Að kjósa ekki rétt

Ég fékk hroll niður eftir bakinu þegar ég las um hleranirnar í Mogganum í morgun.

Ég var ekki búin að jafna mig á hrollinum þegar ég las þessa viðtengdu frétt þar sem Björn Bjarnason segir enga ástæðu til að biðja þolendur njósna íslenskra stjórnvalda afsökunar.

Björn segir njósnirnar vera þátt úr sögu kalda stríðsins.

Það má réttlæta allan fjandann með huglægum skýringum um "stríð" sem aldrei var neitt nema paranoja og hugarástand Rússa og Bandaríkjamanna.

Var fólk á hlerunarlistanum ógnun við öryggi íslenska ríkisins? 

Myndi það mögulega fremja hryðjuverk?

Eða meiða saklausa borgara?

Það er eitthvað meira en lítið að hrjá þá sem í krafti valds síns láta njósna um samborgara sína vegna gruns um að það hugsi á óæskilegan máta, kjósi ekki rétt, makki ekki rétt.

Það er sorglegt að Björn Bjarnason sjái ekki hversu ólíðandi þessir gjörningar voru.

En honum rennur kannski fyrst og fremst blóðið til skyldunnar.

Hverja ætli sé verið að hlera núna?  Hvaða óvinum ríkisins þarf mögulega að fylgjast með og njósna um í dag? 

Ég myndi svo gjarnan vilja vita það.

Dómur sögunnar á einn veg

Athugasemdir

[Hulla Dan, 27.5.2008 kl. 21:10]

 Dudurudududu Jón spæjó.

Góð færsla hjá þér Jenný.

Dreymi þig vel.

[Jóhanna Magnúsar- og Völudóttir , 27.5.2008 kl. 21:23]

 .. ég þori ekki að segja neitt!

[Þröstur Unnar, 27.5.2008 kl. 21:38]

Þetta er náttúrulega bara hystería hjá Kjartani.

Tékkum á trukkabílstjórunum í dag.

[Helga Magnúsdóttir, 27.5.2008 kl. 21:44]

Vitanlega stendur Bíbí með pabba sínum. Hroki hans er svo algjör að hann telur lög og almennar siðareglur ekki eiga við þegar hann á í hlut.

[Ragnheiður , 27.5.2008 kl. 22:16]

Var ekki "stórvarasamur" veðurfræðingur á listanum  Djí sem þeim myndi leiðast að hlera minn síma, ég ansa helst ekkert í hann

Hvaða afbrot gerði þessi veðurfræðingur sig sekan um ? Vondar veðurspár ?

[Sigga Hjólína, 27.5.2008 kl. 22:18]

Ég held að "fórnarlömbin" hafi talið að íslenska ríkið sæji sóma sinn í því að fara sömu leið og Norðmenn þ.e. að biðja alla afsökunar.

Það er ekki búið að skrá öll gögn sem Þjóðskjalasafninu hafa borist frá hinum ýmsu stofnunum og embættum og tilheyra síðustu fjórum áratugum og því eru þessi skjöl sem Kjartan nefnir í Morgunblaðinu hugsanlega toppurinn á hlerunar-ísjakanum.

[Hildigunnur Rúnarsdóttir, 27.5.2008 kl. 22:53]

Þessi færsla Elíasar er góð...

[Linda Linnet Hilmarsdóttir, 27.5.2008 kl. 23:12]

Góð færsla hjá þér Jenný mín og bestu kveðjur til þín elsku vina mínknús knús og kossar

[Himmalingur, 27.5.2008 kl. 23:20]

Lýðræðið í sinni tærustu mynd börnin mín!!!!!

[Linda litla, 27.5.2008 kl. 23:35]

Það er eins gott að segja ekki of mikið, fékk að sjá það á blogginu mínu þegar ég skrifaði að ég hefði átt fyrra barnið nýorðin 15 ára..... það er einvher sem vill taka viðtal við mig út af því. Eins og ég segi, ekki segja of mikið!!

[Viðar Freyr Guðmundsson, 30.5.2008 kl. 13:06]

Það er nú bara sjálfsagt að hlera alla mögulega 'terrorista' , byltingarsinna og aðra ofbeldisseggi.

[Jenný Anna Baldursdóttir, 30.5.2008 kl. 13:29]

Guðlaugur: Þetta er ekki fallegt.