Fréttir úr mollinu

Ég fór í Smáralind með Söru dóttur minni, en skírnarveisla stendur fyrir dyrum um næstu helgi.  Hún var að kaupa sér föt.

Ég keypti líka föt til að sýna henni stuðning.  Að sjálfsögðu.  En ekki hvað.

Ég þarf að fara að hætta að sjoppa, þetta er engan veginn viðeigandi.  Ég geng þvert á eigin reglur og haga mér eins og óábyrgur materíalisti.  Sem ég er ekki svona yfirleitt.

En ég geri auðvitað meira úr þessu en efni standa til.

Ég afrekaði líka að fara í sykurfall í mollinu.  Hreint dásamleg lífsreynsla. 

Afrakstur verslunarferðar:

Dásamlegir skór sem ég keypti í GS ég er búin að stilla þeim upp á stofuborðið og ég get horft endalaust á þá og dáðst að þeim.  Svartir með háum hæl, ökklabandi og fyrirkomulagi.

Kjóll og peysa, sem ég get ekki lýst nánar en amman verður að vera fín í skírnarveislunni.

Rosalega get ég verið yfirborðskennd.

En ég er afskaplega djúp að öðru leyti.

Ójá.

Athugasemdir

[Jóna Á. Gísladóttir, 3.5.2008 kl. 15:55]

 (skærgrænn öfundsýkiskall). Skór með ökklabandi og fyrirkomulagi...

[Jóhanna Magnúsar- og Völudóttir , 3.5.2008 kl. 16:42]

Tók einmitt eftir þessari snilldarlýsingu á skónum! .. Það er eitthvað ómótstæðilegt við fallega skó.

[Ía Jóhannsdóttir, 3.5.2008 kl. 17:14]

Til hamingju með nýju skóna og allt hitt átfittið.  Keypti mér líka svona flotta skó í Kron í Hamingjulandinu, sko líka með öllu. 

 Góð hugmynd sem ég fékk hér, ætla að stilla þeim upp á borðstofuborðið á silkidúk.

[Signý, 3.5.2008 kl. 17:36]

Hvað er fyrirkomulag á skóm?... 

[Hrafnhildur Ýr Vilbertsdóttir, 3.5.2008 kl. 17:47]

Þú þarna dásamlega.....mikið sem ég á eftir að nota þessa setningu...skór með fyrirkomulagi.....nú svo á maður aldrei of mikið af skóm..

[Linda Linnet Hilmarsdóttir, 3.5.2008 kl. 18:56]

Innlitskvitt

[Þórdís Bára Hannesdóttir, 3.5.2008 kl. 19:16]

það er sáluhjálp að versla. Veit ekki afhverju.  Sennilega hefur það eitthvað með þróunarsöguna að gera.  þetta er skáð í litningana.

[Hugarfluga, 3.5.2008 kl. 19:34]

Ohhh mig langar svo í ný föt!! Fæ alltaf flóðhestasyndrómið þegar ég ætla að fara að máta og fer öfug út og enda í sömu gömlu lörfunum.

[Guðríður Hrefna Haraldsdóttir, 3.5.2008 kl. 19:43]

Ég þarf að fara að koma mér upp svona skóáhuga ... líst vel á þig, stelpa.

[Tiger, 3.5.2008 kl. 20:30]

Ef 10 konur væru í svörtum skóm - hvert par mismunandi gerð og lag en allir svartir - þá myndi ég ekki sjá neinn mun, bara svarta skó.

En, skil þig samt vel - kaupi sjálfur óhemju mikið af skóm - en í öllum litum og af öllum gerðum. Skil þig líka vel með fatakaup, þar er ég líka oft á tíðum að vaða áfram án þess að þurfa þess raunverulega - enda á ég óhemju af fatnaði sem ég hef ekki einu sinni notað ennþá.

En, mikið knús á þig djúpa óútreiknanlega glæsimeyja.

[Eyrún Gísladóttir (IP-tala skráð) 3.5.2008 kl. 20:58]

Það frískar alltaf andan að kaupa sér einhvað nýtt á kroppin það er bara hollt.

[Sigrún Jónsdóttir, 3.5.2008 kl. 22:31]

oh, ég öfunda þig geðveikt af þessum skóm með "fyrirkomulagi".  Mínir gáfu mér hælsæri í dag, þannig að ég sá ekkert fallegt í mínu búðarrápi.

[Edda Agnarsdóttir, 3.5.2008 kl. 22:55]

Æ hvað það hefur verið gaman hjá ykkur mömmunum og ömmunni í tískuleiðangri!

Jæja hvað með mynd af skónum?

Ég fór að kaupa tvíhjól á hálfvirði í Hagkaup með manninum mínum  - sko fyrir hann ! Nú verður sko hjólað á Skaga.

Knús á þig eskan og til hammó með skó og föt!

[Jenný Anna Baldursdóttir, 4.5.2008 kl. 00:04]

Þið eruð svo skemmtileg að það hálfa væri yfirdrifið. 

Fyrirkomulagið á skónum er bara flott, það er ekki hægt að lýsa því öðruvísi.

Góða nótt elskurnar.