Morðingjarnir

 

Systursonur minn er trommari í Morðingjunum, þeirri frábæru hljómsveit.

Þeir eru með húmorinn í lagi þessir strákar og nú feta þeir í fótspor Bubba, þ.e. neita að taka við íslensku krónunni sem greiðslu.

Er nokkuð betra greiðsluform til, þegar við erum evrulaus og allslaus, en fé á fæti?

Jóna systir tekur kannski að sér að sjá um hýruna fram á haust fyrir minn mann?

Morðingjarnir eru að gefa út nýja plötu og eru með tónleika á föstudagskvöldið í Iðnó.  Þar mun dilkur verða dreginn.

Gleði, gleði, gleði.

Launagreiðendur landsins hljóta að sjá nýja fleti á launamálum og stokka upp krónugreiðslurnar.  Það er hægt að greiða í kjöti, brauði, fiski og slátri, svo við ekki tölum um mjólkurvörur.  Afturhvarf til fortíðar er það sem koma skal.

 Íslenska krónan er dauð.  Morðingjarnir segja það.  Bubbi reyndar líka, en ég tek ekki mark á honum.  Hann er allt of yfirlýsingaglaður.

Ég gerist fisksali.

Það er one tuff motherfucking job.

Ýsa var það heillin.

Úje.

Vilja fá borgað í dilkum

Athugasemdir

[Tiger, 22.4.2008 kl. 18:12]

Hmm... ég hélt að þú kærðir þig bara engan vegin um fisk? En það er nú kannski annað að seljann en borðann. Ég myndi alveg styðja það að við tækjum upp Evruna, en þá yrði landinn heldur betur að vera á verði - því reynslan sýnir að langflest tekur uppá því að hækka þegar skipt er yfir í Evru.

Spurning um að fara á morðingjana. Vilja ekki allir fá að sjá morðingja í action? Hef sjálfur verið í hlutverki morðingja, en það er önnur mynd - kemur söng lítið við svo sem...

Knús á þig Jenný mín og eigðu ljúft kvöld.

[Jenný Anna Baldursdóttir, 22.4.2008 kl. 19:06]

Hvar varstu í hlutverki morðingja Tiger?  Segja Jennýsín.

Hallgerður: Fiskur er fínn að selja á svörtu.  Er hann ekki að hverfa úr hafinu?

[Jónína Dúadóttir, 22.4.2008 kl. 19:08]

Þetta á nú eftir að draga dilk á eftir sér Mér finnst þeir flottir

[Tiger, 22.4.2008 kl. 21:14]

Hahaha .. jamm sko - nokkuð langt síðan. Var í góðu hlutverki í íslenskum sakamálaþáttum skulum við segja. Var þekktur á þeim tíma svona semiþekktur, en það er búið sem betur fer þó einn og einn stoppi mig og spyrji. Myndi nú alveg segja þér hvar og hvernig sonna undir fjögur ... eða svo. Knús og kremj á þig án þess að vera með morð í huga! ;)

[Sigrún Jónsdóttir, 22.4.2008 kl. 22:35]

Þetta eru flottir strákar!  Evra hvað? 

Væna flís af feitum sauð, það er allt sem til þarf, eigi að halda sér á

lífi.

[Þröstur Unnar, 23.4.2008 kl. 09:11]

Hér er fólk dregið í dilka.

Tek samt meira mark á óséðum Morðingjum heldur en Bubbum eins og Jennýsín.

Maður verður að vera sammála á svona góðum degi, þó það sé án Hrannar.