Fargings sokkabandsorðan

Ég veit ekki með ykkur, en stundum þegar ég horfi á stjórnmálamenn í viðtölum í sjónvarpi, þá fæ ég svona óraunveruleikatilfinningu.  Ég hugsa alveg: Er þetta leikþáttur eða brandari?  Þetta getur ekki verið að gerast í alvörunni.  Svona hugsanir skiljið þið.

Í kvöld varð ég vitni af einni svona senu.  Í Kastljósinu var talað við uppvakningarborgarstjórann, um REI og um Fríkirkjuveginn.

Óheppilegt að Kjartan skuli hafa sagt að það væri möguleiki á að selja hlut í REI til einkaaðila.  En það er full samstaða og ekkert verður selt.  Hann hafði talað við Kjartan en ekki um þetta mál.  Það var ágreiningur en samt ekki.

Óheppilegt my ass.  Er þetta fólk ekki í sambandi hvort við annað?

Og Fríkirkjuvegur 11 sem borgarstjóri vildi ekki selja.  En ætlar samt að selja.  Af því að það er komið í ferli.  Þið vitið, þetta með ferlin sko, ekki hægt að stoppa þau.  Það stendur skýrum stöfum í Biblíunni.  Svo eru VG bara að slá sér upp á tillögunni um að láta ferlið ganga til baka.  Ekkert að marka þá.  En það er að marka hann sjálfan, Ólaf F.  Almannahagsmunir hafðir að leiðarljósi.  Ójá.

Höfuðið á mér var farið að rúlla í allar áttir.  Augun stóðu á stilkum og heilinn brann yfir.  Maður er nú ekki sterkur á svellinu fyrir, með mörg hjónabönd, heljarinnar sukk og hóp af árum að baki, sem vinna defenately gegn manni.

Kannski er það bara ég sem skil ekki djúp sannindi borgarstjórans.

Ef svo er þá á ég skilið fargings sokkabandsorðuna.

Viðtalið hér.

Athugasemdir

[Jóna Á. Gísladóttir, 17.4.2008 kl. 22:34]

ég ætla að kíkja á viðtalið á eftir. En það sem ég furða mig einna helst á með suma stjórnmálamenn, er hversu létt þeir fara með að ljúga að sjálfum sér. Allir í starfi af hreinni hugsjón... je ræt

[Bergljót Aðalsteinsdóttir (IP-tala skráð) 17.4.2008 kl. 22:38]

'Eg er sammála þér þetta var ömurlegt viðtal En hvað með  Ólaf var hann  bara að slá um sig þegar hann reis upp á landsfundinum forðum? En einu tók ég eftir. Bindið hans Ólafs var fagurblátt. Tilviljun? Nei ég held ekki hann er á leið inní sjálfstæðisflokkinn aftur. Hvaða þvæla er þetta sí og æ með almannahagsmuni? Eru það almannahagsmunir að kaupa rándýra kofa en geta ekki staðið við skyldur borgarinnar þegar kemur að aðstoð við almenning.  

[Lára Hanna Einarsdóttir, 17.4.2008 kl. 22:40]

Nei, það ert sko aldeilis ekki bara þú sem botnar ekki í svona rugli. Við erum þó að minnsta kosti tvær!

[M, 17.4.2008 kl. 22:43]

Held hann hafi verið betri læknir (minn)

[Heiða Þórðar, 17.4.2008 kl. 23:07]

Þrjár

[Steingrímur Helgason, 17.4.2008 kl. 23:20]

Ég andmæli sem hver önnur mótmælönd því blogglega ofbeldi sem að gæsarzteggurinn vinur minn & jafnaldri minn hlýtur hér alltaf á bloggeríi vinzdri vænna kvennza.

Maðurinn er góðmenni mikið & flýr seint til sinna sjálfstæðiskvenna enda umhverfisönd mikil.

Ég trúðaðist þarna í gamla daga með Kalti Larsen, án tyggjós, eða heitra sviknra kossa þarna, en ef húsið er á sölu, só ?

Nei, ég vildi nú í raun að ÍTR ætti húsið.

Note2self.  Hringja í Óla á morgun...

[Linda litla, 17.4.2008 kl. 23:48]

Ég botna aldrei í neinu varðandi borgarstjóra, ríkisstjórn, pólitík, stjórnmál, einkaflugvélar og allt þetta þarna þú veist. Hef ekkert vit á því, þykist samt stundum hafa það, en það kemst yfirleitt upp um mig. Ég  veit jú að Ólafur Ragnar Grímsson er forsetinn okkar og grasið er grænt.

