Nú ælir enginn

Það er nú svo í lífinu að eitt leiðir oft að öðru.

Þegar ég var búin að skrifa ælufærsluna um íslenskutextasnobbið, þá fór ég að hugsa meira um músík.

Og ég fór að velta fyrir mér hvaða músík það væri sem ég héldi mest upp á í lífinu (fyrir utan húsbands sko), og ég lenti í algjörri klemmu.

Hvernig stendur á því að sumir geta romsað upp úr sér frá 1-10 sínum uppáhaldslögum, plötum, diskum?  Alveg eins og þeir séu að þvo sér um hendurnar eða anda, svei mér þá.

Ég get ekki einu sinni raðað minni uppáhaldsmúsík í númeraröð eftir gæðum.  Þegar kemur að tónlist er ég einn tilfinningavöndull.

En þessa hreinlega elska ég.

JJ.Cale

Beatles

Stones (stundum)

Zeppelin

Björk

Queen

Doors

Kinks (Ray Davis)

L. Armstrong

Edit Piaf

Presley

Bowie

Þursarnir

Spilverkið

Violeta Para

Emiliana Torrini

Og þar með er það upp talið þó ég sé að gleyma heilum hellingi.

Eruð þið með á hreinu hverjir eru uppáhalds?

Sorrí, ætlaði ekki að þjófstarta á ykkur heilabúinu, það er sumar og sonna.

Lalalala!

Athugasemdir

[Jóna Á. Gísladóttir, 8.6.2008 kl. 14:43]

Þetta er alveg feeeeerlega gott lag hjá henni Emiliönu.

Annars fattaði ég soldið á meðan ég horfði á myndbandið: Ég tek ástfóstri við lög frekar en flytjendur. Sennilega er það vegna þess að ég er týpískur neytandi sem lætur mata sig. Heyri lag einhvers staðar sem ég fell fyrir og það geta liðið ár áður en ég veit hver flytjandinn er.

Samt er Bó í svaaaakalega miklu uppáhaldi hjá mér.. en það veistu nú þegar

[Kristín Katla Árnadóttir, 8.6.2008 kl. 15:16]

[Lilja Guðrún Þorvaldsdóttir, 8.6.2008 kl. 16:00]

Jú, Jenný nú æli ég!  Ég æli af áhyggjum af því að ég get ekki bara valið vinsældalista 1-10 og sagt þetta er mitt uppáhald, þessir eru bestir. - Það væri bláköld lygi og því mundi ég æla. - 

Því ég mundi bara, nefna það sem ég mundi eftir,  til að vera með eins og allir hinir, því það er svo leiðinlegt að vera ekki eins og allir hinir. - Leiðinlegt að vera alltaf í vitlausu liði. -  Og þá mundi ég æla.  -

Og ég mundi líka kasta mér í vegg þar til að hann opnaðist.  - Og ég gæti gengið inn í hann, og horfið. - Þessvegna ......... segi ég ..........

Tónlist er eins og allar aðrar listgreinar, ég get ekki sett hana í eitt mót,  og sagt svona á þetta að vera, svona er góð tónlist, þessi er vond, eða þessi tegund af tónlist er góð, önnur ekki.  -

Og, - Óneitanlega eru það flytjendur, hverrar tónlistar sem skipta sköpum,  það eru þeir sem hreyfa mismunandi við manni, maður getur fundið hvernig ólíkur flutningur, á nákvæmlega sömu tónlist, jafnvel sama lagi, í dag, en höfðar ekki til manns á morgunn, eftir því hvernig manni líður,  og hvernig hún tengist, vondri eða góðri minningu.

Og hvernig þér leið við að heyra tónlistina spilaða í fyrsta skipti. - Getur skipt sköpum fyrir mat þitt , - Þar spilar inn í flytjendur tónlistarinnar, því þeirra framlag í flutningnum og þeirra líðan, hefur áhrif á  upplifun þína til framtíðar.  - 

Sama má líka segja um allan söng, þar er túlkun söngvarans sem grípur hlust þína, og nær að að vekja upp mismunandi tilfinningar í brjósti þér. - Og þá getur verið gott að hlustandinn skilji að auki orðin sem söngvarinn er að segja, ef tónarnir sjálfir vekja enga tilfinningalega svörun hjá hlustandanum.

Þessvegna get ég ekki sagt í dag að þetta lag sé best, - því á morgunn mun mér líða allt öðru vísi, og sú líðan mun hafa áhrif á val mitt þá.

Ég get í besta falli gert eins og þú, - nefnt fáein dæmi um lög sem  eru í tilfinningalegu uppáhaldi hjá mér þessa dagana, en bera vitni um mína líðan, og því man ég eftir þeim. - Og þá æli ég ekki.

[Hildigunnur Rúnarsdóttir, 8.6.2008 kl. 16:05]

Mahler, Britten, Bach, Berio, MacMillan, Nordal, Poulenc, Bartók, Sjostakóvits, Rakhmaninov... :P Flytjendur skipta gríðarmáli.

[María Guðmundsdóttir, 8.6.2008 kl. 16:17]

Emiliana og Kinks alveg á minum vinsældarlista,annars er ég reaggemanneskja og Bob Marley er minn madur

[Ásdís Sigurðardóttir, 8.6.2008 kl. 16:34]

Ég er eins og Lilja, skiptist milli daga hvað er best en auðvitað eru margir sem standa uppúr og yrðu alltaf fyrir valinu.  Eitt hefur mér aldrei tekist þó svo ég hafi reynt oftar en einu sinni og það er að fíla tónlist Bjarkar og Sigurrrósar, fer bara í fíflalegt kerfi og slekk. Veit ekki afhverju. Geturður útskýrt það fyrir mér? Getur það verið af því ég fíla karlakórssöng og Status Quo??

[Jóhanna Magnúsar- og Völudóttir , 8.6.2008 kl. 16:45]

Ragnheiður Gröndal er æðislegur flytjandi 12 stig,  Emiliana er fjarskyld frænka svo gef henni 10 stig, Björk á sama afmælisdag og ég og því fær hún 8 stig...  Þetta var kvennalisti sko!  Í kallaliðinu eru Eagles og Phil Collins til dæmis og svo fílaði ég alltaf Simon and Garfunkel í tætlur .. og geri auðvitað enn..

[M, 8.6.2008 kl. 16:46]

Fíla ekki Sigurrós og Björk heldur Nú er maður öruggl. með svaka lummó smekk fyrst þau eru svona fræg. En eitt og eitt lag dettur inná heilann hjá mér en engir sérstakir flytjendum. Kaupi sjaldan diska því ég fæ svo fljótt leið á þeim.

Lummó kveðja 

[Kristín Katla Árnadóttir, 8.6.2008 kl. 17:04]

Ég segi eins og Jóhanna ég fíla Simon and Garfunkel í tætlur. og náttúrlega fleiri.

[Jenný Anna Baldursdóttir, 8.6.2008 kl. 17:14]

Ragnheiður Gröndal er ein af mínum uppáhalds.

Ég var enn einu sinni búin að svara ykkur öllum og þá datt athugasemdin út.  Ég er að verða brjáluð á þessu.

Þannig að þið verðið að taka viljann fyrir verkið.

[Hildigunnur Rúnarsdóttir, 8.6.2008 kl. 18:54]

Mér finnst Björk reyndar æði, þó hún nái ekki upp á topp 10 listann hjá mér :P