Flautusinfónían hljómar!

Ég hélt að bílstjórarnir hefðu gefist upp og ég var leið yfir því.

Það var eitthvað svo dásamlega hressandi, eitthvað sem gaf von um að kannski væri hægt að breyta einhverju, þegar þeir ruddu sér í aðgerðir.

Svo var ég að horfa á hana Jóhönnu mína, tala um endurskoðun á almannatryggingum á þinginu áðan, og þá heyrði ég varla í minni konu fyrir flautuhljóðunum í bílstjórunum.

Jóhanna er auðvitað flott eins og venjulega.  Ég hef sagt það áður.  Það mætti fjölfalda þessa konu.

Bílstjórarnir eru jafn flottir.  Ég óska þeim og okkur öllum til hamingju með að þeir hafi ekki gefist upp.

Bensínið hækkaði í morgun.

Maturinn hækkar og hækkar.

Við verðum að bretta upp ermar við almenningur.

Ég kveð frá átakasvæðinu.

Þetta er hörmungajöfnun nr. 2

Og hafið þið það aularnir ykkar.

Úje!

Flautað við Alþingi

Athugasemdir

[Ragnhildur Sverrisdóttir, 8.5.2008 kl. 12:47]

"Bensínið hækkaði í morgun.

Maturinn hækkar og hækkar."

Ég ætlaði að hressa mig við á síðunni en núna er ég miður mín

Er þetta virkilega þín hugmynd um hörmungajöfnun?

Ég vil skemmtiefni og bullandi afneitun

[Jenný Anna Baldursdóttir, 8.5.2008 kl. 12:48]

Get real woman.  Hoppaðu fullsköpuð út úr afneituninni, ég skal gefa þér áfallahjálp

[Laufey Ólafsdóttir, 8.5.2008 kl. 12:52]

Ég er búin að sitja hérna í hávaðanum og var að hugsa um að hlaupa út með hvíta fána og hrópa: "Ég gefst upp! Ég skal lækka bensínverðið! Sorrý með þetta kæra fólk!"

Ætli þau sitji í hljóðeinöngruðum klefum þarna á alþingi? Ég er ekki frá því.

Tími á vetnis- og rafbílavæðingu? ...og sjálfsþurftarbúskap...

Kannski.

[Kristín Katla Árnadóttir, 8.5.2008 kl. 13:15]

Uss ekki gott með bensínið. Gott hjá bílstjórum.

[Tiger, 8.5.2008 kl. 14:27]

Æi, ég er orðinn hálf þreyttur á blessuðum Trukkakörlunum - alveg Gasalega eitthvað. Vildi óska þess að þeir bara færu með skollans bílana á bensínstöðvarnar og létu þá bara liggja þar kyrra. En, jú það er gott að einhver hreyfing er á landanum ... mættum alveg vera meira samtaka um löglegar mótmælaaðgerðir - gas-lausar og lög-legar.

[Pjétur Geir (IP-tala skráð) 8.5.2008 kl. 15:48]

Ástandið kann að vera svart ..... en skríllinn heldur áfram að kaupa bensín sem aldrei fyrr, öflugustu aðgerðir almennings er að halda úti svona bloggi og væla eins og þú ert að gera!