Júlía, segðu mér meira

 

Líf mitt stendur alls ekki og fellur með vitneskju um allt, smátt og stórt.

Eða það hélt ég, þangað til að það rann upp fyrir mér ljós.  Nú finn ég beinlínis hvernig skortur á vitneskju um ákveðna hluti hefur minnkað lífsgæði mín verulega fram að þessu.

Það sem ég veit núna er að Júlía Róberts notar ekki svitalyktareyði undir hendurnar á sér.

En ég veit ekki hvort hún rakar sig undir höndunum eða er með flókavöndul þar sem gerir henni óhægt um handahreyfingar.  Það er letdown.

Ég veit ekkert hvort hún hefur eðlilegar hægðir, né hvort maðurinn hennar borðar morgunmat og þá hverskyns.

Ég veit ekkert hvaða afstöðu hún hefur til mjólkurvara, finnst henni þær vondar, lala, eða mjög góðar?

Gengur hún í svefni, hvað finnst henni um inngöngu Íslands í Evrópusambandið, borðar hún svínakjöt?

Allt í einu er líf mitt svo fátæklegt, mig vantar upplýsingar, hvernig á ég að lifa áfram í myrkri fáfræðinnar?

Dem, dem, dem.

Farin að ryksuga mig undir höndunum.

Síjú!

Julia Roberts og handarkrikarnir

Athugasemdir

[Sólrún J (IP-tala skráð) 25.4.2008 kl. 08:53]

HAHAHAH

[Sunna Dóra Möller, 25.4.2008 kl. 08:57]

Það er gott að fá reglulega áminningu um hversu fátæklegt líf mans er, sá um daginn frétt sem ég held að muni breyta framgangi vestrænnar sögu en í henni var sagt frá að Naomi Campell sé að fá skalla !

Farin að lesa Tolstoy !

Góðan dag til þín

[Brynja skordal, 25.4.2008 kl. 09:06]

 Góðan dag og hafðu ljúfa helgi

[Jenný Anna Baldursdóttir, 25.4.2008 kl. 09:10]

Hallgerður: Hvaða smáborgaraháttur er þetta kona.  Mannslíkaminn er fagur svona orginal

Góðan daginn stelpur.

[Bárður Örn Bárðarson, 25.4.2008 kl. 09:14]

 Þú ert ekki ein um þetta. Líf mitt er yfirfullt af gagnsausri vitneskju. Svo er ég alltaf að lenda í aðstæðum þar sem mig brestur minnið. Til að mynda man ég alveg hvenær Villi Vill fæddist og Elly systir hans líka. En á það til að þurfa að hugsa mig um þegar ég er spurður um afmælisdag konunnar. En eins og vel má ímynda sér getur það haft alvarlegar afleiðingar í för með sér. Ég ætla fljótlega að óska þess formlega við konuna að fá að gefa henni afmælisgjöfina 17. júní. Þá verður engin hætta á að það gleymist, þó hún eigi afmæli mars.

[Jónína Dúadóttir, 25.4.2008 kl. 09:37]

Ja hérna hér.... það er auðvitað svakalegt að vaða svona í villu og svima sko...

[Gísli Baldvinsson (IP-tala skráð) 25.4.2008 kl. 10:10]

Júlía Róberts og Jón Sigurðsson, forseti vilja inngöngu Íslands í ESB.

[Jóhanna Magnúsar- og Völudóttir , 25.4.2008 kl. 10:24]

Sammála Hallgerði, ég er svona ofurviðkvæm augljóslega  ..

Júlía, já gott að vita hvernig hún hefur þetta!

[Guðríður Haraldsdóttir, 25.4.2008 kl. 14:53]

Julia vill einmitt ekki að við göngum í Evrópusambandið ...

Hhehehehe, góð!

[Birna Dis Vilbertsdóttir (IP-tala skráð) 25.4.2008 kl. 17:01]

Er myndin af rússneskri sundvinkonu minni?krikinn ótrúlega líkur krika sundvinkonu minnar