Hegðunarvandamál embættis

Það er ekki að marka mig, því ég er ofboðslega óánægð með valdaræningjana í Borg Óttans, þannig að ég myndi pirra mig á nánast hverju sem þaðan kæmi, nema auðvitað að þeir legðu upp laupana, Blörrmundur og Villi Vill.  Svo kannski er það pirringurinn og urlið sem fær mig til að rasa út hérna.

Ég hef heldur ekkert betra að gera en að tuða smá.  Ætla snemma að sofa.  Ég er hipp og kúl óvirkur alki.  Það er nefnilega málið. 

En að kalla sýninguna í tilefni þess að 100 ár eru liðin frá því að fyrsti borgarstjórinn var kjörinn í embætti, "Kæri borgarstjóri" finnst mér ekki bera vott um mikla hugmyndaauðgi.

Einn af mínum uppáhalds sjónvarpsþáttum í gegnum tíðina var "Já ráðherra".  Það átti við.  Mér vitanlega er þetta "kæri" ekki með vísan í eitt eða neitt.

Og er borgarstjóraembættið 100 ára?  Það hefði mátt rota mig með fjöður.

Það hagar sér svo sannarlega ekki þannig.

Eða jú kannski, 100 ára fólk getur að minnsta kosti leyft sér ýmislegt í skjóli aldurs sem væri ekki vinsælt hjá yngra fólki.

Nú er farið að renna upp fyrir mér ljós.

"Embættið" á við hegðunarvanda að stríða.

Pirrrrrrrrrrrrrrrrrrrrrrrrrrr

Embætti borgarstjóra 100 ára

Athugasemdir

[Hólmdís Hjartardóttir, 17.5.2008 kl. 23:37]

kannski elliært embætti??

[Jenný Anna Baldursdóttir, 17.5.2008 kl. 23:48]

Hólmdís: Já elliært embætti. Á ekki að leggja "ÞAÐ" inn?

[Magnús Jónsson, 17.5.2008 kl. 23:50]

Beint í mark hjá þér núna, embættið er með allsenheimer, í bland við geðraskanir, sem fylgja megalómaníu og mikilmennskubrjálæði, sennilega væri best að setja sjúklingin(embættið) í endurhæfingu og bana öllum að koma nærri í nokkur ár....

[Steingrímur Helgason, 17.5.2008 kl. 23:57]

Ég er nú ekkert fyrir óhóflegar yfirlýsíngar yfirleitt, frekar kankast á við þá sem ég tjái mig við inni á bloggeríi þessu almennt, en borgarstýrulegt einelti þetta á sem að nú tíðkast hjá vænum vinstri grænum, er að mínu mati komið eitthvað út í öfgar, & lítið manngildi í því fólgið að hafa grín að 'meintum geðröskunum' um vin minn þarna.

En það er líka líklega bara mín sérskoðun.

[Jenný Anna Baldursdóttir, 18.5.2008 kl. 00:07]

Ég er ekkert að ýja að geðröskunum Steingrímur minn er ruglið er algjört.  Dona, dona.

[Huld S. Ringsted, 18.5.2008 kl. 00:21]

Tek undir pirrrrrrið með þér og errin væru ennþá fleiri ef ég væri búandi í Reykjavík!

[Steingrímur Helgason, 18.5.2008 kl. 01:06]

Jenný, athugasemdin fyrir ofan mína nefnir 'geðröskun', þú sjálf nefnir 'elliær'.

Amma mín hefði flengt mig fyrir hvoru tveggja, að nefna einhverja geðlæga skjúkdóma hvort sem að aldurstengdir væru eða ekki, eða þá leggja fólk í eitthver pólitíkst einelti fyrir þá.  Enda var hún eðalkommúnisti, gott að alast upp við það.

Ég er enn á því að dæma eigi fólk eftir verkum, frekar en ómaklegum slúðursögum, & þó ég búi nú ekki mínu bóli í Reykjavíkinni lengur, þá hef ég fulla trú á því að borgarstjóratíðs Ólafs verði frekar minnst sem framfaraskeiðs fyrir borgina frekar en þeirrar niðurníðslu sem að fyrrum var.

& ég hreinlega ~krullast út í tær~ þegar málflutníngurinn er af þessu auma kalíberi.

Zkjúzmí, dúllz...

[Eyrún Gísladóttir, 18.5.2008 kl. 02:05]

Æ þessi borgarmál eru í algeru krulli maður er bara orðin þreyttur á þessu rugli í borginni.

[Ásthildur Cesil Þórðardóttir, 18.5.2008 kl. 02:30]

100 ár, hugsið ykkur hver stutt við höfum lifað sem borgarþjóð.  Bara hundrað ár, Ísafjörður er fyrir löngu orðin 200 ára  enda var Ísafjörður stærstur á einhverju tímabili.  En jamm Jenny mín ég skil ykkur borgarbúa, það hlýtur að vera rosalegt að búa við svona jójó út og suður.  En ég veit ekki hvor pakkinn er betri svei mér þá.  Ekki vil ég Margréti inn aftur, með allan sinn hroka. 

[halkatla, 18.5.2008 kl. 04:25]

Jenný, þessi Steingrímur er í tómu tjóni - ef þú þarf í meðferð við einhverju þá er það að vera of klár

Steingrímur, ömmur sem flengja eru lásí :( 

leyfðu fólki að tjá sig, ok? 

[Þorkell Sigurjónsson, 18.5.2008 kl. 05:33]

Áttu ekki við sömu vandamál að, stríða og ég  lífíð sjálft.? 

[Þorkell Sigurjónsson, 18.5.2008 kl. 05:35]

Ég er kommúnisti og trúlaus og veit ekki  hvað lífið snýst um. 

[Þorkell Sigurjónsson, 18.5.2008 kl. 05:40]

Ég hélt að ég hefði allt á hreinu, en er ekki viss  annað um, að ég held, að ég sé á réttri braut?    

[Jóhanna Magnúsar- og Völudóttir , 18.5.2008 kl. 06:37]

Góðan dag, þjóðin er svolítið týnd og leiðtogarnir eru auðvitað þeir sem eiga að stýra, bæði landi og borg. Mér sýnist þessir leiðtogar vera að reyna að gera eitthvað en ekki hafa hæfileika né getu til - svona miðað við hina villuráfandi þjóð.  

[Jenný Anna Baldursdóttir, 18.5.2008 kl. 08:55]

Æi þið eruð frábær.

Auðvitað er mér og fleiri (ekki bara VG) ekki skemmt yfir valdaráninu og vegna alls ruglsins og óstjórnarinnar í borginni. 

Þorkell: Góður.

[Sigrún Jóna (IP-tala skráð) 18.5.2008 kl. 10:07]

Segi bara fyrir mig; ekki yrði geðheilsa mín góð, ef ég ætti að stjórna Borginni.

Og ég búið mestallan aldur minn norður í Eyjafjarðarsveit sem telur um 1000 íbúa. Þar var og er, alltaf hver höndin uppá móti annarri. En oftast birtist það í baktali um náungann

Svo það er víða pottur brotinn.

[Bjarndís Helena Mitchell, 18.5.2008 kl. 10:16]

[Birna Dis Vilbertsdóttir (IP-tala skráð) 18.5.2008 kl. 11:02]

Skemmtileg færsla og svo satt sem þú skrifar.Elliært hahahahaha.Góðan dag

[Ásdís Sigurðardóttir, 18.5.2008 kl. 11:11]

Hittin og hnyttin að vanda Jenný mín.  Eigðu ljúfan sunnudag í borg ólátanna.