Ég var einu sinni fitubolla

Ég var einu sinni feit, ég viðurkenni það.  Það var tímabil sem náði yfir 2-3 ár og orsakaðist af mikilli vín- og bjórdrykkju og svo bruddi ég lyf.  Ég alki?  Jájá, löngu ljóst og ekkert um það að segja.  Og svo fór ég í meðferð, fékk sykursýki og nærri því drapst úr neyslu og lopinn sem hafði sest utan á mig hvarf á methraða.  Síðan hef ég verið með eðlilegt holdafar. 

Ég var svo rugluð á fitubollutímanum að ég minnist þess ekki að hafa verið að taka upp of mikið súrefni og stuðla að heví loftlagsbreytingum, kannski vegna þess að ég fór helst ekki út úr húsi á meðan tímabilið varði.  Þannig að það er ekki hægt að sekta mig eins og hverja aðra eiturspúandi verksmiðju.

En ég er ekki frá því að fólk sem er ekki í norminu, er stærra en einhverjir kílóastuðlar segja til um, sé beinlínis lagt í einelti.  Það er ekki langt síðan að það var önnur svipuð frétt um "fitubollur-að-eyðileggja-plánetuna-frétt" í Mogganum.

Auðvitað er bara gott mál að fólk breyti um lífstíl, borði heilbrigðan mat og drekki minna bús, ef það er á annað borð að hlaða utan á sig heilu hillusamstæðunum.  En þetta sjúklega kílóatal skil ég ekki. 

Ég er auðvitað ekki að tala um fólk sem er með offitusjúkdóma og þarf fleiri hektara undir afturendann á sér, auðvitað ekki.  En það er verið að ráðast að fólki um leið og það bætir við sig einhverjum kílóum.

Nú eru þessir sérfræðingar í Bretlandi (2 stk.), örugglega bældir í æsku og gátu ekki kúkað, að troða loftlagsbreytingum jarðar upp á feitlagið fólk.  Fari þeir og veri.

Súmíbítmíbætmí.

Offita stuðlar að loftslagsbreytingum

Athugasemdir

[Númi (IP-tala skráð) 16.5.2008 kl. 16:43]

Frá og með þessari mínútu er ég farinn í megrun.

[Jenný Anna Baldursdóttir, 16.5.2008 kl. 16:53]

Númi: Nú fékk ég hláturskast.  Ætlaði ekki að hræða þig

[Kristín Katla Árnadóttir, 16.5.2008 kl. 17:00]

Iss ég vildi fá eitthvað af þessari fitu.

[Signý, 16.5.2008 kl. 17:06]

HAHAHA!... bældir og gátu ekki kúkað...ahh sji.. Þetta bjargaði deginum!

En, verður maður ekki að finna einhvern til að kenna um allt? Er ekki feitabollur alveg jafn góðir kandídatar og hver annar?

[María Guðmundsdóttir, 16.5.2008 kl. 17:10]

vel ad ordi komist   eins og alltaf .. ég hlýt ad menga thá eitthvad adeins..thótt ég taki ekki hektara undir rakkatid á mér..en alveg ørugglega eitthvad yfir fjandans "studlinum" ef farid er eftir thvi  

[Þröstur Unnar, 16.5.2008 kl. 17:11]

Það á að banna konur yfir 70 kg.

[Jenný Anna Baldursdóttir, 16.5.2008 kl. 18:07]

Þröstur: Það á að banna fordómapoka eins og þig.

María: Góð!

Signý: Hehe, þú veist hvað ég meina.

Katla: Nú er bara að ná heilsu.

[Tiger, 16.5.2008 kl. 18:16]

OMG .. dásamleg ofurfiddubollerían þín þarna uppi! Skemmtileg færsla Jenný, like always. Gruna að ég þurfi að borga sekt fyrir að draga í mig mengun hinna þar sem ég er ekki feiddabolli. Ég er sammála þér að svona lagað er hálfgert einelti, ef ekki bara margfallt elti.

Samt spurning um hvort þeir fari ekki bráðum að finna eitthvað að okkur hinum "æskilega" þungu og einelta okkur líka.. hvað þá með hina "óæskilega" grönnu/horuðu? Sumir vita aldrei hvar strikið er sko .. Knús í helgina þína mín kæra og hafðu það ljúft!

[Birna Dis Vilbertsdóttir (IP-tala skráð) 16.5.2008 kl. 18:59]

Snilldar færsla.

[Salvör Kristjana Gissurardóttir, 16.5.2008 kl. 19:30]

Þetta er bein þýðing á frétt sem var áðan á forsíðu BBC. Þetta er mjög stuðandi fréttamennska. Þetta sýnir líka í hnotskurn hve pólitísk vísindi eru - sú rannsóknarspurning sem vísindamenn leggja upp með litar allt þeirra starf. Ef útreikningafræðingar fara að reikna út kolefnajöfnunargetu fólks eftir yfirborðsmassa og orkuþörf þá er það spurning sem svarar sér sjálf um leið og hún er orðuð.

Það eru gríðarlegir fordómar gagnvart feitu fólki og heimurinn er svo gegnsýrður að BBC hikar ekki við að koma með svona frétt og vísindamenn finnst það ekki varða við vísindasiðferði að setja rannsókn sína svona fram. Mogginn bara endursegir svo BBC og Stebbifr endursegir svo bara Moggann. 

En mér finnst vænt um að heyra að það hafi fleiri en mér blöskrað þessi frétt og þeir fordómar sem í henni fólust.

[Hrönn Sigurðardóttir, 16.5.2008 kl. 19:37]

....en hver endursegir Stebbafr?

[Linda Linnet Hilmarsdóttir, 16.5.2008 kl. 20:55]

bestu óskir um góða helgi

[Þröstur Unnar, 16.5.2008 kl. 22:15]

Vó, nýtt lúkk Dúa. Ertu að fara í partý?

[Lilja Guðrún Þorvaldsdóttir, 16.5.2008 kl. 22:25]

Þú fitubolla, það get ég ekki ímyndað mér.  -  En hin fræðilega úttekt þín á þessum tveim Bresku sérfræðingum,er algjör snilld, og hin  mikilfenglega myndræna lýsing þín á eymdarlífi æskuára þeirra, mun ég aldrei gleyma.  Þeir eiga alla mína samúð.   Þakka þér fyrir að, fræða mig um þetta. 

[lady, 16.5.2008 kl. 23:25]

ég minnist ekki að hafa seð þig feita ,,alltaf svo pen kona,,en ætli maður passi sig ekki á þessu blessaði nammi ,

[Ásdís Sigurðardóttir, 17.5.2008 kl. 00:28]

Það ætti að fita Þröst. Dúa er bara mega babe á myndinni hér að ofan,  þú ert bara smávaxin held ég, hef ekki séð þig, þú ættir að sjá mig 1.85 cm og 90 kíló, hvenmaður í lagi þar á ferð og læt engan segja mér að ég mengi heiminn. Það er algjörlega mér að þakka að sólin nennir að skína

[Hrafnhildur Ýr Vilbertsdóttir, 17.5.2008 kl. 01:20]

Hahahahaha ég er í hláturskasti....bældir í æsku og gátu ekki kúkað..... vó ég er með svo þroskaðan húmor er að kafna yfir kúkabrandara haha

frábær færsla....

[Bjarndís Helena Mitchell, 17.5.2008 kl. 09:33]

[Laufey B Waage, 17.5.2008 kl. 17:36]

Ég hebbði nú haldið að vandamál offitusjúklinga fælust í öðru og meiru en aukinni eldsneytisnotkun. Úr öllu má nú búa til áhyggjuefni.