Afturgangan í borginni

Afturgangan í borgarstjóralíki var að krúttast í vorkverkunum fyrir blaðamenn í dag.

Mér var einu sinni hlýtt til Ólafs, af því þeir voru vondir við hann í Sjálfstæðisflokknum.

Nú er hann búinn að setja niður sína síðustu kartöflu í mínum garði.

Ólafur er að spara og hann tekur klippurnar og lítur í kringum sig.  Hvar er óþarfi sem má missa sig?  Jú, Mannréttindaskrifstofa.  Þrjár stöður.  Algjör óþarfi, klipp, klipp.

Einn starfsmaður er á Mannréttindaskrifstofu.  Þórhildur Líndal.  Hún er að hætta.  Sem er auðvitað slæmt mál, Þórhildur var að gera góða hluti.  Ólafi finnst verkefni skrifstofunnar óljós!

Reykjavík er í góðum málum, það hlýtur að vera, ef þetta er það besta sem Ólafi F. dettur í hug til að flikka upp á heimilisbókhaldið. 

Mér finnst ég alltaf vera að horfa á Spaugstofuna þegar ég sé borgarstjórann í Reykjavík í fjölmiðlum.

Dem, dem, dem

Hreinsunarátak í höfuðborginni

Athugasemdir

[Grímur (IP-tala skráð) 26.4.2008 kl. 19:17]

en þessir 9 fulltrúar  gera þeir ekki neitt?

Mannréttindafulltrúar sviða

Framkvæmdasvið: Helga Björg Ragnarsdóttir
netfang: [e-mail]

Íþrótta- og tómstundasvið: Halldóra Gunnarsdóttir
netfang: [e-mail]

Leikskólasvið: Sigríður Indriðadóttir 
netfang: [e-mail]

Menningar- og ferðamálasvið: Kristjana Nanna Jónsdóttir
netfang: [e-mail]

Menntasvið: Sigurbjörg Helgadóttir
netfang: [e-mail]

Skipulags- og byggingarsvið: Ingibjörg R. Guðlaugsdóttir
netfang: [e-mail]

Umhverfissvið: Arnfinnur U. Jónsson
netfang: [e-mail]

Velferðarsvið: Elín Haraldsdóttir
netfang: [e-mail]

Mannauðsskrifstofa: Berglind Bergþórsdóttir
netfang: [e-mail] 

[Jenný Anna Baldursdóttir, 26.4.2008 kl. 19:35]

Grímur: Þetta er grímulaust andlegt ofbeldi að "peista" þessari romsu inn á kerfið hjá mér

Þetta er auðvita ekkert innlegg í umræðuna kallinn minn.

[Bjöggi (IP-tala skráð) 26.4.2008 kl. 19:39]

Hehe, núna þarf Jenný að játa sig sigraða.

[Jón Rúnar Ipsen, 26.4.2008 kl. 19:43]

Þetta er alveg í anda gerða hluta hér í Reykjavik . Það er nú samt alltaf skitið að á einu kjöreimabili hafa verið framinn Tvö valdarán og það er litið sem ekkert talað um það . Hvorki þessi né fyrir borgarstjórn voru í umboði Reykvíkinga

[Svala Jónsdóttir, 26.4.2008 kl. 20:07]

Eftir því sem ég veit best gegna flestir þessir mannréttindafulltrúar öðrum störfum í borgarkerfinu en eru auk þess tengiliðir við mannréttindaskrifstofu - sem bráðum verður ekki lengur til, að því að virðist.

Þannig er Helga Björg deildarstjóri mannauðsdeildar, Sigríður mannauðsráðgjafi í starfsmannaþjónustu, Kristjana skrifstofustjóri menningar- og ferðamálasviðs, Sigurbjörg mannauðsráðgjafi á menntasviði, Ingibjörg skipulagsfræðingur á skipulags- og byggingasviði, Arnfinnur starfsmannastjóri á umhverfis- og samgöngusviði og Elín mannauðsráðgjafi á velferðarsviði.

Eini mannréttindafulltrúinn í fullu starfi virðist vera hjá ÍTR, enda var ÍTR lengi með jafnréttisfulltrúa í fullu starfi áður en mannréttindastefnan var samþykkt.

[Jenný Anna Baldursdóttir, 26.4.2008 kl. 20:20]

Bjöggi: Ég játa mig ekki sigraða, enda ekki í keppni.  Þessi romsa breytir ekki þeirri staðreynd að borgarstjóri ætlar ekki að veita áætluðum fjármunum til Mannréttindaskrifstofu vegna "óljósra" verkefna.  Það er óþolandi. 

[Guðjón H Finnbogason, 26.4.2008 kl. 20:56]

 Sæl bloggvina. Ég er sammála þér í þessu með borgarstjórann að vera að hreins meðan blaðamenn sjá.Það er alvarlegt mál að afleggja mannréttindaráðið og ég held að fólk almennt geri sér ekki grein fyrir hversu mikið svið það nær það eru margir málaflokkar þar sem verða máttlausir í kerfinu og það er miður.

[Bryndís Ísfold Hlöðversdóttir, 26.4.2008 kl. 20:58]

Ég get staðfest það sem Svala segir, þau sem starfa sem mannauðsráðgjafar á sviðunum eru í vinnu við eitthvað allt  annað en bæta þessu hlutverki ofan á 100 % starf í einhverju öðru og fá að því er ég best veit ekki greitt eða mjög lítið fyrir stöðu sína sem mannréttindaráðgjafi. Nema sá sem er hjá ÍTR. (svipað og trúnaðarmaður starfsmanna) 

Í raun er hlutverk mannréttindaráðgjafa sviðanna að sjá til þess að mannréttindaáætlun sé gerð og henni sé framfylgt. 

