Ég heyri hringla í handjárnunum....

 

Fólk bloggar um allt milli himins og jarðar.  En það vissuð þið.  Ég reyndi bara að skrifa eitthvað annað en stebbíska byrjun.  Ég hefð getað sagt; "athygli hefur vakið" að sífellt fleiri bloggarar eru handteknir fyrir að birta skoðanir sínar á blogginu.

En ég byrja ekki svoleiðis vegna þess að ég hef ekki grænan grun um hvort það hafi vakið einhverja athygli nema hjá mér núna.

Og í beinu framhaldi af þessu þá heyri ég þrusk úti í garði.

Það hringlar í einhverju.....

Ég held að það séu handjárnin.

Ðeiarkomingtúteikmíavei.

En í alvöru, hvaða íslenskur bloggari yrði líklegastur til að vera settur í járn?

Einhver?

Æ fleiri bloggarar handteknir

Athugasemdir

[S. Lúther Gestsson, 17.6.2008 kl. 00:58]

	Áslaug Ósk Hinriksdóttir	aslaugosk.blog.is
2.	Jenný Anna Baldursdóttir	jenfo.blog.is
3.	Jóna Á. Gísladóttir	jonaa.blog.is
4.	Ásdís Rán Gunnarsdóttir	asdisran.blog.is
5.	Stefán Friðrik Stefánsson	stebbifr.blog.is
6.	Jens Guð	jensgud.blog.is
7.	Þrymur Sveinsson.	thrymursveinsson.blog.is
8.	Púkinn	frisk.blog.is
9.	Friðrik Þór Guðmundsson	lillo.blog.is
10.	Ómar Ragnarsson	omarragnarsson.blog.is

[Kolgrima, 17.6.2008 kl. 00:58]

 þetta gerist æsispennandi...

[Jenný Anna Baldursdóttir, 17.6.2008 kl. 00:58]

Er þetta aftökulistinn Lúther minn?

[Jenný Anna Baldursdóttir, 17.6.2008 kl. 00:59]

Kolgríma: Gaman að sjá þig.  Hver verður fyrstur?  Örgla Össur ef hann bloggar eitthvað á nóttunni¨!

[S. Lúther Gestsson, 17.6.2008 kl. 01:00]

Hér að ofan er listinn yfir 10 vinsælastu bloggarana, sé strax fyrir mér einhverja líklega. Ef þeir eru þá ekki nú þegar komnir í yfirheyrslur.

[Jenný Anna Baldursdóttir, 17.6.2008 kl. 01:01]

Hahahaha, góður Lúther.

[Signý, 17.6.2008 kl. 01:25]

HAHAHA! stebbíska byrjun... aahh þú ert dásamleg kona...

En það ætt að setja stebbafr í handjárn.. alveg í gær fyrir morgunkaffi, það er bara ekki eðlilegt hvað bloggið hans er ótrúlega laust við karakter og innihald... Ég held ég hafi aldrei komist í gegnum færslu hjá honum...

En svo kannski yrði ég næst í röðinni... fólk hefur svo litla þolinmæði gagnvart sjálfhverfum, ofvirkum, óvirkum alkahólistum... 

[Jón Steinar Ragnarsson, 17.6.2008 kl. 01:41]

Ég var nú tilbúinn með heitt á könnunni í viku í vonn um gesti eftir að ég hnýtti í vígbúnaðarkapphlaup Bjarnar Bjarnasonar. Einnig hef ég lengi beðið eftir fulltrúum rannsóknarréttarins vegna skrifa um trúmál.

Maður verðu kannski að auka við slagkraftinn til að vekja þá upp. Þeir eru kannski farnir að hugsa sig um eftir að Skúli var hrakinn í burtu. Nú hefur hann opnað blogg á öðrum og frjálslyndari miðli, auk þess að vera með tvær heimasíður og dreifibréfakerfi á netini.

Það er víst reglan að ef þú heggur af hausinn, þá vaxa tvö í staðinn sínu ófrýnilegri.

