Á geðdeild

Stundum þegar ég les blogg, hlusta á fréttir eða bara á samræður við fólk, heyrir maður eitthvað sem snertir í manni streng, vekur upp minningar, misgóðar auðvitað.

Nimbus bloggar um þunglyndi.

Árni Tryggva skrifaði bók um þunglyndi.

Ein mín besta vinkona hefur þjáðst af þunglyndi og tekist af miklu hugrekki á við það.

Hallgerður bloggvinkona mín bloggaði um þunglyndi.

En hún ég, sem er með greininguna þunglyndi, þó greining í sjálfu sér segi ekki nokkurn skapaðan hlut, hef þjáðs af þunglyndi, að því marki að ég tel mig heppna að vera hérna megin grafar.

Ég blogga um alkahólisma, minn auðvitað, batann og annað því tengt, en ég hef ekki bloggað um þunglyndi.  Það gerir mig, dapra (verulega passandi orð).

Ég hef lyf við mínu þunglyndi og núna er ég fín, en ég veit satt að segja ekkert hvort þessi sjúkdómur er orsök, afleiðing eða hliðarbúgrein við alkahólismann.  Mér er slétt sama.  Ég veit bara að það er ekki nokkur leið að útskýra líðan mína þegar mér leið hvað verst.

Að taka ákvörðun um að fara í sturtu var tveggja daga prósess.  Þannig að ég var stöðugt á leiðinni í sturtu og eins gott annars hefði ég verið illa lyktandi þunglyndissjúklingur.  Að gera einfalda hluti var mér um megn nema með meiriháttar undirbúningi.

Ég var hrædd við símann, hrædd við fólk, hrædd við lífið og ég læddist um.  Hjartað barðist um í brjóstinu þannig að mér fannst ég vera að deyja í verstu köstunum.

Reyndar fannst mér tilhugsunin um dauðann nokkuð sjarmerandi, en ég hafði ekki orkuna til að framkvæma verknaðinn.

Ég fór á dagdeild geðdeildar um tíma og mér leið eins og ég væri komin á leikskóla.

Ég lá inni á geðdeild í tvígang fyrir rúmum áratug eða svo.  Það skelfilega við þá innlögn var þegar ég uppgötvaði að mig langaði ekki út.  Lífið hlýtur að sökka þegar vera á geðdeild er ákjósanlegur kostur í stöðunni.

En nú er ég fín.  Ég veit ekkert hvað triggeraði sjúkdómnum en ég hef ákveðna kenningu um það.  Mörg áföll, hvert ofan í annað geta gert kraftaverk í hina áttina.

En eitt veit ég, að ef ég ekki held mér edrú og í bata frá áfengissýkinni, þá er þunglyndið mætt á dyrapallinn eins og maðurinn í morgun.

Þá er þetta komið á blað.  Tímabært og flott að koma þessu frá sér.

Lífið er bjútífúl and só am æ.

Athugasemdir

[Hólmdís Hjartardóttir, 22.4.2008 kl. 11:59]

[Sunna Dóra Möller, 22.4.2008 kl. 12:01]

Mér finnst þú svo hugrökk kona og dugleg, því það er ekki auðvelt að tjá sig opinberlega um þessa hluti, þú ert öðrum sannarlega fyrirmynd í þessum efnum!

Stórt knús !

[Helga Magnúsdóttir, 22.4.2008 kl. 12:03]

[Guðríður Hrefna Haraldsdóttir, 22.4.2008 kl. 12:11]

Frábær færsla.

[Jónína Dúadóttir, 22.4.2008 kl. 12:18]

Þú ert dugleg

[Sigrún Jónsdóttir, 22.4.2008 kl. 12:27]

Þú ert bara flott

[Gísli Baldvinsson (IP-tala skráð) 22.4.2008 kl. 13:12]

Það sem þarf að gera ágætu bloggarar er að opna umræðuna. Námsráðgjafar sinna hóp- og einstaklingsráðgjöf í skólunum. Þar þarf að vera mun opnari umræða um þunglyndi enda hugsanlega fleiri þar á hinu gráa svæði. Það er talið að þunglyndi leiði til alkahólsisma og öfugt. Í hugvísindum er bara svo erfitt að sanna. Þú, Jenný er gott fræðandi dæmi. Hvernig væri að þú skveraðir þig og talaðir um þunglyndi við grunnskólanemendur? Ég er viss um að þar hefðirðu nóg að gera. Góður pistill. Öll skrif um upplifun þunglyndis eru af hinu góða. Að öllum líkindum er moggabloggið stór uppspretta pistla sem mætti safna saman í góða bók. Ég er viss um að útgefandi finnist.

