Condi segir "ekki satt"

Hvað er Mannréttindavaktin, "Human Rights Watch" að ibba sig vegna mögulegra andlegra veikinda fanganna í Guantanamó flóa?

Af hverju tala þeir ekki við Condi Rice og láta hana segja sér það sama og hún sagði Sollu og okkur í leiðinni þegar hún kíkti í kaffi hérna um daginn?

Ég meina konunni var stórlega misboðið yfir fordæmingu Alþingis Íslendinga á aðbúnaði fanganna á Kúbu.

Þar eru engar pyntingar af neinu tagi, sagði Condi og var þung á brún og brá.  Bush myndi aldrei líða illa meðferð á fólki, sagði hún og sló hnefa í ræðupúltið.  Eða nærri því.

"Samkvæmt upplýsingum frá Mannréttindavaktinni búa um 185 föngum af 270 við hámarks öryggisgæslu þar sem þeim er haldið í klefum sínum 22 tíma á sólarhring. Þeir fá að fara úr klefum sínum til þess að fara í sturtu og undir bert loft í tvo tíma."

En þessi stórkostlega vinaþjóð okkar og bandamenn í Íraksstríðinu, og jafnframt sú vænisjúkasta og bardagaglaðasta, telur sig ekki þurfa að fara eftir alþjóðasamningum um mannréttindi fanga. 

Þeir eru í heilögu stríði, hefur einhver eitthvað við það að athuga?

Æ dónt þink só.

Eigum við ekki að segja þetta gott bara?

Farin að lyfta.

Private Jenný

Óttast um andlegt heilbrigði fanga við Guantanamó flóa

Athugasemdir

[ee (IP-tala skráð) 11.6.2008 kl. 07:00]

Hvað ertu að skrifa vina mín, sástu ekki Bush í fréttum í Evrópuheimsókn sinni, mitt úti í náttúrunni og þar að auki við hliðina á stóru tré, haldandi ræðu um ógn Íran, þar sem að Íran annaðhvort sæti einangrun eða vinni saman með öðrum. Svona möguleika sem hann gefur öðrum þjóðum er einstaklega sérstakt; ég meina annaðhvort, eða........!

Ímyndaðu þér hvílíka frábæra möguleika þessir fangar hafa, fara í sturtu og út undir bert loft. Meiri heimtufrekjan að þeir vilji verða frjálsir ferða sinna, ætli þetta séu ekki voðaleg vandræði; hugsaðu þér ef einhverjir vilja bara ekki fara í sturtu, svona eftir að hafa verið í "vatnspyntingaræfingum" í nokkra tíma? Þeir virðast ekki spara vatnið í Bandaríkjunum, enda rík þjóð á margan hátt, sérstaklega hvernig fangar og fjölskyldur þeirra eiga að hafa það.

veistu nokkuð hvaða kaffi var boðið upp á? Heldurðu að henni hafi svelgst á?

[Jenný Anna Baldursdóttir, 11.6.2008 kl. 08:37]

EE: Góður.