Michael Jackson snæddu hjarta!

Þegar ég bjó í Svíþjóð á árum áður, kynntist ég Júróvisjónæðinu í fyrsta sinn.  Við Íslendingar voru ekki farin að vera með á þeim tíma.

Pælingarnar í Sverige voru svipaðar og hér núna. 

Svíarnir voru dedd á því í hvert skipti að þeir myndu vinna.  Þegar það gekk ekki eftir voru ástæðurnar alltaf vegna öfundar og rætni valnefndanna.  Já og klíkuskapar og samtryggingaráráttu "þessara" ósmekklegu Evrópuþjóða" sem höfðu ekki örðu af músíkalitet í sínum óeðlu beinum.

Þetta var ansi skemmtilegt sport að fylgjast með.

Og svo komu Herrey´s á sínum fokkings gylltu skóm.  Ég hélt að landið færi á límingunum.

Heimsfrægð var í uppsiglingu.  Michael Jackson snæddu hjarta.

Stjörnur voru fæddar.

En meira að segja ég sem á það til að hrífast með gat ekki annað en setið í einum langdregnum aumingjahrolli yfir sænsk-amerísku mormónunum sem töluðu svengelsku.  Þeir voru nördar par excelance.

En lagið svingaði, því varð ekki á móti mælt.  Og vann, hvað annað.  Sverige är bäst.  Jájá.

Svo miður mín varð ég vegna þessarar athygli sem mín elskaða Svíþjóð hlaut vegna gullskóabræðra að ég sá mér ekki annað fært en að flytja til míns heima.

Og þá kom Gleðibankinn.

Ég segi ekki meir.

Hef reyndar aldrei skilið af hverju Gleðibankinn fór ekki alla leið.

Við áttum það svo innilega skilið.

Áfram Ísland!

Újeeeeeeeeee

Færið ykkur nú í gullskóna gott fólk og dansið um allt eins og vankaðar hænur með bræðrunum gullskóm.

„Fegin að Dustin datt út"

Athugasemdir

[Tiger, 24.5.2008 kl. 14:18]

Ég er sko sammála þér Jenny, við eigum það skilið - ár hvert - að vinna þessa fargins keppni - gullskór eða ekki! Ég hafði tröllatrú á Júróbandinu og hef ennþá - þó ég kannski setji þau ekki í toppsætin núna - heldur sirka 8 - 9 sæti. Annars eru mörg lög í keppninni núna sem mér finnst heldur léleg en ég er þó hrifinn af Bretlandi.

Annars ætla ég að kjósa eitthvað virkilega lélegt lag - til að hjálpa ekki góðu lögunum með stig. Þannig komumst við kannski ofar í stjörnutröppurnar.

Knús á þig mín kæra og eigðu yndislega helgi. (og jamm - myndin er af gamla mér somewhere back there)...

[Hrafnhildur Ýr Vilbertsdóttir, 24.5.2008 kl. 14:22]

Ég segi eins og barnabarn......þetta eru stelpuskór..... og okkur langar í svona, góða skemmtun í kvöld....ertu komin í þjóðbúninginn???

[Ylfa Lind Gylfadóttir, 24.5.2008 kl. 15:08]

Hey Regína er í morðbleikum skóm, það gæti bara alveg reddað okkur fyrir horn er það ekki?

[Brjánn Guðjónsson, 24.5.2008 kl. 16:21]

ekki spurning að bleiku skórnir munu skipta sköpum um árangur. hinsvegar gat ég ekki séð að Friðrik væri í bleikum skóm. ekki víst að eitt skópar dugi til að hreppa sigurinn.

[Sigrún Jónsdóttir, 24.5.2008 kl. 16:41]

Ég var í Englandi, þegar Abba/Waterloo vann.  Ísland var náttúrulega ekki farið að vera með, þannig að mitt norræna hjarta sló hraðar og það var sko ekki verra að vera "samnorrænn" þá, ég fékk meira að segja hamingjuóskir og alles

Ég held að bleiku skórnir hennar Regínu eigi eftir að ráða úrslitum í kvöld.....sama hvernig fer.

[Huld S. Ringsted, 24.5.2008 kl. 16:46]

Mér finnst þetta skelfilegt lag ég bjó í Bretlandi þegar Gleðibankinn fór út, lenti í heljarinnar fjölþjóða Eurovision partíi, eina sem fólk spáði í þar þegar Íslenska lagið var búið var: "hvurskonar hrognamál talið þarna á Íslandi" það var ekkert spáð í lagið eða söngvarana. Ég ákvað bara að þau væru öll svona illa tónlistarlega sinnuð

[Jóna Á. Gísladóttir, 25.5.2008 kl. 13:47]

ég er í kasti yfir sænsku guttunum. En fannst þetta agalega töff á sínum tíma. Sumt eldist bara ekki vel.