Munið þið eftir honum?

Munið eftir Hleifnum?  Ómægodd, hvað það var mikið stuð 197ogeitthvað.

Ég bjó í Keflavík.  Já, ég veit það, maður lætur lokka sig út í allan fjandann.  Þetta var, nánar tiltekið, vegna eins hinna mýmörgu hjónabanda minna, sem ég hafnaði suður með sjó.   Ég hef farið út um allt land, vítt og breitt í makavali, og endaði svo í Reykjavík 101 en það er önnur saga.

Í partíum í Keflavík á þessum árum var drukkinn vodki og viskí og twentyone.  Ég er nú hrædd um það.  Það fer um mig ef ég hugsa um bragð og lykt.  Bölvaður viðbjóður.

Og allir voru fullir, síendurtakandi sjálfa sig, röflandi leyndarmál, stelpur grátandi á trúnó inn á klósetti, alveg: "Mér hefur alltaf líkað ógeðslega vel við þig" og svona stöff, þið vitið.  Maskarinn niður á kinnar og allir í mígandi gleði.

Og svo spiluðu nördarnir Smokie (ég er ekki að djóka) "Living next door to Alice" en þarna voru niðurlægingartímar í músík hvað sárastir.  Og svo Meetloaf.  "Paradise by the dashboard light."

Og ég eins og allir hinir plebbarnir.  Mig minnir að ég hafi hríslast um í villtum dansi, eins og enginn væri morgundagurinn.  Fannst Hleifurinn æði. 

Svo kom hann, ég sá hann ekki og svo fór hann og mér gat ekki staðið meira á sama.

Ég fékk ógeð.  Hann minnir mig á hálftóm brennivínsglös þar sem sígóstubbar flutu og var sú sjón sem stundum blasti við manni daginn eftir partý.  Lyktin var súr og sjúskuð.

Og ég sver að það þótti engum neitt athugavert við fyrirkomulagið.  Svo er verið að tala um að heimur versnandi farið.

En fáið ykkur villtan snúning fyrir svefninn.

Meatloaf when you are out, stay out.

Meat Loaf aldrei aftur til Íslands?

Athugasemdir

[Brynja Hjaltadóttir, 8.5.2008 kl. 23:40]

Sama er mér þó þessi keppur komi ekki hingað aftur. Hann getur bara snýtt sér annarsstaðar mín vegna. Atttsssjú

[Hrönn Sigurðardóttir, 8.5.2008 kl. 23:43]

brrrr...... um mig hríslast ógeðshrollur!!

[Hrafnhildur Ýr Vilbertsdóttir, 8.5.2008 kl. 23:45]

Það mætti halda að við hefðum verið í sömu partýum en sennilega hafa þau bara öll verið eins á þessum árum......twentyone

[Jóna Á. Gísladóttir, 8.5.2008 kl. 23:47]

....allir í mígandi gleði....

[Heiða Þórðar, 8.5.2008 kl. 23:50]

...bíddu bíddu ertu ekki aðeins örlítið eldri en ég?

[Guðrún B. (IP-tala skráð) 8.5.2008 kl. 23:54]

Heyrðu góða mín, ertu eitthvað að dizza Keflavíkina ??  *GRENJ* minn uppáhaldsstaður a Íslandi.

Veit ekki alveg hvernig ég á að taka þessu. En þessi lög, living next door og hleifahlunkinn, tek ég reglulega í Karokee og þyki góð á því sko.. !!

Loveja.

[Lára Hanna Einarsdóttir, 8.5.2008 kl. 23:56]

Ég fékk nú bara létt nostalgíukast við að spila þetta lag. Ég á allt aðrar og betri minningar um það og mörg önnur lög Hleifsins. Bara tóm sæla, dans og söngur. Hitt er svo annað mál að ég hafði aldrei hugmynd um hvernig karlinn leit út og var slétt sama. Það kom svo margt gott frá honum - helvíti kröftugt rokk.

Svona er nú upplifunin misjöfn hjá fólki. 

[Brynja skordal, 9.5.2008 kl. 00:01]

Get nú alveg komist í stuð af þessum lögum ennþá í dag en twentyone þvílíkur ógeðisdrykkur æl og já vodki líka

[Jenný Anna Baldursdóttir, 9.5.2008 kl. 00:07]

Lára Hanna: Upplifunin var flott þá, en ekki lengur.

[Lára Hanna Einarsdóttir, 9.5.2008 kl. 00:11]

Jújú, mér finnst svona kröftugt rokk ennþá rosalega skemmtilegt. En ég hef enga sérstaka þörf á að horfa líka og hef aldrei haft - bara hlusta og dansa. 

[Helga Magnúsdóttir, 9.5.2008 kl. 00:34]

Fékk nett nostalgíukast. En í mínum partíum voru Ísland úr NATO og rauðsokkuplatan spiluð. Áfram stelpur hér er höndin tengjum saman tryggðarböndin verum ekki deigar dansinn í. Ef baráttu að baki áttu berðu höfuð hátt og láttu o.s.frv. o.s.frv.

[Tiger, 9.5.2008 kl. 03:13]

Ég veit svo sem hver karlinn er, en ég er ekki hrifinn af tónlistinni hans - né honum held ég bara. Mínar ljúfustu minningar úr den eru með Bob Marley lögum sérstaklega - en það eru líka mínar verstu minningar sem tengjast honum - svo ég er í vandræðum.

En, satt og sannarlega rétt - fari kjöthleifurinn - og veri - mér og mínum að meinalausu.

Stórt knús á þig samt mín ljúfan blíða og óútreiknanlega.

[Jónína Dúadóttir, 9.5.2008 kl. 06:04]

Alveg missti ég af öllum svona partíum, en sýninst  á lýsingunum að ég megi bara vera fegin

[Ester Júlía, 9.5.2008 kl. 08:17]

Þetta er auðvitað snilldarinnar lag.  Hef þó aldrei verið aðdáandi. Sá hann ekki þegar hann kom og ekki grenja ég það að hann þoli ekki kuldann.  Takk fyrir myndbandið, rifjar ýmislegt upp..hehe..

[Ía Jóhannsdóttir, 9.5.2008 kl. 08:25]

Fílaði aldrei þenna kjöthleif svo mér er slétt sama hvar hann dvelur í heiminum.  Annars man ég vel eftir svona trúnó á klóinu hehehe

Góðan dag vinkona

[Jenný Anna Baldursdóttir, 9.5.2008 kl. 08:46]

Góðan daginn öll sömul.

Hallgerður: Nú er þungt yfir Gólan líka.

Allir í vegg.

DJÓK