[Ásgerður Jóna Flosadóttir, 18.4.2008 kl. 00:41]

Sæl Jenný, ég fer yfirleitt í mjög gott skap eða vont skap þegar ég les bloggið þitt en nú get ég ekki annað enn skellt upp úr.  Hvernig má það vera þegar við kjósum alltaf sama flokkinn aftur og aftur.  Við erum mörg hver með gullfiskamemory, sorry.  Við fáum þau stjórnvöld yfir okkur sem við eigum skilið.

kkv.

[Ásgerður Jóna Flosadóttir, 18.4.2008 kl. 00:46]

Sæl aftur, gleymdi einu.  Hef fylgst með umræðum frá Alþingi í kvöld því ég er forfallinn áhuga maður um stjórnmál, og nú er klukkan gengin í eitt eftir miðnætti og ég er engu nær um samgöngumál hér á landi.  Ég mæli með því að fram fari árangursmæling á störfum þingmanna.

kkv.

[Lilja G. Bolladóttir, 18.4.2008 kl. 01:50]

Þessir menn tala bara í hringi, eru enn að reyna að klóra í bakkann og halda að allir séu á góðri leið með að gleyma sirkusnum sem þeir settu upp hérna um "daginn".

Hey Ásgerður, góð hugmynd þetta með árangursmælinguna!!! Það væri virkilega fróðlegt að sjá útkomu úr svoleiðis mælingu

[Hólmdís Hjartardóttir, 18.4.2008 kl. 03:33]

Er ekki málið að Borgarstjórnin er sprungin...sprakk á öðrum degi. En enginn hefur haft dug til að viðurkenna það. Fríkirkjuvegurinn seldur til að borga húsin við Laugveg.

[Hólmdís Hjartardóttir, 18.4.2008 kl. 03:33]

Átti að vera Laugaveg.

[Jónína Dúadóttir, 18.4.2008 kl. 05:42]

Fjórar...

[Guðrún Emilía Guðnadóttir, 18.4.2008 kl. 05:47]

Blessuð Jenný mín, skal segja þér, ef ég á erfitt með að sofna, hugsa ég bara um eitthvert viðtalið eða einhverjar umræður sem fóru fram á hinu háa alþingi, á endanum er allt komið í hring, svona eins og þegar maður sér stjörnur, skotin á koddanum um leið.

Árangursmæling væri frábær, einnig hvað allar þessar utanlandsreisur bættu í vort bú.
                                Knús til þín Jenný
                                    Milla.

[Ía Jóhannsdóttir, 18.4.2008 kl. 08:35]

Mikið vildi ég vera fluga á vegg þó ekki væri nema á einum borgarstjórnarfundi.  Veit ekki, þegar ég horfi á mynd af borgarstjóranum ykkar, NB ég segi ykkar þá fæ ég smá ónotakend. 

NB þekki kauða ekki nokkurn skapaðan hlut og aldrei hitt hann.

Góðan daginn!

[Heiða B. Heiðars, 18.4.2008 kl. 09:45]

Uppvakningsborgarstjórann!!!

[Brjánn Guðjónsson, 18.4.2008 kl. 10:54]

það var heppilegt að veðurfréttirnar voru rétt á undan viðtalinu. það er vissara að vita vindáttina eigi maður að botna í manninum.

talandi um heiðarleika og málefnalegheit

[Jenný Anna Baldursdóttir, 18.4.2008 kl. 11:01]

Brjánn: Góður og Heiða: Hehe.

Ía: Ég þekki hann ekki nokkurn hlut heldur og sem betur fer segi ég, það er erfitt að gagnrýna vini og kunningja.  Erfiðara amk.  OMG

Búkolla: Hvaða blámaður kallar oss hryðjuverkamenn? Ég fer og tala við hann.

Hallgerður: Þjáist af ofsagreind sem kemur í hviðum, ásamt tilfallandi fegurð í réttu ljósi, á vissum tímum dagsins.  Æ önderstand jú vúman.

Ásgerður: Hehe, góð hugmynd þarna, en það er gaman að bloggið mitt skuli vekja tilfinningar.  Ójá.

Milla: Þetta er góð aðferð.  Nota hana næst þegar ég á erfitt með lúll.

Lilja: Rétt, þeir tala í hringi svona eins og hundur reynir að ná í skottið á sér.

Steingrímur: Bið að heilsa þeim nýuppstigna.  Góður.

Og allir hinir, þetta er ótrúleg sjálfsblekking eins og Jóna bendir á.

[Hildigunnur Rúnarsdóttir, 18.4.2008 kl. 16:54]

Mér finnst svo sérkennilegt hvað borgarstjóranefnan segir oft "óviðeigandi" og "óheppilegt" og "óviðeigandi" þegar eitthvað er sagt við hann.  Haardeinn er svona líka.

Gæti það þýtt "óþægilegt" kannski?

Steingrímur, ég bara get engan veginn verið sammála þér um þennan mann.  Vantar alveg að sjá í honum þetta mikla góðmenni...