Heimskulegar spurningar

Hallgerður bloggvinkona mín skrifaði skemmtilega færslu sem oftar, í dag.

Hún fékk mig til að fabúlera um óþarfa spurningar.

Einu sinni átti ég bók (Mad) sem hét snappy answers to stupid questions.  Sú var dásamleg.

En það eru þessar spurningar sem vaða uppi og eiga ekkert erindi.  Eru eyðsla á tíma og orku og valda pirringi sem er nú ærin fyrir.

Eins og:

Ég er komin í kápuna, búin að hengja mig í treflinum, troða á mig nefhlíf, hönskum, húfu og eldingavara og einhver spyr: Ertu að fara eitthvað?

Ég fæ ljósakrónu í höfuðið, ligg veinandi á gólfinu með blóðpoll undir mér, beinflísar úr höfuðkúpu liggja eins og hráviði út um allt gólf og einhver spyr: Meiddirðu þig?

Ég vinn stóra Lottópottinn í beinni útsendingu, ég hoppa hæð mína, öskra og garga af hamingju og blæs í lúður og einhver spyr: Hvernig líður þér?

Ég geng úti með vinkonu og ég hitti manneskju sem ég hoppa upp um hálsinn á, kyssi knúsa og rugla hárinu á og vinkonan spyr: Þekkir þú þessa?

Ég ligg í djúpum svefni og hrýt þannig að það heyrist til Hornafjarðar, slefa í djúpsvefni og sýni engin merki um að vita í þennan heim né annan  og "einhver" spyr:  Ertu sofandi?

Ég sit og tala í síma þannig að það stendur bunan út um munninn á mér, ég sveifla höndum, tala hátt og er að kafna úr fjálgleika og sá sem kemur aðvífandi kallar hátt til að yfirgnæfa rödd mína: Ertu í símanum?

Nei nú er ég farin að urlast.

Ætla að reyna að sofna.

Eruð þið að lesa þetta?

Segi svona.

 

Athugasemdir

[Hólmdís Hjartardóttir, 16.4.2008 kl. 00:57]

How do you like Iceland??

[Brynja skordal, 16.4.2008 kl. 01:28]

 sofna hlæjandi núna

[Jóna Kolbrún Garðarsdóttir, 16.4.2008 kl. 01:35]

Hæ ertu bloggari?

[Hulla Dan, 16.4.2008 kl. 02:51]

 hehehe. ég geri mikid af tessu.

[Tiger, 16.4.2008 kl. 04:48]

Hahaha ... alveg brilljant færsla hjá þér Jenný. Svo mikið þú hérna og dæmin sem þú nefnir þarna eru alveg stórkostleg. Þetta er svo mikið mikið til í daglegri flóru að svona spurningar fljúga frá fólki sem greinilega hefur varla fasta skrúfu - eða þannig. Reyndar hef ég sjálfur bæði lent í að spyrja svona heimskulegra spurninga um eitthvað sem algerlega lá ljóst fyrir - og að fá svona spurningar líka.

Málið er náttúrulega líka að maður er stundum svo hrikalega fljótur á sér og veður áfram án þess að hugsa, og útkoman - ja - stundum mjög skondin og skæld. Knús á þig Jenný mín og eigðu yndislega nótt sem og frábæran dag á morgun.

[Óskar Arnórsson, 16.4.2008 kl. 05:34]

Snilld!

[Jónína Dúadóttir, 16.4.2008 kl. 07:11]

Góðan dag Jenný, varstu að skrifa þetta ? Góð að venju !

[Linda litla, 16.4.2008 kl. 07:56]

SNilldarafærsla hjá þér eins og vanalega Jenný.

Hér er eitt:

Síminn hringir um miðja nótt, ég blóta símanum í sand og ösku og svara HALLÓ (geðill). Þá er sagt, "hæ, fyrirgefðu var ég að vekja þig ??" Þá svara ég brjáluð " Nei, ég var að skúra" !!!!! AUðvitað var verið að vekja mig.

[Hildigunnur Rúnarsdóttir, 16.4.2008 kl. 08:00]

haha, ég átti líka þessa bók, hvað ætli hafi orðið af henni :D

[Jenný Anna Baldursdóttir, 16.4.2008 kl. 08:24]

Hildigunnur: Mannstu; Tveir menn að sökkva í kviksyndi og annar spyr; Is it a quicksand? og hinn: No it´s a slow sand are you in a hurry?  ARG

[Jenný Anna Baldursdóttir, 16.4.2008 kl. 08:26]

Þið eruð öll jafn klikkuð og ég, þess vegna lesið þið hérna.  Eruð þið vöknuð? Kast.

[Guðmundur G. Hreiðarsson (IP-tala skráð) 16.4.2008 kl. 08:42]

Hvaða, hvaða. Maður kemur í fyrir rest í heimsókn, og þá er því slengt framan í mann, eins og úldnu ýsuflaki, að maður sé kolklikkaður.

[Birna Dis Vilbertsdóttir (IP-tala skráð) 16.4.2008 kl. 09:03]

 Daginn

[Hrafnhildur Ýr Vilbertsdóttir, 16.4.2008 kl. 09:09]

...hvar hefurðu verið allt mitt líf...

[Ásthildur Cesil Þórðardóttir, 16.4.2008 kl. 09:27]

Mikið rosalega er mikið til í þessu, og ég held að ég hafi upplifað flest af þessu, það eru þessir litlu hlutir sem maður tekur ekki eftir nema þegar manni er bent á þá

[Svanhildur Karlsdóttir, 16.4.2008 kl. 09:30]

Hehehe snilld

[Ragnheiður , 16.4.2008 kl. 09:48]

Einn þrammaði inn í vinnuna mína um daginn og mætti öðrum sem spurði ; ertu kominn?

Hinn horfði á hann og sagði ; Nei !

Eigðu góðan dag ...knús...í fjallahéruð.

[Hrönn Sigurðardóttir, 16.4.2008 kl. 10:33]

hahahah og samt spyr maður áfram.........

Knús á þig kjéddlingin mín

[Jóna Á. Gísladóttir, 16.4.2008 kl. 12:31]

 kast

vil samt benda á að ef þú hengir þig í treflinum í forstofunni ferðu ekki langt eftir það. Nema kannski í anda

[Ibba Sig., 16.4.2008 kl. 14:49]

OMG, OMG, Snappy answers to stupid questions, ég átti þá bók líka. Held ég hafi keypt hana á flugvelli í útlöndum fyrir svakalega mörgum árum og skemmti  mér konunglega yfir henni.