[Edda Agnarsdóttir, 17.6.2008 kl. 01:54]

Ég sem hélt að það væri nóg fyrir okkur hina bloggarana að handtaka þá sem við kunnum ekki við!

[bjarni (IP-tala skráð) 17.6.2008 kl. 02:05]

handtaka þig.  Greinilega vinnur ekki neitt eins og annað fólk, situr heima og tuðar í gegn um bloggið þitt fyrir flettingar og kellinga vini þína sem eru þér alltaf sammála.  Ætti amk að banna þér að skrifa.  Drepleiðinleg alveg. 

[Jenný Anna Baldursdóttir, 17.6.2008 kl. 03:35]

Árni: Voðaleg viðkvæmni er þetta, Stebbi Fr. er ekki hafinn yfir grín fremur en aðrir dauðlegir bloggarar.

Bjarni: Vertu úti leiðindapési

Edda: Hvar eigum við að byrja?

JS: Satt segirðu.

Signý: Við verðum þá teknar saman,  þessi alkahólisti á eftir að enda á golfvellinum á Kvígjabryggju.

[Ía Jóhannsdóttir, 17.6.2008 kl. 06:42]

Heheheh þessi færsla hefur aldeilis hrisst upp í næturbloggurum.  Asskoti sem fólk hefur lítinn húmor.  Jenný þú verður framvegis að setja fleiri broskalla bara svona fyrir aðalinn.  Við pöbbullinn skiljum þig, ekkert mál.

Kveðja inn í bjartan þjóðhátíðardag og njóttu með miklu Jibbý jey!

[Hrönn Sigurðardóttir, 17.6.2008 kl. 06:46]

Krakkar mínir......

....það les bara enginn bloggið ykkar!!

Gleðilega þjóðhátíð! 

[Tína, 17.6.2008 kl. 09:13]

Gleðilega þjóðhátíð Jenný mín. Er svo búin að vera á fullu í að æfa mig við að anda inn og út

[Laufey Ólafsdóttir, 17.6.2008 kl. 09:19]

Það er gott að hafa markmið í lífinu.... það er bara svo andskoti erfitt að vera handtekinn fyrir orðin tóm á Íslandi. Árans málfrelsi Við getum nöldrað, kastað orðlægum grjótskriðum, valdið hóppirringi og beitt andlegum þrýstingi en uppskorið lítið annað en auma kæru fyrir meiðyrði. Svo breytist ekki rassgat í bala.

Handjárn eru víst út. Núna eru þeir með GAAAAS! Gott að vera með sundgleraugu í vasanum. 

[Laufey Ólafsdóttir, 17.6.2008 kl. 09:22]

...haha! og gott lag

[Jenný Anna Baldursdóttir, 17.6.2008 kl. 11:02]

Dúa: Villingur snillingur.

Laufey: "orðlægar grjótskriður" er ekkert minna en frábærasti frasi sem ég hef heyrt lengi.  Og svo sakna ég þín.  Lagið er frábært.

Hrönnsla: Þú drepur mig.

Ía: Takk, og frábært ef maður getur fokkað upp fólki.  Það gerir þó eitthvað á meðan.

[Jenný Anna Baldursdóttir, 17.6.2008 kl. 11:02]

Árni: Rólegur, ég er búinn að ná því að Stebbinn er þér afskaplega kær.

[Hildigunnur Rúnarsdóttir, 17.6.2008 kl. 11:05]

moggabloggarar en large - fyrir eitt enn skiptið að horfa ekkert út fyrir blog.is :D

(nema, hmm, Jón Steinar, hann minnist á heiminn fyrir utan...)

[Jenný Anna Baldursdóttir, 17.6.2008 kl. 11:07]

Ég les alltaf út fyrir moggabloggið Hildigunnur, þar á meðal þig góða mín.  Hehe.

[Gísli Ásgeirsson, 18.6.2008 kl. 13:08]

Ef moggabloggið er jörðin, er hún flöt.

Annars deili ég hrifningu Árna á Stebba Fr. Oflof er háð.