það gerum við hér.  Já hann var rauðköflóttur með litlum rúðum og úr sama efni var svuntan í 12 ára bekk.  Hehe.

[Jenný Anna Baldursdóttir, 18.6.2008 kl. 16:39]

Himmi: Ég vil ekki óska neinum svo ills að deyja úr leiðindum.

Fólk á að læra að brosa.

[Sigrún Jónsdóttir, 18.6.2008 kl. 16:49]

Já, aðeins.  Hjúkraði mömmu hans um langt skeið

[Himmalingur, 18.6.2008 kl. 17:00]

En ef fólkið óskar sér það sjálft? Ekki ferðu að neyða húmor í húmorslausa. Það væri nú meiri húmorinn!

[Steingrímur Helgason, 18.6.2008 kl. 17:05]

Ég hef víst húmör, þó ég búi þar sem þú kallar óbyggð!

*hendíjennýjónsbók*

[Jenný Anna Baldursdóttir, 18.6.2008 kl. 17:08]

Steingrímur: Var ekki að tala um þig.  Nananabúbú.  Fyrsti stafurinn er að mig minnir Jónvalur.

Hilmar: Jú, við neyðum það í liðið með ofbeldi ef ekki vill betur.

[Jóhanna Magnúsar- og Völudóttir , 18.6.2008 kl. 17:16]

Híndúúúú, búúúhúú ..  ...  Hertur handavinnupoki!  - brilljant samsetning -  ég þarf að stela þessu einhverntímann!!!

[Jenný Anna Baldursdóttir, 18.6.2008 kl. 17:19]

Jóhanna: Hann er gamall þessi með handavinnupokann.  7tíuogeitthvað byrjaði systir mín á að lýsa fólki svona.  Jájá.  Ég hef heyrt þetta reglulega úr öllum áttum síðan.

Vessogúdd use it.

[Edda Agnarsdóttir, 18.6.2008 kl. 17:38]

Tók líka eftir þessu með handavinnupokann sem ég hef aldrei klárað!

[Helga Magnúsdóttir, 18.6.2008 kl. 17:55]

Handavinnupokarnir voru ekki við lýði þegar ég var í skóla. Systur mínar áttu svona poka og svuntur. Hertur handavinnupoki er alveg brilljant lýsing á fúlu fólki.

[Kristín Katla Árnadóttir, 18.6.2008 kl. 20:05]

Ég klárað minn ekki heldur.

[M, 18.6.2008 kl. 20:17]

Á einmitt einn svona rauðköflóttan þar sem ég saumaði fallega skútu framan á hann. Valdi auðveldustu myndina + upphafsstafina mína MP :-)

Voandi fer hitinn að lækka fjótlega.

[Birna Dis Vilbertsdóttir (IP-tala skráð) 18.6.2008 kl. 20:55]

Góðan bata.Flott myndband

[Jenný Anna Baldursdóttir, 18.6.2008 kl. 21:16]

M: Arg, ég man eftir skútumyndina.

Mínir JAB voru þarna, bæði á svuntu og poka.

Takk öll fyrir skemmtilegar athugasemdir.

[Hildigunnur Rúnarsdóttir, 18.6.2008 kl. 22:37]

Ég held bara að heimurinn yrði svo miklu betri ef ekki væri fyrir trúarbrögð :(

[Valsól (IP-tala skráð) 19.6.2008 kl. 13:09]

Já heimurinn yrði svo sannarlega betri ef ekki væru öll þessi trúarbrögð. Svo finnst mér að trúarbrögð eigi ekki að vera hafin yfir gagnrýni eða grín frekar en stjórnmálaskoðanir eða eitthvað annað. Við eigum ekki að kokgleypa alla vitleysu sem haldið er að okkur og alls ekki að sætta okkur við að börnunum okkar sé kennt hvaða della sem er. Við vitum það öll að trú hefur verið troðið upp í kokið á okkur sérstaklega á meðan við vorum börn. Þetta er gert í þeim tilgangi að viðhalda velvilja til kirkjunnar inn í framtíðina því gríðarlegir hagsmunir eru í húfi. 140 prestar skipta á milli sín 77 miljónum í hverjum mánuði allt árið, fyrir utan það að taka svo sér fyrir allar athafnir sem þeir framkvæma. Já trú og trúarbrögð eiga ekki að vera yfir gagnrýni hafin. Ég sem trúlaus manneskja krefst þess að trúaðir snúi ekki út úr orðum eða athöfnum trúlausra eins og prestur nokkur úr Hafnafirði gerði í blaðagrein fyrir skömmu, þar sem hann sagði að trúlausir væri að gera aðsúg að trúuðum og að sunnudagaskólabörn væru mögulegur hópur sem trúlausir myndu ráðast að. Hann er sem sagt að gera því skóna að trúlausir séu svo vont fólk að það svífist einskis og sé tilbúið að ráðast á börn til að þjóna tilgangi sínum. Þetta er ógeðfeldur málflutningur. Þetta sagði guðsmaðurinn í kjölfar þess að einstaklingur klæddist svarthöfðabúning við hátíðlega athöfn presta íslensku þjóðkirkjunnar. Þetta er svipað og þegar biskup kom því inn hjá foreldrum grunnskólabarna að trúlausir vildu banna litlu jólin sem er auðvitað fjarstæða. Vona að þetta litla innlegg fái að fylgja hérna með í þessari umræðu um umburðarlyndi trúarbragða gagnvart gríni og þá ekki síður gagnrýni.