Sunnudagsmorgun í eintómri hamingju

Ég vaknaði kl. átta í morgun við að lítil stúlka ýtti við mér og sagði; "amma koddu fram".  Þarna stóð hún skælbrosandi og til í að takast á við daginn.

Og við fórum fram og hún horfði á "baddneddni" og borðaði morgunmatinn.

Á svona dögum verð ég "high" af hamingju.  Besta víman er af eigin safa krakkar mínir.

Og svo fóru "sumir" í smá óþekktarham.

Amman: Jenný villtu hætta að príla svona, það getur verið hættulegt.

Jenný (nýbúin að læra hugtakið aldrei): Nei, ég hætti þí aldrei, bara alls ekki.

Amman: Amma verður reið ef þú hlýðir ekki, ég vill ekki að þú meiðir þig.

Jenný: Alltílaj, þú mátt vera reið, ég leikir mér bara á meðan.

Amman gafst upp.

Og við stefnum á bíóferð.  Fílamyndina segir Jenný en ég viðurkenni að ég hef ekki hugmynd um hvaða mynd það er og vona bara í alvöru að hún sé ekki bönnuð börnum.

Sé ykkur seinna í dag.

Athugasemdir

[Birna Dis Vilbertsdóttir (IP-tala skráð) 18.5.2008 kl. 11:28]

[Edda Agnarsdóttir, 18.5.2008 kl. 12:01]

Bjútífúl tjæld! Ég öfunda þig - fara í bíó með barnið....

[Bjarndís Helena Mitchell, 18.5.2008 kl. 12:14]

Góða skemmtun í bíó í dag. Minn litli er að fara, án mín að vísu, hefði alveg viljað komast með honum sjálf.

[Þröstur Unnar, 18.5.2008 kl. 12:16]

Kræst hvað maður kannast við þetta.

Flott Buffið hennar.

[Hugarfluga, 18.5.2008 kl. 13:35]

Þú ert svo dugleg að vera með og sinna þessari dúllu. Æðisleg amma, Jenný Anna. 

[Jóna Á. Gísladóttir, 18.5.2008 kl. 13:43]

Mig langar að leiða Lottu og Jenny Unu saman

[Guðrún Emilía Guðnadóttir, 18.5.2008 kl. 15:20]

Þetta er bara toppurinn á tilverunni, þau eru bara stórkostleg.
einn daginn sat ég hér að vanda, heyrði smáarga rödd segja ég ætla ekki inn til ömmu, nú hvert þá, ég ætla á Aparóló, en þú mátt ekki fara ein þangað, jú ég er ekki lítil ég er stór, allt í lagi farðu þá bara þá má fólkið þarna niðurfrá eiga þig, mamman kemur inn, litlu síðar litum við út þá hafði hún ekki þorað niður eftir, og strunsaði síðan upp alla innkeyrsluna frekar stór upp á sig.
Vonandi skemmtir þú þér vel í bíóinu.
              Kveðja Milla.

[Heiða B. Heiðars, 18.5.2008 kl. 15:24]

Horton!!! Hún er æði!

[María Guðmundsdóttir, 18.5.2008 kl. 15:39]

  oh hvad thau eru heppin ad eiga svona ømmu eins og thig njóttu bíóferdarinnar og thid bádar. 

[Jóhanna Magnúsar- og Völudóttir , 18.5.2008 kl. 16:13]

Kjútípæ þessi stelpa svo ekki verði meira sagt!

[Jenný Anna Baldursdóttir, 18.5.2008 kl. 17:08]

Sko myndin var frábær.  Þriggja ára daman sat grafkyrr og intúitt allan tímann.  Amman þolir ekki hlé.  Ég skil ekki þessi hlé í mynd sem er tæpa 90 mínútur.

Femýnyzta-amman sleppur ennþá, barn ekki farið að spyrja um sollis.  Thank you very much.