[halkatla, 22.4.2008 kl. 13:20]

já það kannast margir við þunglyndi, umræðan þarf að vera meiri og opnari. Takk fyrir þín orð

[Karl Ólafsson, 22.4.2008 kl. 13:35]

Ég heyrði þetta gullkorn frá góðum vini sem ég á í Englandi:

"If you take away the alcoholism, you're still left with the -ism"

Sennilega nokkuð til í því. Heiðarleg og góð færsla frá þér, Jenný. Takk fyrir mig.

[Jenný Anna Baldursdóttir, 22.4.2008 kl. 13:38]

Karl: Góður, þá sit ég s.s. uppi með "depressionism"?  Hahahaha

Gísli: Þú segir nokkuð.  Aldrei að vita hvar maður endar.  En ég held að með tilliti til grunnskólafræðslu eigi hún að vera á höndum jafningjafræðslunnar.

Hallgerður: Takk og þið öll reyndar sem takið þátt í umræðunni.

[Signý, 22.4.2008 kl. 14:59]

Vá hvað ég kannast við þetta allt saman sem þú lýsir, þó ég hafi ef til vill ekki verið greind þunglind. En ég er næstum 100% viss að alkar eiga það allir sameiginlegt að hafa þurft að berjast við þunglindi samhliða drykkju/dópi og að það sé alkahólið og/eða dópið sem triggerar þennan leiða sjúkdóm. En þá er ég ekki að segja að það séu bara alkar sem verða þunglindir... En mér þykir það samt mjög áhugaverð pæling.

[Jóhanna Magnúsar- og Völudóttir , 22.4.2008 kl. 15:07]

Takk Jenný fyrir að segja frá.

[Bárður Örn Bárðarson, 22.4.2008 kl. 15:44]

Já Jenný flott hjá þér. Ég sjálfur á að baki 10 ára dvöl á geðdeild landspítalans. Að vísu sem starfsmaður svo maður hefur séð, heyrt og sagt eitt og annað í þessum fræðum í gegnum árin. Stór hluti af styrkleika mannsins er að geta talað um veikleikanna og viðurkennt hann. Maður vinnur aldrei í einhverju sem maður viðurkennir ekki. og þannig breytt ósigrum í sigur svo veikleikinn verður styrkur mann. Ég veit alveg að þú skilur hvað ég er að fara. Megi dagurinn vera þér ljúfur.

[María Guðmundsdóttir, 22.4.2008 kl. 16:02]

gód lesning..held thad séu ansi margir sem hafi reynt thunglyndi en tala aldrei um thad. gód umræda og veitir ekki af.

[Lilja Guðrún Þorvaldsdóttir, 22.4.2008 kl. 16:10]

  Þúsund þakkir!

[Svanhildur Karlsdóttir, 22.4.2008 kl. 16:18]

Knús

[Edda Agnarsdóttir, 22.4.2008 kl. 16:26]

Svart hvíta hetjan min....

Og svo framvegis, ég  þig!

[Sigurður Þór Guðjónsson, 22.4.2008 kl. 16:37]

Öruggasta leiðin til að vera allaf í dýpstu myrkrum er að drekka og dópa. 

[Tiger, 22.4.2008 kl. 18:20]

Þú ert ótrúleg Jenný, raunverulega sterk um þessar mundir. Þér tekst þetta, þú ert edrú og sannarlega að vinna í þínum málum! Það er ekki sjálfgefið að vera sterkari en svona erfiðir húsbóndar, eins og áfengi og erfiður sjúkdómur sem þunglyndi í þokkabót! Þú átt mikið hrós skilið fyrir óbilandi dugnað Jenný mín. Hef reyndar aldrei kynnst þessum tveim húsbóndum en kannast þó við fórnarlömb þeirra beggja og skil því hve sterk þú verður að vera alla daga, hverja stund.. Knús á þig ljúfan hugrakka!

[Birna Dis Vilbertsdóttir (IP-tala skráð) 22.4.2008 kl. 18:30]

Snilldar færsla.Eins og skrifað um mig.Gangi þér vel og takk fyrir þessa færslu.Knús og klem

[Jenný Anna Baldursdóttir, 22.4.2008 kl. 19:11]

Takk dúllurnar mínar, þið eruð yndisleg.

Dúa, ég þorði ekki að skrifa BESTA VINKONA, því ég var svo hrædd um að þú myndir ekki þola það hrokagikkurinn þinn

[Hugarfluga, 22.4.2008 kl. 20:21]

  Erfiður sjúkdómur með svo ótal margar og ólíkar hliðar, nálganir og úrræði. Kudos to you, my dear.

[Ragnhildur Sverrisdóttir, 22.4.2008 kl. 20:38]

[Lára Hanna Einarsdóttir, 22.4.2008 kl. 22:42]

Takk fyrir þennan pistil, Jenný.
Kærlega.