Ég er bláeygð í stuttbuxum

Nú hefur runnið upp undarleg stund.  Eitthvað sem ég hélt ekki að ég ætti eftir að upplifa.

Ég er komin í sömu stuttbuxur og fullt af ungum bláeygðum yngissveinum með ljósar krullur og trú á frjálshyggju.  Sko innan þessarar lýsingar rúmast allir ungir Sjálfstæðismenn og konur, allir litlu sætu Hannesar Hólmsteinarnir, þakka ykkur kærlega fyrir.

Ég er sum sé sammála SUS og ég segi djöfullinn danskur allt í lagi að prufa allt einu sinni, eða því sem næst.

SUS hafa sent bréf til þriggja sveitarfélaga sem hafa uppi hugmyndir um að leyfa ekki ungu lögráða fólki að gista á tjaldstæðum bæjarins ákveðna daga, nema að uppfylltum skilyrðum um fjölskyldumynstur.

Ég tek hjartanlega undir mótmæli fólksins í SUS. 

Það er ekkert minna en mannréttindabrot og algjör mismunun á fólki að koma með geðþóttabönn sí svona.

Þetta er nákvæmlega sami hlutur og ef öðru kyninu yrði bannaður aðgangur  að sömu tjaldstæðum svona af því að uppi væru grunsemdir um að tiltekinn hópur af kyni yrði með djöfulgang eftir ellefu að kvöldi til.

Reyndar er þetta grein af sama meiði og reykingarbannið sem brýtur á réttindum löglegra nikótíndópista, sem hafa keypt sitt stöff af ríkinu, en er bannað að nota það á öllum stöðum á landinu sem hafa þak og teljast ekki vera einkaheimili.

Ef SUS tæki það mál upp á arma sína, af því þeir elska frelsi einstaklingsins til að athafna sig, megi það vera að kaupa klám, vændi og guð má vita hvað fleira, þá myndi ég ganga í helvítis félagið ef ég væri ekki of gömul.

En í þessu máli greiði ég þeim atkvæði héðan af átakasvæðinu.

Og komasho.

Síjú. 

SUS mótmælir aldurstakmarki á útihátíðum

Athugasemdir

[Stefán Friðrik Stefánsson, 13.6.2008 kl. 23:16]

Til hamingju með að vera komin í bláu stuttbuxurnar.

[Heiður Þórunn Sverrisdóttir, 13.6.2008 kl. 23:19]

Gott framtak hjá SUS,myndi líka mæla með að þeir kemu Haarde smá kurteisi svona eftir atburði dagsins í dag.

[Jenný Anna Baldursdóttir, 13.6.2008 kl. 23:22]

Stefán: Þetta er einstakur atburður sem mun aldrei verða endurtekinn.

Heiður: Já,þeir kannski taka formanninn og lesa honum pistilinn.

[Steingrímur Helgason, 13.6.2008 kl. 23:28]

Grundvallarskoðunin er klárlega undir í samkeppninni í dægurþrasinu.

[Jenný Anna Baldursdóttir, 13.6.2008 kl. 23:30]

Steingrímur: Hm...?

[Lilja Guðrún Þorvaldsdóttir, 14.6.2008 kl. 01:21]

Já Jenný! Til hamingju með, að þið Hannes Hólmsteinn getið komið út úr skápnum saman í bláu stuttbuxunum ykkar. - Það hlýtur að vera mikið gleðiefni

 Mig langaði að vera með í svona góðum félagsskap,  - svo ég rauk strax til, og reyndi að troða mér í mínar ljósbláu stuttbuxur, en ég er algjörlega vaxin upp úr þeim. -

En ég ætla samt að leyfa mér að skjóta hér að smá hugmynd. -

 Er bara ekki komin tími á að lögleiða allt þetta helvítis dóp sem flæðir hvort sem er hérna inn í landið í tonnatali,  og enginn getur gert neitt við.  - Því allir vita upp á sig skömmina. - Það er líka bannað að smygla inn "snúsi" í vör, eða hvað þetta er allt kallað sem þeir eru að kaupa á svörtum markaði, þessir stóru jafnt sem litlu kallar, hvað þeir heita nú Jón og Séra Jón og þeir bræður allir.  -  Og þegar búið er að taka afstöðu til þessara alvöru mála. -  Þá er hægt að fara að taka á smámálum samfélagsins eins og t.d. "tjaldútilegum" miðaldra fólks osfrv.  - Ogþví ónæði sem þessar "helgarútilegur" valda, heimamönnum í bæjum og sveitum landsins.

Því það er satt sem stuttbuxnasveitin segir:  Ef þetta fólk má kjósa hvaða fífl sem er til alþingis og sveitastjórna. - Þá hljóta þeir að mega ráða hvernig þeir  drepa sig.  - Svo framarlega sem þeir skaða engan annan en sjálfan sig.

[Edda Agnarsdóttir, 14.6.2008 kl. 01:41]

Hvernig hefurðu það í stuttbuxunum - ertu ekki komin úr þeim?

[Lára Hanna Einarsdóttir, 14.6.2008 kl. 02:31]

Jenný þó! 

[María Guðmundsdóttir, 14.6.2008 kl. 06:38]

thetta er erfitt líf

[Ía Jóhannsdóttir, 14.6.2008 kl. 08:12]

Komst í mínar bláu en það var alveg með herkjum skal ég segja þér.  Fer fljótlega úr þeim þær þrengja svo asskoti að.

Kveðja til þín og þinna inn í góðan dag

[Brjánn Guðjónsson, 14.6.2008 kl. 08:16]

algerlega sammála.

reyndar læt ég bara nærbuxurnar duga, enda erum við sófabeturvitringar ávallt klæddir nærbrókum og blettóttum hlýrabolum. það er okkar úníform.

[Tína, 14.6.2008 kl. 09:10]

Færslurnar þínar og frásagnarmátinn eru alltaf jafn brilljant. En ég er hjartanlega sammála að um algjört mannréttindabrot sé að ræða, varðandi hver megi vera hvar og hvenær. Svo er það nú ekki eins og fólk hætti að haga sér illa af því það er orðið eldra er 23!!

Annars langaði mig bara að bjóða þér góða og ljúfa helgi Jenný.

[Birna Dis Vilbertsdóttir (IP-tala skráð) 14.6.2008 kl. 10:40]

.Ég bjó á Akureyri þegar 1 hátíðin ein með öllu var.Ekki var mikið sofið þá helgina.En gaman var þar.Ég bjó ekki í miðbænum heldur við tjaldstæði Þórsara.Strangt eftirlit og gæsla er af hinu góða.

[Jenný Anna Baldursdóttir, 14.6.2008 kl. 11:03]

Birna: Auðvitað er óþolandi að búa í návist tjaldstæða, í miðbæjum og annars staðar þar sem fólk hagar sér eins og fífl.  En mín reynsla er sú að djöfulgangur á tjaldstæðum einskorðast sko ekki við ungar manneskjur.  Þær fullorðnu gátu gert gott betur.

Hallgerður: Ég fer ALDREI í blátt. 

Tina: Takk sömuleiðis.

Brjánn:

Ía: Kaupa nýja stuttara.

Lára Hanna og Edda:

[Jenný Anna Baldursdóttir, 14.6.2008 kl. 11:05]

Einar: Sammála, þetta er algjörlega út úr kortinu.

Lilja Guðrún: Góð.

Hallgerður aftur: Takk kærlega.