Best í heimi hvað?

Frá og með morgundeginum verður einn sálfræðingur í starfi hjá Fangelsismálastofnun Ríkisins.  Þórarinn Hjaltason hættir og ekki hefur verið ráðið í starf hans.

Ég er hætt að botna í þessu andskotans fyrirkomulagi sem tröllríður þjóðfélaginu þessa dagana.  Ef eitthvað er ætti að fjölga sálfræðingum við fangelsin, auka þjónustuna við það fólk sem situr á bak við lás og slá.  Gefa fólki möguleika á að koma út sem betri einstaklingar. 

En þarna má eflaust spara.  Það er líka reynt að spara á hjúkrunarfræðingum á Lsp.  Það er farið í geitarhús að leita ullar.

Draumaþjóðfélagið mitt lítur aðeins öðruvísi út.  Það væri líka skemmtileg tilbreyting að sjá og heyra af heilbrigðisráðherra án þess að hann sé að flytja manni einhverja bömmera í tengslum við sparnað í heilbrigðiskerfinu, launadeilum og útboð á deildum.

Svei mér þá ef maðurinn er ekki "bad news". 

Ég er farin að fá fyrir hjartað í hvert skipti sem ég rekst á hann í fjölmiðlum. Alltaf verið að berjast við að draga saman það sem nú þegar stendur höllum fæti.

Það er aumingjalegt að hafa ekki efni á að reka almennilega heilbrigðisþjónustu og það er lágkúrulegt að reyna að hýrudraga það fólk sem heldur í okkur lífinu þegar við veikjumst.

Best í heimi hvað?

Nú eru hjúkrunarfræðingar að mestu leyti konur.

Hvernig yrði afgreiðslan ef læknar ættu í hlut.  Væru þeir á leiðinni út um miðnættið?

ARG

Einn sálfræðingur hjá Fangelsismálastofnun

Athugasemdir

[Hólmdís Hjartardóttir, 30.4.2008 kl. 10:30]

Æ, ástandið er aumt á þessu guðsvolaða skeri.

[Ásthildur Cesil Þórðardóttir, 30.4.2008 kl. 10:34]

Segi það með þér, það er enginn sparnaður af því að hlú ekki að þeim sem settir eru í "BETRUNARVIST" er það ekki svo sem það er kallað ? Nei það er ekki réttnefni, fyrir utan að fíkla á ekki að setja í fangelsi.  Á hvaða leið er þessi fjandans ríkisstjórn ? Mér er spurn.  Foringjarnir flandrandi um alla geima að bjarga heiminum, meðan Róm brennur.  Burtu með þetta lið og það sem fyrst.

[Jóhanna Magnúsar- og Völudóttir , 30.4.2008 kl. 10:46]

Það virðist vera skorið niður á röngum stöðum, það eitt er víst.  Því má bæta við að í dag er síðasti starfsdagur Bergiðjunnar, verndaðs vinnustaðs fyrir geðfatlaða.  Þekki einn vistmann sem verður atvinnulaus 1.maí (eins og það er nú tilheyrandi) .. arrrgg.. hvað þessu er öllu rangsnúið ..

[Huld S. Ringsted, 30.4.2008 kl. 11:03]

Ísland best í heimi hvað!!??  Get ekki komið auga á það Ef að þetta lið sem stjórnar væri titlað sem almennir launþegar þá væri löngu búið að reka það.

[Huld S. Ringsted, 30.4.2008 kl. 11:04]

Ég gleymdi einu..................ég ætla að verða ráðherra þegar ég verð stór, það virðist vera örugg vinna og lúxus ellilífeyrir!

[Sunna Dóra Möller, 30.4.2008 kl. 11:15]

...ég er alveg hætt að skilja svo margt sem er í gangi hér! Mig langar mest að flytja til útlanda, það er örggla betra einhvers staðar annars staðar en hér! Vitiði um land sem vantar íslenska, veluppalda prestsfjölskyldu til starfa !

[Linda litla, 30.4.2008 kl. 11:40]

Hvað er bara að ske í þessu þjóðfélagi okkar ?? Ástandið er hreinlega orðið hræðilegt.

[Tiger, 30.4.2008 kl. 11:49]

Já Jenný mín. Það er víst oftast þannig að þjóðarskútunni hættir til að spara á snarvitlausum stöðum - en eyða eins og mófóar á öðrum stöðum sem skipta minnsta máli. Nær væri að blessað þotuliðið í stóru feitu stólunum færu nú að sauma að sér og horfa með raunsæum augum á hvað það er sem skiptir máli í þjóðfélaginu - en hætti að horfa á það sem kemur okkur minna við á erlendum vettvangi.

Eigðu ljúfan dag Jenný mín.

[Jóhann Ólafsson (IP-tala skráð) 30.4.2008 kl. 16:47]

Hvernig væri að auka álögur á eldsneyti og nota peninginn til að borga hjúkrunarfræðingum og sálfræðingum í vinnu hjá ríki og sveitarfélugum aðeins meira. Gott mál?