Það væri auðvitað eðlilegast að mannréttindaráðgjafar sviðanna hefðu allir skilgreint starfshlutfall og fengju greitt eins og aðrir.  

Aðalatriðið er að borgarstjóri og meirihlutinn samþykktu í 3 ára fjárhagsáætlun borgarinnar fyrir nokkrum vikum síðan að á Mannréttindaskrifstofu yrðu 4 starfsmenn. Núna eru þau búin að ákveða að mannréttindi séu óþarfi og ætla að skera niður.

Ef ég skil Ólaf F. rétt sem ég er aldeilis ekki vissum því hann talar í hringi.

 þá er rumsu minni lokið, takk fyrir frábært blogg Jenný :)

[Tiger, 26.4.2008 kl. 21:02]

Sammála þér Jenný, óþarfa peningaaustur í allar áttir nema í þá átt sem virkilega þarf á að halda - t.d. fyrir heimilislausa eða bæta aðbúnað og hag aldraðra og öryrkja - nú eða setja meira fé í heilbrigðismál. Þetta er svo pólitíkusarlegt - að leika sér með almannafé - í atkvæðaveiðum. Ólafur er ekki heldur mjög hátt settur í mínum kokkabókum, sérstaklega eftir þessi kjánalegu valdagræðgisskipti í borginni - sem kostuðu okkur skattgreiðendur gífurlega mikla fjármuni sem betur hefðu mátt fara í góð og svelt málefni. Eigðu gott laugardagskvöld ljúfan góða.

[Júlíus Már Baldursson (IP-tala skráð) 26.4.2008 kl. 21:21]

Get verið sammál því að það skítur svolítið skökku við að loka Mannréttindaskrifstofunni sjálfri vegna þess að hlutverk hennar er óljóst.....eru málefni mannréttinda óljós?Og enn skrítnara að tala um sparnað hjá Borgarsjóði þegar sá sami sjóður var og gat pungað út um hálfum milljarið í gamla ónýta húskofa á Laugaveginum ekki alls fyrir löngu....þá voru peningarnir til.En að öðru,það er nú ekkert krúttlegt við að hamast í vorverkunum eða garðverkunum,þetta er sóða og skíta verk myndi ég segja.........með stóra garða:-)og þú getur nú alveg borið hlýhug áfram til Ólafs Borgarstjóra jenny.....það eru allir flokkar búnir að vera vondir við hann,líka hans eigin flokkur enda ber það ekki vott um kala til manns að hleypa honum í garðinn sinn og leifa honum að setja þar niður kartöflur.....ef mér væri illa við einhvern þá kæmi hann sko ekki innfyrir hlið hjá mér í mínum garði:-)

[Hrönn Sigurðardóttir, 26.4.2008 kl. 21:45]

Ég er nú að hugsa um að opinbera fávizku mína....

....hvað í ósköpunum gerir Mannréttindaskrifstofa Reykjavíkurborgar??

Já já ég er svona heims(k)kona

[Brjánn Guðjónsson, 26.4.2008 kl. 21:45]

hva! einhvernsstaðar verður að spara til að hafa efni á fiskihjöllunum að Laugavegi 4 - 6

er svo ekki öllum sama um eitthvert mannréttindakjaftæði?

allavega meðan við náum að friða fúna fuglakofa

[Bryndís Ísfold Hlöðversdóttir, 26.4.2008 kl. 21:56]

Mannréttindaskrifstofu ber að:

a) Vinna, ásamt mannréttindanefnd, framkvæmdaáætlun mannréttindamála.

b) Fylgja eftir ákvörðunum mannréttindanefndar.

c) Efla samráð innan borgarinnar í þeim málum sem stefnan nær til.

d) Eiga samvinnu við félög og önnur sveitarfélög í málum sem stefnan nær til.

e) Eiga samráð við tilnefnda mannréttindafulltrúa á sviðunum.

f) Efla samráð í málaflokknum innan borgarinnar.

g) Eiga frumkvæði að verkefnum.

h) Standa vörð um að borgarbúum sé ekki mismunað vegna uppruna, litarháttar, trúarbragða, aldurs, stjórnmálaskoðana, kynferðis, kynhneigðar, efnahags, ætternis, fötlunar, heilsufars eða annarrar stöðu.

[Jenný Anna Baldursdóttir, 26.4.2008 kl. 22:26]

Takk fyrir þetta Bryndís!

[Eyrún Gísladóttir, 26.4.2008 kl. 22:31]

He he þú getur aldeilis farið að senda fulltrúum borgarinnar mail .

Það sem fólki dettur í hug.

[Hrönn Sigurðardóttir, 26.4.2008 kl. 23:02]

ok - þá veit ég það!

Takk fyrir Bryndís. 

[Ólína Kjerúlf Þorvarðardóttir, 26.4.2008 kl. 23:21]

Það er alltaf jafn hressandi að kíkja hér við.

(Mannréttinda)baráttukveðjur, Jenný

[Sigrún Jónsdóttir, 26.4.2008 kl. 23:41]

Takk fyrir þetta innlegg Jenný, og umræðurnar sem komu í framhaldið.

Bryndís Ísfold er ein af frumkvöðlum mannréttindastefnu Reykjavíkurborgar og á hún mikinn heiður skilið fyrir vinnu sína að þeim málum.  Mér finnst það miður ef núverandi borgarstjórn ætlar ekki að halda áfram því starfi sem mótað var í fullri sátt allra borgarfulltrúa á sínum tíma. 

[Edda Agnarsdóttir, 27.4.2008 kl. 12:06]

Og ég sem hélt að þú hefðir aldrei séð Spaugstofuna!

Það var eins gott að þú hafir gert það annars hefði þessi góði pistill aldrei litið dagsins ljós eskan.