Karl í kápu og kjól

Þessi Benedikt páfakarl er að meika það bigg í Ameríku.  Merkilegt hvað fólk er yfirkomið yfir þessum karli í kjól og kápu (og lélegan skartgripasmekk) með vafasama fortíð.

Reyndar merkilegt að geta misst sig í hrifningarvímu yfir páfa svona yfir höfuð.  Það mætti halda að þessir karlar væru Beatles eða eitthvað.

Ég er ekki stútfull af umburðarlyndi gagnvart kaþólskri trú, til þess eru staðreyndir um margt misjafnt allt of margar.

Ég er alltaf að hallast að því meir og meir, að trúarsöfnuði, bæði litla og stóra, ætti að leggja niður.

Sjáið sértrúarliðið þarna í Texas, með konurnar í ljótu kjólunum, þar sem fjölkvæni viðgengst og saklaus börn veltast innan um þetta kolruglaða biblíuþyljandi lið.  Hvers slags samfélag er það sem lætur svona hluti grassera og ná hæstu hæðum í viðbjóði?

Kaþólskir prestar hafa misnotað börn í gegnum aldirnar, selt fátæku fólki syndaaflausnir frá Guði, rakað að sér fé, alið á hatri og fordómum, logið sig bláa í framan og verið minna heilagir en verstu kvikindi dýraríkisins.

Þjóðkirkjan, þessi sem við fæðumst inn í, og maður þarf að skrifa sig úr, þegar það ætti að vera á hinn veginn, viðheldur mannréttindabrotum og neitar að gera öllum meðlimum sínum jafn hátt (eða lágt) undir höfði.  Fokk og svínarí.

Nú er ég komin á skrið.  Öfgafullir múslímar eru líka stórhættulegir, en ég nenni ekki út í það mál núna, enda aðrir fullfærir í þeirri deild, svo ég segi ekki meir.

En Boston Legal er að byrja.  Nú er að sjá hvað Danny Crane gerir af sér þetta sunnudagskvöldið.

Ómægodd, hvað mér er uppsigað við trúarlega hræsnara.

Í Guðs friði

Páfi heimsækir Ground Zero

Athugasemdir

[Jóna Á. Gísladóttir, 20.4.2008 kl. 21:59]

ómægodd hvað ég er sammála þér núna. Kaþólska kirkja gerir HVAÐ SEM ER til að viðhalda standardnum (sem er orðinn ansi vafasamur í nútíðinni) knús til þín frá Kóngsins Köben

[Sigrún Jónsdóttir, 20.4.2008 kl. 22:03]

Amen.

[Brjánn Guðjónsson, 20.4.2008 kl. 22:31]

Jóhannes ruglar í sálum

og hræðir með helvískum bálum.

Með hempuna hvíta, hann er út'að skíta,

í hinum andlegu málum.

[Linda litla, 20.4.2008 kl. 22:40]

Halelúja......

Ég hef einmitt verið að pæla mikið í trú undanfarna daga, pælt í því hvað ofsatrúar og sértrúasöfnuðir eru kolklikkaðir.

Skemmtu þér vel yfir Danny Crane.

[Ásdís Sigurðardóttir, 20.4.2008 kl. 22:48]

Drottinn blessi heimilið    og heiminn

[corvus corax, 20.4.2008 kl. 23:17]

Það er eins og einhver sé að misskilja eitthvað hérna í athugasemdum. Brjánn yrkir lipurt um einhvern Jóhannes sem yfirperra úti að skíta. Er Jónó í Bónó orðinn aðalkallinn í trúmálunum? Eða er það einhver annar Jóhannes sem er að skíta? Kemur Benedikt páfi hvergi inn í leikinn?

[Brjánn Guðjónsson, 20.4.2008 kl. 23:35]

vitanlega átti þetta að vera Benedikt, en ekki Jóhannes. var bara of fastur í gamla páfanum

[Brjánn Guðjónsson, 20.4.2008 kl. 23:35]

en hey! skiptir máli hvers rass er undir hempunni hvítu?

[Steingrímur Helgason, 21.4.2008 kl. 00:12]

Það má svo sem alltaf míga á kristilegu barnatrúna mína, en þú gætir verið í ritfrelsishættu ef þú ferð nú að gagnrýna 'múzlíið' á bloggi.

[Lilja G. Bolladóttir, 21.4.2008 kl. 01:59]

Mörg ljótustu brot sögunnar hafa einmitt verið framin af kristinnar mönnum í gegnum tíðina.... í nafni kristinnar.

Páfagarður missir stöðugt fylgi...

En hey, Danny Crane er samur við sig, dreymdi kynlíf með Hillary Clinton. Geri aðrir betur!!!

[Svanur Gísli Þorkelsson, 21.4.2008 kl. 02:56]

Lilja; Mörg ljótustu brotum sögunnar hafa verið framin af mönnum (næstum eingöngu mönnum) sem hafa notað til þess að afsaka sig og réttlæta, hvað sem hljómar sennilega í það og það skiptið. Svo fellur fólk fyrir þessu umvörpum. Kristur og kristni eins og hann boðaði hana, upp á það er ekkert að klaga.....Mar sér ekki Danny og Kirk hér á Englalandi.

[Ía Jóhannsdóttir, 21.4.2008 kl. 08:29]

Amen á eftir efninu. 

Kveðja inn í góða viku.  

[Laufey Ólafsdóttir, 21.4.2008 kl. 08:52]

Já, Guð er ekki alltaf sýnilegur í verkum þeirra sem nefna hann hvað mest. Hér eru allt önnur öfl að verki.

Eigðu góðan og blessaðan dag Jenný

[Sunna Dóra Möller, 21.4.2008 kl. 09:13]

Ég gæti skrifað of langt koment um hvað ég er sammála þér.....mér ofbýður stundum þessi vitleysa í kringum trú sem á að vera einföld og einlæg en festist í rugli og mannasetningum sem snúast um að gera sínar skoðanir að skoðunum Guðs! Ég verð bara svo reið þegar ég hugsa um þetta...!

Góðan daginn annars og ég vona að þú eigir góðan mánudag !

[Jenný Anna Baldursdóttir, 21.4.2008 kl. 09:14]

Takk öll fyrir ykkar framlag til skynseminnar.

Guð er í hjartanu, lifrinni og blóðinu og síðast en ekki síst í heilanum.

Hvað segið þið um það?

Lalalalala